طبق اليوم،الدعوة عامة..

[سمر محمد عيد]

المشاركة الأصلية كتبت بواسطة حنين يوسف

اييييييييييييييي والله الله يسامحك بس
انا جووعااانه وجاية ركض
على مبدأ العين تأكل قبل الفم أحيانا



بس وماله شبعتينا أكل قصدي كلام حلو
شكرا شكرا

مية وردة للورد..
جاي ركض من ديرتنا الأردنية ،اللي بالحلا مضويةوبالحب مروية،بنت النشامة الذكية،
بيقول المتل ياحنين لاقيني ولا اطعميني..
وأنا بلاقيكي وبحطك بعيوني..
هو في أحلا من الكلام الحلو..
شبعنا اكل،فطور وغدا وعشا..
أما القعدة الحلوة،مابتتفوّت غاليتي حنين..
يالله ساعديني وناوليني المحارم لنمسح التعب والحزن،وخليكي حدي للأخير ..
الله يسعدك يا حنين..

[سمر محمد عيد]

مسا الخير ..

امممممم
لك شو هادا يا سمر .؟
ونحنا اللي كنا مفكرينك زعلانة وعم نقول وينك يا سمر.....ها... هلأ فهمت كنت قاعدة ع بتحضري لهالعزيمة الملوكية ...هلأ قفشتك ..بس عن جد شو هالأطباق اللذيذة يلي عم بشوفها على الطاولة ؟ وشو هاالترتيب ...وهالأزهار فعلاً إنك مزوقة سمر ..

صباح العطر لأجمل ورد..
عم قول من وين هبت ريحة العطر ،تاريكي نورت ياخير زائرة،
طبعاً عم حضّر للعزيمة،هو في أغلى منكن..
صحيح كنت زعلانة،بس عرفت غلاتي عندكن،خلص سامحت ،
في تشكيلة سماح كتير طيبة،وجنبها صحن صفاومحبة..أمانة اسكبي شوي ودوقي ..

...شو هادا الطبق هونيك سمر؟ . هونيك هونيك جنب كاسات عصير الإخلاص والوفاء ..؟ نعم ؟ هادا طبق الحب .؟ عن جد منظرو كتير حلو ...معليش لا تقوليلي هلأ طريقة تحضيره .بس خليني أدوق لقمة وحدة منه قبل ما يجتمعو المعازيم ....ليش ع بتطلعي فيني سمر ...شو خايفة أنزعلك زينة الطبق قبل ما حدا يأكل ..خلص رح أصبر شوي...

أمانة تتفضلي ولاتخجلي مافي حدا غريب
كلن أخواتنا ،مدي ايدك،حتى يزيد الطبق حلا ونكهة..
عم اتطلع فيكي ،فرحانة فيكي ،وشايفة حالي ببنت بلدي الطيوبة ..مية السلامة والله..

طيب وينكن يا جماعة ...تفضلو بقا ..ها ..هي هشام وحنين وعبد السلام وصلو . .سمورة حبيبتي أنا ما ضل عندي صبر ..قربيلي من جنبك صحن المحبة ...أيه شو هالطعم الطيب .يا عيني عليكي شو إنك خبيرة في فن الطبخ .ولا هالطبق المودة يا سلام شو زابط معك أممممم...بس بتعرفي كأنو مكترتيلو الملح شوي ..لأ لأ ...كتير طيب ملحو راكز فعلاً...بس أنا يبدو إني هريت عليه ملح لما كنت عم برش ملح على لقمة الصداقة ..وجبة دسمة .بس ليش الواحد ما عم بيحس أنو متغلب .أنا شخصياً لسا في عندي مكان في قلبي آكل الحلويات ...فشو محضرتيلنا يا أكرم سمر ...نعم ؟ ..كنافة بالحنان ..؟؟ ..كتير لذيذة وأنا من زمان مشتهية عليها

سبقوكي الأخوة هشام وعبد السلام،عم يحكوا عن أخبار البلد،أمانة ناوليهم عصير الفرح حتى ينسوا الحزن ،،
وليكها حنين ما أحلى فتلتها بالعزيمة عم تساعدني ،
معليش كتري ملح للصداقة حتى ما حاد ينسى التاني،
الوجوه الحلوة هي أحلى كنافة وأطيب حلاوة بالدنيا..
يالله ياثناء لازم الكل يشارك..ساعديني..

كلو حيتاكل يا سمورة ..ليش عم تطلعوا فيني هيك ؟؟؟!!...شو مفكريني صار لي يومين بلا أكل؟ ...يا جماعة ..والله أنا في الأصل كنت شبعانة بس لما شفت هالأطباق اللي محضرتها سمر فقدت المقاومة ..طيب والله خجلتوني ..خايفين ما أترك شي لغيري خلص رح أشرب عصير الشوق واللهفة وأنتظر لبين ما يجو كل المعازيم ..

بعرف انك شبعانة،أصلاً أنت قلبك مليان محبة وود وصفا..بس لازم نشارك الكل،حتى يصير بيناتنا خبر وملح وسكر كمان..
ديري بالك ،ترى العصير مركز،خايفة عليكي من اللهفة،ويتأخر الحضور،على مهلك ،شوي شوي يا أحلى ثناء..
نسيت وصيكي ع شوية فستق حلبي ،حتى رشه على وجه الطبق،ويعطيه نكهة خاصة ،،يمكن الرواق والبسط..
حطي شريط صباح فخري اذا بدك ثناء..
(والقلب مايهوى الاتنين،بدو وحدة حلبية..)

خليكي معي للأخير،ياأجمل الوردات النقيات النديات،، مابدي حدا يطلع زعلان،
الله لايحرمني اياكي ثناء..

[سمر محمد عيد]

المشاركة الأصلية كتبت بواسطة خديجة التازي

الله يسامحك

المشاركة الأصلية كتبت بواسطة خديجة التازي

زيي زي الاخوان دخلت وانا كلي شهية للاكل
وماوجدت الطبق كله اشواك من اين هذا الطبيخ ؟؟؟؟؟؟؟
اكيد من بلاد العجائب
(اقصد عجائب سمر)
تسلمين على خفة دمك
هههههههههههههههههههههههههههه

نورتي ياخديجة الغالية..
حتى أنت بتلوميني ..
ضروري طبيخ ومنسف وملحقاته..
والله الأكل بدو محبة ولمة حلوة وقلب صافي،
أمانة تاكلي عنك وعن الولد الله يخليه،حتى يطلع بيحب خوالو (الموجودين معنا)
وان طلع لخوالو يا زين فعالو..
ارتاحي ،وكل شي بيجي لعندك..
صحتين وهنا...

[ثناء حاج صالح]

سمورة سمورة ..بالأحضان ...خليني أبوسك شي مية بوسة ورا بعض ..ومو مسموح تعترضي ...أبوس قلبك وأبوس روحك ..ما أحلاكي ...وين كنت من قبل يا سمرمر.. .....عن جد شو هالإبداع ..بالحب وبالحكي ......بتعرفي ..شعوري تجاهك رح يخليني أجليلك كل هالجليات بعد العزيمة...مع إني ما بحب أجلي ....يلا نزلي بهالصحون ولا يهمك .أنا اليوم رح أنام عندك .وسهرتنا للصبح بالمطبخ ..وهي أنا جايبة معي سي دي صباح فخري ..وأول غنية رح نسمعها
أنا وحبيبي في جنينة ....والورد مخيم علينا ..

[سمر محمد عيد]

المشاركة الأصلية كتبت بواسطة اكرام كوثري

سمورة احلى طبق اكلت في حياتى و احلى كلام سمعته من اختى سمر
المقادير والطريقة من احلى ما يكون ومممممممممممممم لذيذ جدا مع تحلية المحبة والود دمت بخير و محبة متبادلة يا اختى سمورة وربي احلى طبق ;تستاهلي احلى طبق البسطيلة

اكرام .. اشتقتلك
الله جعله صحة وهنا ياارب
وجايبة معك طبق كمان،والله شوفتك بتكفي..
الك مني أحلى وجبة حب ببعتها للمغرب الحبيب مع مرسول الحب..
مرسول الحب فين مشيتي وفين غبتي علينا
خايف لاتكون نسيتنا وهجرتنا وحالف ماتعود
مادام الحب بينا مفقود وانت من نبعه سقيتنا
باسم المحبه باسم الاعماق وأحر الأشواق
كان اترجاك اسأل فينا وارجع لينا يدوم الصمت وتتكلم اغانينا
،،
اكرام خدي عينات لأهلنا بالمغرب،والله بنحبهن..رغم كل المسافات..
..تفضلي ارتاحي جنب خديجة أكيد تعبانة من السفر..الله يكون بعونك يا غالية..نورتينا..

[عبدالسلام حمزة]

ما شاء الله ع النسوان ههههههههه
من أول جلسة كأنه بيعرفوا بعض من سنين وإيام
والله حسيت حالي بين أهلي .. ما في أحلى من المحبة والوئام .. وخاصة إذا في أكل طيب من أيد سمر و ( دي جي ) مع ثناء ..
واشراف عبدالكريم , اليوم مثقل بحاله ليعبي مركزه
وهشام , يلي شايفه مندهش من حلويات المحبة المزينة بالعسل ..
ريته ما يبلى .. تعيشي وتعملي غيرها
وتظل سفرتك دايما ً عمرانه ..
ولمّة الأخوة والأخوات بديارك منزانة يا سمر

[سمر محمد عيد]

المشاركة الأصلية كتبت بواسطة عبدالكريم قاسم

كم لذيذ هذا الطبق . كنا بحاجة اليه من زمان
طبق من المحبة،مكلل بورود التواصل والألفة،والسماح..
انت طاهية ماهرة حتى في صياغة الكلام . جميلة هذه العزومة
اهلا بك اختي سمر نورت المنتدى من جديد
اطبخي المزيد فالكل سيحضر بافواه فاغرة وبطون فارغة .
اهلا بك مرة اخرى كنا نريد ان نأتي بجاهة وواسطة حتى نعيدك الينا ونحمد الله انك عدت .

أهلا بك أخي عبد الكريم
في بيتك ومطرحك..وأنا الضيفة عندكم..
والله فكرة الجاهة راقتلي،لكن مابحب الوساطة بين القلوب الطيبة الصافية،ومابدي تغلّب الأخوة وتعذبهم معانا..خلص صافي يالبن..
طبعاً العزيمة بالترفيهي لأنكم أهل ،وقوبكم بتتحمل الكل..
تفضل هاي فنجان قهوة أهلا وسهلا،مليان أمل بلقاءات أجمل وأحلى..
ومطرحك محجوز على يسار الاخ هشام.. بالصدر،،وكل المطارح خير وبركة..
احكي للشباب بيكفي حكي بالسياسة،لأن القعدة بدها رواق وفرح،مو نكد وهم..
ثناء ،،هاي الأخ عبد الكريم وصل..اتوصي فيه
أهلا بهالطلة والله..
ضحتلك وردات الدار وقالتلك أهلا وسهلا

[عبدالسلام حمزة]

صباح الخير
سمر
ثناء
عبدالكريم ,
صباح الخير لكل من سيمر من هنا
تعرفي يا سمر , ورداتك هذول كثير حلوين وبيفتح النفس , وأنا كثير بحب اللون البنفسجي , على ذكر اللون البنفسجي وينها أميرة تفسر شو يعني واحد يحب اللون البنفسجي ؟
يا جماعة الخير , لازم نشوف أميرة وينها , وأقلها المنتدى الترفيهي بمشرفه الكريم عبد الكريم , والأريبة الأديبة ثناء , وسمر ( الحبّابة ) لازم يراسلوها ع الخاص ويطيبوا خاطرها
أميرة ما بنقدر نستغني عنها ولا نقدر على زعلها
( أُصدر وأُفهم عَلنا ً , حكما ً وجاهيا ً غير قابل للطعن ) .
رُفعت الجلسة . قرار يلزم تنفيذه لمن يهمه الأمر ..

[عبدالكريم قاسم]

[QUOTE=سمرعيد;382132][FONT="Comic Sans MS"][COLOR="Green"][SIZE="6"]
[CENTER] أهلا بك أخي عبد الكريم
في بيتك ومطرحك..وأنا الضيفة عندكم..
والله فكرة الجاهة راقتلي،لكن مابحب الوساطة بين القلوب الطيبة الصافية،ومابدي تغلّب الأخوة وتعذبهم معانا..خلص صافي يالبن..
طبعاً العزيمة بالترفيهي لأنكم أهل ،وقوبكم بتتحمل الكل..
تفضل هاي فنجان قهوة أهلا وسهلا،مليان أمل بلقاءات أجمل وأحلى..
ومطرحك محجوز على يسار الاخ هشام.. بالصدر،،وكل المطارح خير وبركة..
احكي للشباب بيكفي حكي بالسياسة،لأن القعدة بدها رواق وفرح،مو نكد وهم..
ثناء ،،هاي الأخ عبد الكريم وصل..اتوصي فيه
أهلا بهالطلة والله..
ضحتلك وردات الدار وقالتلك أهلا وسهلا
شكرا اختي سمر على الكلام الجميل . انت صاحبة المكان ويا ريت لو اسميتي الموضوع مضافة سمر
علشان بتعرف الكل بحب يكون صيف ما بحب يكون معزب
ولما في اكلات لذيذة ولا واحد بتأخر وانا اول الداشعين والشاحذين اسنانهم والمهرولين على اكبر قصعة
بس ما باكل بالملعقة لاني مو لاني مو فاضي اضل طالع نازل بالاكل . انا باكول بايدي واذا تعبت الاولى باكول بالثانية شغال على طول والاسنان تتقادح ...

[سمر محمد عيد]

المشاركة الأصلية كتبت بواسطة وائل سبعاوي

؛؛

الكريمة سمر عيد

عيدكم وخيركم وصل

وسننتظر عيد المحروسة

أتمناه , ان يكون عيدااا غير عيد

نحبكم في الله أختاً عزيزة كما الشيماء

بوركتم ورعاكم الله حيثما كنتم

أخاكم في الدين والعروبة والوطن



شكراااُ لكم شُكرااا

//

تشرفنا بحضورك أخي وائل..
أخاً كريماً في الدين والعروبة والوطن..
لن يذهب الابداع أدراج الرياح مادام النبع والأصل موجود..
وان ترجّل المحارب يوماً،فإن صهوة الجواد تشتاقه ،وسوف يعود إليها مهما طال الزمان..
صحيح نسيت القهوة..تفضل قهوة عربية أصيلة بنكهة المحبة الصافية في الله...
زارتنا البركة بحضورك أخانا وائل..
أمانة تاكل ،ترى فرصة وجتلك..
بالهنا والشفا ياارب

[سمر محمد عيد]

نداء ،نداء،نداء
إلى جميع الأعضاء..

تبين بالتحليل العيني والسريري للدم العربي أن هناك نقصاًفي فيتامين المحبة،فأرجو تأمين الكميات اللازمة منه وتوزيعها في الأسواق المحلية والعالمية..
وبامكان الجميع أخذ كميات كافية من طبق المحبة إلى بلادهم ،حتى تعود الأمة كما كانت ،أوكما يجب أن تكون...ربما..ربما..
الكميات متوفرة من منابعها الأصلية..هناااا






صـــــــحي قلوب الناس صـــحي بها النخـــــــوة
اصــــرخ بكل احساــــــــس ان العرب اخـــــــوة

[سمر محمد عيد]

راجعة ،،بس لارتاح شوي من الصبح وأنا واقفة ..
بس بتعرفوا تعبكن راحة يا جماعة..
كملوا أكل ولاتضيعوا وقت..
فرصة واجت لعندكن..مية السلامة والله..