دعوة على العشاء

[عبدالسلام حمزة]

صحتين وهنا يا ثناء
وينك سيد عبدالكريم , لا حس ولا خبر ؟
تعا أخي , بطلنا نخلي الفاتورة عليك , الله يديم علينا حسين الصحصاح , ما بخلي حدا يدفع غيره ..

[عبدالكريم قاسم]

المشاركة الأصلية كتبت بواسطة عبدالسلام حمزة

صحتين وهنا يا ثناء
وينك سيد عبدالكريم , لا حس ولا خبر ؟
تعا أخي , بطلنا نخلي الفاتورة عليك , الله يديم علينا حسين الصحصاح , ما بخلي حدا يدفع غيره ..

انا هنا اخي عبدالسلام
ما شاء الله عليك يا ثناء مبدعة في الاكل كما انت مبدعة في الكلام الجميل وخلق اجواء رائعة تسر الخاطر وتضفي المزيد من البهجة على المكان . كنت رائعة والاروع الفاتورة لم تكن كبيرة والحمدلله ....
بقي معنا ما يكفي لعشرة اشخاص فقط .نحمد الله انه لم يكن غداءا علشان ما يزودون بالاكل وندفع كثير

استمتعت كثير بالسهرة الرائعة
اعزم ولا يهمك الجيبة عمرانة

[ريما ريماوي]

ثناء رائعة كنت، امتعتنا حقا ...
واشتهينا نكون بصحبتك على نفس المائدة

شكرا لك...

[عبدالسلام حمزة]

الله يبشرك بالخير يا عبد الكريم , بعرفك كريم ابن كريم , واسمك عبدالكريم , ومثل ما بتعرف لكل إنسان نصيب من اسمه .

[عبدالسلام حمزة]

أهلا ريما , صباح الخير
أنت في القائمة , وعن قريب راح تجيكي بطاقة الدعوة

[عبدالسلام حمزة]

اليوم ضيفتنا , عضوة نشيطة ودمها خفيف
احزروا مين ؟
إن شاء الله ما تتأخر علينا , لأنه جهزنا العشا

[هدى الحمداني]

السلام عليكم ورحمة الله وبركاته
في البدء أشكر أخي عبد السلام على الدعوة وعلى هذا الموضوع الرائع الذي يعبر عن طيبة قلبه وحبه بأن نكون قريبين من بعض أكثر ... وهذا أجمل شئ .. كذالك بدي اشكر أ عبد الكريم لأنو رح يدفع الفاتورة
والله كنت ناوية اولع الفاتورة .. بس شو بدي أعمل حنين طلبت مني أن اكون اقتصادية
هههههههههههههههه الله يجازيك ياحنون


عبر لنا عن شعورك عندما تلقيت الدعوه ؟
سعيدة جدا .. والله ماصدقت قرأت الدعوة أكثر من مرة وبعدين رحت بسرعة لــ بابا
وطلبت أذن الطلعة ع العشاء بصراحة بالاول عملي تحقيق
مع مين ؟؟ طيب وين رح تكون ؟
بعدها قال لي لا ... فاستخدمت معه اسلوبي الخاص بأبويا -طبعا امي لي معها اسلوب آخر -
(ابويا الله يعافيك خلني أطلع هــالمرة بس بعدين خلص خلص رح انسى شئ اسمه طلعة بليل )
(بعدين ياابويا سيارة بتجيلي لباب البيت وبتردني لباب البيت )
قلت لا مافي طلعة ...
انا ببدا بغير ملامح وجهي وكأنو بدي عيط
طيب خلص خلص روحي هدووو ولا تتأخري
لا خلص انا مابدي روح ...
خلص براحتك ...
لالالا شو براحتي أكيد رايحة ههههههه
شكرا ياأحلى أب في الدنيا هي بوسة على جبينك
جايتك يا أخي عبد السلام ........ والله يعينكم علي









- هل تحب أن تشرب شيء قبل طلب الطعام ؟
أكيد ... .... شو رأيك نطلب عصير ليمون طازج


- هل أنت من الأشخاص الذين يفضلون كثرة العزائم بالمطاعم ؟
لا أبدا ... بس أحنا كل خميس تقريبا بنتعشى برا يعني بنروح المطعم وبنأخذ العشاء وبنفضل انو نأكلو على البحر وبيكون الجو والأجواء حلوة كثير



- ماذا تحب عادةً أن تطلب عندما يُترك لك الإختيار في طلب العشاء ؟؟
أممممممم حيرتني ... القائمة كل شئ فيها مشتهية آكلو .. شو بدي أطلب .. شو ؟؟ شو ؟؟
رح أطلب برست دجاج وسلطات منوعة
مالــ مشكلة انو عشاء لو كان غداء رح أطلب (كبسة دجاج )بتعرفها أخي عبد السلام ؟؟



- ننتهز فرصة تجهيز الطلب ونتعرف عليك ؟
طبعا طبعا ....... تفضل ....
- عبر لي في 3 كلمات من تكون أنت ؟
سأظل( إنسانه أسمو بإنسانيتي )
-هل مازلت إلى الآن تسعى في الوصول إلى حلمك أم أنة قد
تحقق ؟
أحلامي كثيرة و لم تتحقق بعد
وأرى المشوار طويل جدا لتحقيقها .........

- هل لك قوانين وأنت على سفرة الطعام كأن تبدأ بشيء معين
ابد بسم الله ....... وبعدها بيبدا عندي توزيع ابتسامات للي بسفرة معي هع
لحتى تنفتح شهيتهن

وتنتهي بشيء معين ؟
الحمدالله ( اللهم أدم النعمة وأحفظها من الزوال )
وببدا بالحكي تسلم يدين يللي عمل لنا الأكل أن كانت ماما .. ياآآني ياماما الله يذكرك بالخير
اما اذا كانت أختي مابحكيلها شئ لانو بنغار من بعض تقريبا بيني وبينها فقط سنتين
واذا انا طبخت بتلاقي الكل بيقول بدنا كل يوم تطبخي ... بقول لهم انا بفهمكم ع السريع بدكم تشجعوني ع الطبيخ ههههههههههه ... بيحكي بابا يالله منك ياهدوووو

ربما العشاء جاهز ولكن دعني أسألك من فضلك ؟
أكيد تفضل ... بتعرف أ عبد السلام من كثر الاسئلة حسستني اني احد المشاهير ... ههههه
- هل هناك طبق أساسي لابد أن يوجد في وجبة طعامك ؟
السلطات بكل وجبة بحب تكون موجودة
-هل تعتبر نفسك محظوظ في الحياة ؟
لا ابدا (أحكي منحوسة ورح اوافقك ) ههههههههه مابعرف بس انا والحظ من زمان تخاصمنا
الحمدالله على كل حال
-هل قمت من قبل بإعداد طبق بنفسك وماهو ؟
طبعا طبعا معي أم لا ترتاح الا وكل وحدة فينا تقدر تدير بيت لحالها
أكيد بطبخ كل شئ يخطر ببالكم رز .. مقلوبة .. كبسة .. محاشي .. اي اي شئ
وتذكرو اني بعرف أطبخ على الرغم من صغري هع ...
-أأنت من الناس التي لابد أن تتحدث على الطعام ؟
يالله مابصدق انو يبتلع الأكل بتلاقي احكي
أما بحكي يالله شو هالاكل !!.. مين طابخ اليوم؟؟.. طيب ليش يابابا مابتأكل .. وانتي ياوفووو كلي بدك أطعميك ......... والمهم عملالهم جو .. لدرجة اليوم يللي مابأكل فيه بيحسو بعدم وجودي
مين قدك ياهدووووو ........هههههه


- تهتم بِـ أمر التجمّع على مائدة الطعام ؟
طبعا طبعا ( أجا دورك يابابا ) ياأخي عبد السلام أبويا أهم شئ عنده التجمع على السفرة
وانا مثله تماما لحالي مابقدر أكل .. لازم نكون مجتمعين عشان اقدر احكي
بيقولو الحكي بيفتح الشهية ... والجمعة حلوة وبتحلى ع الأكل
والحمد الله نحن أسرة التجمع على مائدة الطعام أمر اساسي لدينا



امممم مرة أخرى قاطعنا الجرسون :
يالله من هالجرسون ... تعرف عبد السلام الي مواقف كثيرة مع الجراسين وخاصة بمحل الايسكريم يللي قريب منا
- هل تحب التحلية بعد الطعام ؟ وماهو أفضل أنواع الحلويات
لديك ؟
شاي على البخار من ايدين الماما بيغنيني على كل الحلويات
لكن اليوم يللي بتكون ماما مش في البيت باكل آيسكريم شوكولا ان وجد لدينا
واذا لا بكتفي بشوكولا فرنسية من درج غرفتي .......


-هل صادفت مرة وأكلت طعام لم يعجبك ولكن أكلته فقط مجاملة لصاحبه ؟
ياما ياما أكلت مجاملة
بتذكر مرة عملنا فطور أنا و صديقاتي كان هذا في الثانوية
وحدة فيهن عملت كيكة بالموز ,,, وانا مابتعرف كيف بكره الموز لحالو كيف اذا صار وسط الكيك مابطيقو ... وأكلتها مجاملة ... لكن!!!!!!!!!! ما أكملت الدوام في الثانوية اخذوني ع البيت وصرت ارجع
يالله كان يوم مابينتسى ....... ذكرك الله بالخير ياعيووووووووش طبعا هذه صديقتي صاحبة كيكة الموز


- مالذي يشد دائما انتباهك... جودة الطعام المقدّم أم شكل المكان المدعو إلـيه ؟
شكل المكان اولا ... يالله كنت أتمنى تكون هالدعوة قرب البحر
لكن طالما انها بوجودك أستاذ عبد السلام فأنا والله سعيدة


ها قد أخذنا الوقت , أتمنى أن تكون الدعوة قد أعجبتك ؟
أكيييييييد حبيتها واستمتعت بالحكي والأكل معكن

الحقيقة نشكرك على إجابة الدعوة وأمتعتنا بحديثك الجميل هذا
هل تصف لنا شعورك أنت بعد هذا العشاء ؟
هاتولي شاي بدي أهضم بسرعة ....... ههههههه
طبعا شعوري اني سعيدة ومتذكرة حنين لحد الان كنت قبل قليل حكيت معها بدي تجي معنا بس قالت شكرا
وصحتين عليكم طبعا وصتني مااخلي الفتورة كبيرة عليك .......هههههه
والله عشاء رائع بصحبتك أخي عبدالسلام
بدي أتشكرك للصبح ........



هل تحب أن تكرر التجربة مرة أخرى ؟؟
طبعا بدي كررها للمرة العشرة لكن بقرب البحر وأعزم كل أعضاء المنتدى ونجلس قرب البحر
نولع ع الفحم بيجيبلنا ضوء ودفئ ورح أكلكم أكلة يمنية بتاكلو أصابعكم وراها ..
آآآآآآه ياريت تتلغي الحدود ونقدر نجتمع ....... لكن مثل مابيحكو ( العين بصيرة واليد قصيرة )

طبعا تعبت وانا أكتب لكن والله لم أحس بالوقت بسرعة مر والان امي بتنادي عشااااااااااء
لكني ياامي شبعانه والله
على فكرة لما بضحك كثير بشبع بسرعة ..

أشكرك أخي عبد السلام والله دعوة رائعة وعشاء ولا اروع
بتمنى اني كنت خفيفة على قلوبكم وماثقلت عليكم



ياللـــــه ..................... تأخرت علىابويــــــــــــــــا ....

تصبح على خير أخي عبد السلام حمزة

[عبدالسلام حمزة]

تفضلي ست هدى , أحلى كاسة شاي
الحقيقة كنت رائعة , وخفيفة الدم , ومتميزة اجتماعيا ً
الله يديم عليك عز الوالدين ويرزقك برهما .
ونحنا كما نحب نكرر التجربة معك يا هدى , لأنه ماشاء الله عليك كنت رائعة .

[عبدالسلام حمزة]

شو استاذ عبدالكريم , شو رأيك بضيفتنا الرائعة هدى ؟

[حنين يوسف]

المشاركة الأصلية كتبت بواسطة هدى الحمداني

السلام عليكم ورحمة الله وبركاته
في البدء أشكر أخي عبد السلام على الدعوة وعلى هذا الموضوع الرائع الذي يعبر عن طيبة قلبه وحبه بأن نكون قريبين من بعض أكثر ... وهذا أجمل شئ .. كذالك بدي اشكر أ عبد الكريم لأنو رح يدفع الفاتورة
والله كنت ناوية اولع الفاتورة .. بس شو بدي أعمل حنين طلبت مني أن اكون اقتصادية
هههههههههههههههه الله يجازيك ياحنون

هههههههههههههه
الفاتورة فيها البركة منيحة
بس خليتي عبد السلام يدفعها وهو بيضحك هههههههههههه
يا بي كهن النسواان!!

[هدى الحمداني]

المشاركة الأصلية كتبت بواسطة عبدالسلام حمزة

تفضلي ست هدى , أحلى كاسة شاي
الحقيقة كنت رائعة , وخفيفة الدم , ومتميزة اجتماعيا ً
الله يديم عليك عز الوالدين ويرزقك برهما .
ونحنا كما نحب نكرر التجربة معك يا هدى , لأنه ماشاء الله عليك كنت رائعة .

فعلا أحلى كاسة شاي
كلك ذوق أخي عبدالسلام حمزة
يارب ،، ويديم الك أحبابك أخي عبد السلام
شكرا من القلب لتلك الكلمات والدعوة الرائعة
دمتَ بكل خير
مساءك سعادة

[هدى الحمداني]

المشاركة الأصلية كتبت بواسطة حنين يوسف

هههههههههههههه
الفاتورة فيها البركة منيحة
بس خليتي عبد السلام يدفعها وهو بيضحك هههههههههههه
يا بي كهن النسواان!!

ههههههههههههههه
اي اي بيضحك لأنه وقت الحساب وصيت أخي عبد الكريم يحكيلو نكته عشان مايحس بالفاتورة
واللي طلع فيها هع
والله ياحنين يابنت يوسف أنتي رائعه
وفعلا وجدتُ فيكِ الصديقة والأخت
دعواتك الصادقة لي لأني بحاجتها صديقتي
يسعدلي مساءك