|
|
المنتدى الترفيهي منتدى متزن يهدف إلى رسم البسمة وكسر الجمود.. |
مواقع النشر المفضلة (انشر هذا الموضوع ليصل للملايين خلال ثوان) |
|
أدوات الموضوع | تقييم الموضوع | انواع عرض الموضوع |
24-05-2006, 10:39 PM | رقم المشاركة : 1 | |||
|
[][]فضلا اطفئ محرك سيارتك فانت في محطة وقود[][]
بعيدا عن محاجر عيون الاقلامِ888 الناضحه بكل مشاعر الروح والآلآم أهدى الجميع احد مواقفِي!!! في محطه وقود عباره عن موقف عملته في محطه وقود اترككم معه (ساكتبه بأسلوب خاثرفيه دقات واللبيب يكفيه الاشاره) ******* ربما الاغلب في محطاتنا المنتشره في ربوع بلادي(تنافس عدد السيارات من كثرها ) #يمكن كثرتها لانه ان البنزين رخيص بالمره عندنا ولايمكن خوف علينا علشان مانتعطل ولانلاقي بنزين ونتاخر ياطيب قلوبهم اصحاب المحطات ولا الي وراهم مافيه شك اطيب بالحيللللل منهم كح كح المهم في المحطات جرت العاده يوم يجي صاحب السياره ويوقف سيارته اول مايطري على العامل انه يعبي له ويفتك منه بسرعه (ويرجع يكمل دق الحنك مع اصحابه) #بصراحه وللانصاف يذكروني بموظفين القطاعات الحكوميه ولا مواخزه على التعبير لكن اشوف صوره بلاغيه في محلها وياخوفي يجي اليوم الي تصير تعبيه البنزين مثل المعاملات في دوائرنا الحكوميه بصراحه راح تكمل مو موضوعنا اللحين لكن وين وصلنا المهم يوم يقف صاحب السياره يجي العامل ويحط المزود بالسياره ويبدا يعبي وبعدين يجي ويقـــول لصاحب السياره بكم تبي وبدوره صاحب السياره يقول عب لي بكذا( أي مبلغٍ كان) وبعد مايرجع العامل يلاقيه عبى شوي ويكمل الي بقي من المبلغ الي يبيه صاحب السياره وهنا يكون طخ عصفورين بحصاتن وحده اختصار الوقت ويرجع بسرعه لاصحابه ***********من هنا بدأت ملاطفتي له******************* لنبدأ المغامره سويا(صاير----فتى الادغال ماوكلي ) المهم جيت وكالعاده العامل جاء ووضع المزود وبدا يعبي وفي هالوقت أظهرت اني مشغول حيل ومحتاس بالسياره ومابين المسجل والجوال والمرايه وازبط الشخصيه مع هذا كان القزاز مرفوع من زود حرصي حتى مااسمعه حتى لوناداني لشئ في نفسي اردت كل هذا ومثل ماقالوا لحاجه في نفس يعقوب!! بعدما تأكدت واطمانيت ان المبلغ ارتفع شوي نزلت القزاز و ببرود ينبأ عن ميت احساس فيني قلت بسرعه ؟ بالله ولاعليك امر وبسرعه تكفى حط لي((( بريــــال بنزين )))الله لايهينك وعجل تكفى ولي يرحم والديك مره مستعجل تاخرت مرررررررررره قال بكم بريــآال واحد!!!!!! قلت ايوه بريال ماهو عاجبك ولاشلون رجع مثل الصاروخ وقفل المزود ولكن هيهات يلحق عليه( اخس هيهات يحب الفصحى ) لاني اصلا مانزلت المرايه الا وانا متاكد ان المبلغ تجاوزه بكثير وفي وقت ماراح يطفي المزود خبيت المحفظه تحت المقعد وحطيت في جيبي ريال واحد ولما رجع لي قلت خذ هالريال وشكرا عبيت بسرعه والله فيك الخير لاني مستعجل خخخخ رد علي وقال يا أخي اسمعني قلت سم!! قال ترى تعبى اكثر من ريال قلت والله قال ايه والله رديت عليه طيب انا قلت لك بريـال؟ وكملت باسلوب قوي خبري قلت بريال لانه انا صاحب السياره على بالي كذا؟؟؟ لايكون غلطان بس!!!!!! قولي لو كان كذا نبهني اخاف اكون ناسي ( طرت فيه لانه خير سلاح للدفاع الهجوم =======>اخس متربي في البنتاقون) قال الا بس المبلغ قاطعته ورديت انا صاحب السياره:: وابي بريال حرّ سيارتي وانا حرّ بحط بريال فيها بكيفي فيه مانع!!!! لما شاف ان مامعه حيله قال لي كمل المبلغ يااخي(ردها للأخلاق لانه اهم شئ الأخلاق) انت تقدر على دفع اكثر شكلك والسياره يدل على كذا قلت لاتغر هالسياره ولا الكشخه ماعندك احد ترى مجرد مظاهر منت مصدق تعال وفتشني ولو حصلت غير الريال حلال لك وانا متاكد انك منت بلاقي لاني الريال اصلا متسلفه !!!! للبنزين وبعدين تراني تاخرت وراي موعد المهم والمزود بيده استسلم واخذ الريال وكنت اشوفه وهو يرفرف بين يديه ههه وشغلت سيارتي ومشيت شوي وعيوني تراقبه في المرايه وهو المزود في يده ومندهش وعليه الصدمه مو مصدق انتظرت وبعدين فكرت كثير: : (عاد شيطاني جاني هذيك الحزه وقال شي فرصه توفير بنزين حق فرفره يومين غبي لو رجعت له طيع شوري وتفلح يوم قال تفلح ذكرني جدي الله يرحمه دايم يقول افلحوا عيالي ياهلي وقعدت ادعي له واترحم عليه فاضي بالمره ) وبعد كر وفر ومد وجزر بين الحزب الطيب والشرير فيني وهو يطالعني باسف وقهر انتصر الخير فيني (على الفطره مره ) ورجعت له وقلت ترى كنت امزح وخذ فلوسك حبيت امازحك : : قام رد وهو فرحان بغى يتشقق وجه من الفرحه والله مشكور رغم اني عارف وكلي ثقه واصرار وعزيمه =======>(تقول بيدخل مباراه) رغم اني عارف انه لو كان الموت في يده راح يفكه علي لكن عودة الفلوس هي المهم عنده :: وبعدهاغاردت المحطه انتهى اهديه لكم والاهم هو رسم الابتسامه على شفاهكم اخوتي التحايى لكم شفتوا وين الدقات محلها بالموضوع احم احم |
|||
25-05-2006, 03:00 AM | رقم المشاركة : 2 | |||||
|
والله يا فهد البنتاغون ما طلع براس معك , بس يا زلمة حرام عليك هالفيلم بالعامل , اي والله الزلمة أكيد شاف حياته كلها بهاللحظة و مش عارف شو يحكي .
|
|||||
25-05-2006, 09:59 PM | رقم المشاركة : 3 | ||||
|
اقتباس:
اهلين ايهاب ههه --------------------لاتلومني حب المزح طاغي عليّ سلمت حبيبي على المرور ودي |
||||
30-05-2006, 11:01 AM | رقم المشاركة : 4 | |||
|
|
|||
02-06-2006, 11:30 PM | رقم المشاركة : 5 | ||||
|
اقتباس:
وبك جاءتنا دمتِ رقيقة الحرف |
||||
|
|