لما كنا إزغار '*'

[لين أحمد]

لما كنا ازغار كنا نكره الحمام ليش؟؟؟
لانه امهاتنا الله يرحمهن والعايشات الله يطولن بعمرهن كانن يعذبنا تعذيب لما يحممونا
الله العليم لما تقولي قوم عالحمام يطب بي صراع من الخوف تقول بسه محشوره بغرفه

تبدأ رحلة العذاب من تشليح الاواعي تشلحني الكنزه تقول بنتف ريش جاج واذاني كل اذن بجهه
طول وقت ما بتتحمم بدك تظل قاعد قرفصه طيب يا حجه والله رجلي بوجعوني

عالسريع تناولني كف طيار وتقولي سكر ثمك
بالنسبه للمي لازم تكون تحت درجة الغليان بنتفه
يا يما لحمي ذاب (انهلط) برضو الكف الثاني
لما تفرك راسي اقسم بالله تقول بتفرك بمصباح علاء الدين مشان يطلع المارد
وراسي بلولح يمين ويسار اتقول داليه

والمشكله لما ينزل صابون عوجهك وبدها تقيمه بتغير ملامح وجهك غير حرقة العيون
المشكله انها الصابونه مفتاحين او الجمل
طبعا هاي صابونه اقسى من الحجر الفرك بيها تطريح

منيجي لفقرة لما تمسك اخشومك وتقولك ننننفففففف
بتصير تنف من اذانك لانه كل مجاري التنفس مسكره
فقرة التلييف
بتمسك الليفه وبتفركها بالصابونه وهي تلد عليك تقول جزار بسن بسكاكينه للذبح

طبعا ربنا حامينا والا بفركها للجسم بجيب شلل كامل
طيب هدي اشوي يا حجه انا حاسك بتبشري جبنه
طبعا الحمام بالدور والكبير قبل الزغير
ولما اسمع اخوي الكبير ببكي وهي تحممه وانا بثاني غرفه اصير انا ابكي تلقائيا من الخوف

بعد الحمام بتطلع عحالك بالمراي والبخار يطلع من جسمك وكانك طنجرة ضغط مفتوحه
الاصابع بكونو مجعلكات ولون جسمك ابيض واحمر من الفرك وكأنو معك بهاق
بالنسبه لتلبيس الوعيه راسك قد قبة البلوزه خمس مرات وبده يدخل راسك خاوه وبتلبس اول بلوزه وثاني بلوزه والمشكله لما تقولك اقضب الردان مشان تلبس البلوزه الثانيه ويا ويلك اذا بتفلته

طبعا بالنسبه لتمشيط الشعر
وحفاظا على تنظيف الراس من القمل والشوائب بتغرز المشط براسك وببلش الحراث واحتمال اسنان المشط يصلن مخك

مع حمام الغاليه حتى لو انك صومالي بتصير ابيض
ههههههههههه
الله يرحم هذيك الايام

[راحيل الأيسر]

ههههههه ههههههههااااااآآآي ����
ولك يخرب بيت شياطينك على هيك صياغة ترفيهية هههههاآآآي ..

انا أذكر يا لين .. الوالدة لما كانت تحط الشامبو ويجي ع الوجه وع الودان .. كنت أحس باحساااس مزعج .. لا أرى ، لا أسمع ، لا أتنفس .. أشبه بكائن تحت الأنقاض ، بس أستغيث بكل العالم وبأعلى صوتي ..
بدي أتنفااااااااس .. نفسي .. نفسي ياماما بدي أتنفس ..
وفقرة فرك الرجلين ( عقب القدم )- الله يكرمك - زغزغة وضحك .. كان بدي وقت مستقطع بس للتنفس .. وهي ما عندها لعب .. هاااات يافرك فرررررك فررررك ..
الله وكيلك كان حجر الفرك شوي و يدخل لطبقات الجلد الداخلية ويتحد مع الخلايا من كثر ما تدعك بيه بكل ما أوتيت من امممم من شو ما بعرف .. هو من قوة ولا طولة بال ولا طاقة وصبر ما بعرف كيف اوصف ..
المهم كنت أطلع من بعد الاستحمام ذرات الغبار بحس بيغز بعقب القدم من كثر ماصار طري ونااااعم ..

اييييه الله يغفر لهن ويرحمهن ويطول بأعمارهن يااارب كثر ما اعتنوا فينا ..
ولاد أختي لما امي تحممهن بيطلعوا غير شكل ..
هيك البياض والنضارة واللمعان .. تقولي قلب خامهن كريستالي مشع ..

الله يسعدها ويبارك لنا فيها ياااارب ..

موضوع راااائع ..
دخول على عجل ، وبلكي لو ربي أراد برجع تاني ..

محبتي وتصبحي على أحلى أمنية ..

[لين أحمد]

المشاركة الأصلية كتبت بواسطة راحيل الأيسر

ههههههه ههههههههااااااآآآي ����
ولك يخرب بيت شياطينك على هيك صياغة ترفيهية هههههاآآآي ..

انا أذكر يا لين .. الوالدة لما كانت تحط الشامبو ويجي ع الوجه وع الودان .. كنت أحس باحساااس مزعج .. لا أرى ، لا أسمع ، لا أتنفس .. أشبه بكائن تحت الأنقاض ، بس أستغيث بكل العالم وبأعلى صوتي ..
بدي أتنفااااااااس .. نفسي .. نفسي ياماما بدي أتنفس ..
وفقرة فرك الرجلين ( عقب القدم )- الله يكرمك - زغزغة وضحك .. كان بدي وقت مستقطع بس للتنفس .. وهي ما عندها لعب .. هاااات يافرك فرررررك فررررك ..
الله وكيلك كان حجر الفرك شوي و يدخل لطبقات الجلد الداخلية ويتحد مع الخلايا من كثر ما تدعك بيه بكل ما أوتيت من امممم من شو ما بعرف .. هو من قوة ولا طولة بال ولا طاقة وصبر ما بعرف كيف اوصف ..
المهم كنت أطلع من بعد الاستحمام ذرات الغبار بحس بيغز بعقب القدم من كثر ماصار طري ونااااعم ..

اييييه الله يغفر لهن ويرحمهن ويطول بأعمارهن يااارب كثر ما اعتنوا فينا ..
ولاد أختي لما امي تحممهن بيطلعوا غير شكل ..
هيك البياض والنضارة واللمعان .. تقولي قلب خامهن كريستالي مشع ..

الله يسعدها ويبارك لنا فيها ياااارب ..

موضوع راااائع ..
دخول على عجل ، وبلكي لو ربي أراد برجع تاني ..

محبتي وتصبحي على أحلى أمنية ..

دوم الضحكه رحوله
ترحيب سريع يا دوب مسكت الخط هههههههههههه
بنرجع للرد بعد حفلة صاحبتي عقبال عند الجميع بعد حب 15 سنه رح تكمل فرحتهم... وقال بيحكو الأردني مو رومانسي هههههههههههه
فاصل ونعود

[راحيل الأيسر]

المشاركة الأصلية كتبت بواسطة لين أحمد

دوم الضحكه رحوله
ترحيب سريع يا دوب مسكت الخط هههههههههههه
بنرجع للرد بعد حفلة صاحبتي عقبال عند الجميع بعد حب 15 سنه رح تكمل فرحتهم... وقال بيحكو الأردني مو رومانسي هههههههههههه
فاصل ونعود

ههه مين حكى ع الأردنيين بس ومين حكى ع المنسف وعلى خلف وشفيقة ، خبريني بس ونا بفرجيكي فيهم


ماشاء الله حفلة خطبة ولا حفلة زواج ..
صاحبتك يعني من عمرك بلكي 25 سنة ؟
و15 سنة حب ؟
دي كانت على ما يبدو بتحب من أيام الكي جي .هههههه
الله يوفقهم يااارب ويسعدهم ..

إلا بالحق هو كان حب صامت ولا حب متكلم هههه ؟
يعني كان في كلام بينهم ولا بس من بعيد لبعيد نظرات ودعوااات وآهات في الليل ولوعااات خخخخ ..
لو حب متكلم مشكلة يااااااااي ..
أباااااااااي 15 سنة رغي ؟!! هم كانو بيقولو اييييه ؟
ده ختم قصائد عنتر وامرؤ القيس وابن زيدون وجميل بثينة والمعلقات كلها على وداااانها ..

أباااااي .. 15 سنة ألعب دور الحبيب والحبيبة والله مدة طوييييلة .. كيف قبلو بالدور الصعب ده هههه ..
15 سنة أعمل حالي كيوووت وطعمووونة ..
ويطنشني وارجع أراضيه ..
واكلمه ويعمل مش سامع ، واعمل بعدها مهموووومة ومخنوووقة والدنيا ماتنطاق عشان المسمى حبيب القلب مطنشني من غير سبب ، أو فجأة طنت في دماغه يعمل تقييييل .. أو حتى العكس في حال لو منها ..

ده أنا بهنيهم خخخخخ ..
الله يهدينا جميعا ويرزقهم السعادة والهنا ..
السنة الماضية في الدوام المسائي كانت عندي زميلتي فلسطينية ماشاء الله فلقة قمر الآن اتزوجت ..
كانت مخطوبة يعني خطيبها مملك عليها .. عاقدين القران بس ما أقاموا حفل الزواج ..
وحصل انهم اتزاعلوا لا هو بيكلمها ولا هي ..
تجي عندنا وعلامات السهر بوجهها وتحكيلي وشوي تبكي .. المعلمة لما تبغى تسمعها الجزء المقرر عليها كانت بتخربط كثييير فكنت بقول للمعلمة معليش عديها ومشيها لها : الحب مزعلهاااا ..

في الأسبوع التالت كنت حاسة انها شوي وتحتضر قلت لها يا بنت الناس ، لو حاسة انك حتموتي عليه خلااااص ابدأيه بالسلام وريحي نفسك وريحيناااا هههه ..
فكانت تقول لي : لو إنتي بدالي تعمليها ..
كنت أقول لها : وتحطيني بدالك ليه .. لو حطيتيني بدالك رأيي ما يعجبك ..
أنا لا قلب لي ههههه مش حتة راجل يعمل فيا كده خخخخخ . طبعا الأقلاميين حيزعلووووو من العبارة دي ..ترى بامزح .. هههه


بس القلب له مساحات أهم .. واذا ( الأهم ) موجود ،

( المهم) من المفترض انه ما يزعزعنا خخخخخ ..

الحااااصل جلسنا نحط خطط وتكتيكات كلها باءت بالفشل ، في الآخر ربك دبرها بتدبير من عنده ..

الآن خلاص اتزوجت بشهر شوال وعايشة بجدة ..

يلللا يا ستي عقبال كل المحبين مع اني ضد الحب قبل الزواج وبنت تقليدية ومازلت متمسكة وبقناعة شديدة انه الحب اللي يجي بعد الزواج أجمل وأبهى بإذن الله .. وزي مافي حالات نادرة بتنجح في حب قبل الزواج ، كمان في حالات نادرة بالتأكيد بتفشل في خلق الحب وايجاده بعد الزواج ..

عقبال ست الكل ليونة ويااارب نسمع خبر حفلتك إنت كمان .. بس اعزميني ..
بجد بحكي بلكي بيكون في نصيب وأحضر ..
لو بقدر والظروف متاحة صدقيني ما بقصر ..

بعملها ، أنا فيا جنااان غريب إلا في مجال الحب خخخخ راكزة وعاقلة ههههههههههههههه



محبتي ودعواااتي ..

[لين أحمد]

طار ردي اهئ اهئ
رح اجزؤو واقطعه واعملو شقف وكباب
��
أولا
يخرب فنننننك يا رحوله هلكتيني وأنا أقرأ وأضحك ههههههههه
بالنسبه النا الاردنين في اشاعات مغرضه بإنا مو رومانسيين وبنعرفش نضحك.... صح بنحب نكشر بس لما نضحك بنضحك من قلوبنا ههههههههه.. يا ويلي من زعل وخضرا والمنسف والكنافه بوسط البلد... ولا سوق الجمعه ههههههههه
انتي تعالي عنا وانا بلفلفلك الاردن... والله لنكيف

[لين أحمد]

هلا دور صاحبتي ربي يهنيها
يا ستي هي أكبر مني عمرها 30 سنه...
حبها زوجها 4 سنين من حب من طرف واحد متل هو ما كان يفكر هههههههههههه وهي كانت تحبو من بعيد لبعيد من طرف واحد كمان... حب مراهقه بدأ ومجتمع متحفظ وقروي فكان حب وأحلام كل واحد لحالو.... وقفه باب المدرسه ههههه عمرور من شارع بيتها لاهترى الشارع والله أعلم كم شوز كان يشتري بالأسبوع هههههههههههه
لحقو رسائل الورق... والإشارات بالضو والكزدره ع السطوح.. عانو معاناه ربنا بعلم فيها

[لين أحمد]

يعني كان حب صادق وطويل الأمد ربي يتمملهم عخير...
لما نزل اختراع الموبايلات حاول يحاكيها وهي ترفض.. هو خوف أو حفاظ عحالها أو تعقل مو عارفين بس هو مزيج من مشاعر خلاهم يتمسكو ببعض اكتر.... وتخرجو من الجامعه ولساتهم بتتواصلو برسائل الورق... واجهتهم بعض العقبات من معارضه عالزواج وهيك أشياء لازم تصير طبعاً ههههههههه لحتى ربنا قدر وشاء وقال كن فيكون.... سبحانه
وتوته توته خلصت الحتوته
����������

[لين أحمد]

هلا بالنسبه لموقفك من الحب هاي قناعه شخصيه ورأيك حلو وآمن بس إذا دق القلب رحوله شو نعمل فيوه؟!.... نقتلو يعني هههههههههههه
انا بحب الحب... وبحب المحبين وبتمنالهم السعاده.... الحب أجمل ما بالكون للي بيقدروه وبحافظو عليه وصدقيني إذا انبنى الحب عالاحترام والصدق والإخلاص بيثمر وبكون لذيذ وآمن من التهور والأذى.. والعكس صحيح
.....
تعالي هون.... مره بتخطبيني ومره بدك اعزمك ع عرسي؟... عشمتيني بالحلق خرمت انا وداني إهئ إهئ
بعتيني يا راحيل يا بنت الأيسر؟!

[راحيل الأيسر]

المشاركة الأصلية كتبت بواسطة لين أحمد

طار ردي اهئ اهئ
رح اجزؤو واقطعه واعملو شقف وكباب
��
أولا
يخرب فنننننك يا رحوله هلكتيني وأنا أقرأ وأضحك ههههههههه
بالنسبه النا الاردنين في اشاعات مغرضه بإنا مو رومانسيين وبنعرفش نضحك.... صح بنحب نكشر بس لما نضحك بنضحك من قلوبنا ههههههههه.. يا ويلي من زعل وخضرا والمنسف والكنافه بوسط البلد... ولا سوق الجمعه ههههههههه
انتي تعالي عنا وانا بلفلفلك الاردن... والله لنكيف

هههه ربي يحفظك لين ويسعدك ويبارك في عمرك ورزقك وصحتك وعملك الصالح ، ويااارب إنه دائم ينظر إليك بعين الرحمة والرضا ويأخذ بيدك لكل مافيه صلاح أمر دينك ودنياك ..

هلأ بالنسبة للضحك وفن الضحك ده تخصصي من زمااان .. لكن فقط من المقربين مني ، أما مع غيرهم فأنا صدقيني مملة جدا ..
أخواتي وحريم أخواني لما يقعدوا معايا ، يحسوا بآلام في في جنوبهم من الضحك وصوت ضحكهم يوصل لآخر البيت .. مرة أخي سمع مرته تضحك بصوت عالي ومو عادتها ، إجا على غرفة الحريم ، وقال لي يا رحول إنت ومجنونة بعرفك بس بالراحة ع مرتي لأنها لسه حامل وجرعة الضحك اللي بتصدريها فوق طاقتها ، أنا عمري ما سمعتها كده .. قلت ده يمكن بيهزر وبينكت لأنو بعمري ما سمعت وحده أسقطت ( أجهضت ) من الضحك ، بعد شوية كماااان جاي يحذرني ، فعملت من باب المداعبة والمزاح اني عصبت يعني ورحت لغرفة الحريم وقلت لمرت أخي قومي قومي يلللا من هون لأنو زوجك لبشني ، خفي ع مرتي وخفي ع مرتي ..

أختي أم محمد شخصية تمتاز بعفوية مفرطة جدا جدا جدا وبيحصل معاها مواقف، وحكايات ، أعيد تدويرها بمخي بشوية بهارات وتخيل مونولوج الشخصيات اللي معها ، فتصير مادة كوميدية دسمة المحتوى في جلساتنا ..

أؤمن بأن الكثير من انهزاماتنا و خيباتنا وعقبات الحياة وكأدائها نستطيع تجاوزها بالضحك والكثير من التحجيم للمشكلة ، والتفاؤل والثقة بالله أولا ..

عشان كده أخواني وأخواتي كل ما حسو بضيق وكآبة يلجأولي ، ونا الحياة عمرها ما قدرت تهزم ضحكتي حتى في أحلك الظروف .. قلبتها درااااما بس محتاجة رباااابة ( طنبور ) أعزف عليها كخلفية للمشهد هههه..

بالنسبة للأردن والأردنيين والإشاعة المغرضة عليهم ما عندي علم بها ، وفي الحياة العامة ما صدف واتصادقت مع أردنية لأنو يمكن ما قابلت أردنيين كثار بحياتي ، بس في العالم الرقمي عرفت كثار منهم وكلهم حبيتهم صراااحة ..

العرب والأعراب أعلم ببعضهم .. واللي بسمعو منهم وعلى ذمتهم ع الحكي أنا ما خصني انو على قد خفة دم المصري ، الشوام عموما من فلسطين وأردن وسوريا دمهم مش خفيف وماخدين الدنيا بجدية وصرامة أكثر من الضحك والفرفشة .. أنا ماخصني لا يجيني واحد يقول لي شو هالحكي رحووول ..

بالنسبة للفلفة مع بعضنا .. ياليت يا لين .. بتعرفي هلأ بس اكتشفت انو الفرق بين ليت ولين بس نقطة خخخخ..

أنا أحب المشي وأمشي لمسافات بعيدة ولساعات طويلة دون كل أو ملل والحمد لله ، لفلفة سيارات مابحب ، أخاف تخطفيني ههههه ..


خلاااص يا ستي اعتبرها وعد منك .. لو زرت الأردن وجيتك لازم تلفلفي بيا كل المناطق الشعبية ، أحب كل شي شعبي والأكل الشعبي والجو الشعبي البلدي والناس الشعبيين البسطاء الأصيلين ..
واميمة كمان وعدتني بهيك ، لو زرت الأردن ، إنت وأميمة وسيدي الوالد نايف ذوابة أكيد هتكونوا في قائمة الزيارات ..
مرة زمان في صفحة من صفحات المنتدى كان سيدي الوالد كتب عنوان بيته ، لما كنت بشتكي من عيني وقال لي تعالي الأردن وانزلي عندنا .. وندلك على مشفى طيب في الأردن ..

راح ارد على باقي كلامك بإذن الله .. واكتفي الآن بهذه الطنجرة آآآقصدي بهذا القدر خخخخ .

تصبحي على بسمة وتفاؤل ..

[لين أحمد]

الله يخليكي ويبارك فيكي رحوله... وربي يكلل عمرك بالسعاده و راحة البال
بنمشي ومالو ههههههههه بس بعد المنسف منشان نهضم يلي بناكلو
وتكرم عنونك الك احلى جوله بس انتي زورينا
حلو الضحك انا بحب الفرفشه وما بحب النكد... مو ما بحبو بدك الصراحه بس بحب لما انكد اكون لحالي ههههههههه حقنا للدماء
ممممم شو بدي احكي كمان؟ شو يا لين ��
نسيت إهئ إهئ
.....

[عبد السلام الكردي]

المهم يا راحيل
الدعوة الى اجتماع عاجل في مكتب المختار..يهدف الى تعريف مصطلح"احلك الظروف"
كي لا يكون غامضا كالارهاب الذي يشغل بال العالم باسره.ويهلك في مخاربته الصالح والطالح
ماهي احلك الوف والى اي مدى يمكن لاحدهم ان يضحك رغم احلك الظروف
ما رايك استاذة لين؟
مش افصل ما يجينا لي مصيع 10 دنانير عم يضحك ويقول شوفني كيف عم اضحك رغم احلك الزروف ويهزأ من بكاء من فقد اسرته او احد افرادها ولم تجف القبور بعد
شو الك الظروف يا راحيل؟ هههه
بانتظاركم في مكتب المختار

[لين أحمد]

المشاركة الأصلية كتبت بواسطة عبد السلام الكردي

المهم يا راحيل
الدعوة الى اجتماع عاجل في مكتب المختار..يهدف الى تعريف مصطلح"احلك الظروف"
كي لا يكون غامضا كالارهاب الذي يشغل بال العالم باسره.ويهلك في مخاربته الصالح والطالح
ماهي احلك الوف والى اي مدى يمكن لاحدهم ان يضحك رغم احلك الظروف
ما رايك استاذة لين؟
مش افصل ما يجينا لي مصيع 10 دنانير عم يضحك ويقول شوفني كيف عم اضحك رغم احلك الزروف ويهزأ من بكاء من فقد اسرته او احد افرادها ولم تجف القبور بعد
شو الك الظروف يا راحيل؟ هههه
بانتظاركم في مكتب المختار

هلا ومليون مرحبا فيك... شكلك انت المختار؟ 😉
حاضرين بنيجي بس اعطيني العنوان استاذي

رغم أحلك الظروف بنبتسم حتى ما يتوجعو علينا حبايبنا أما استهزاء بمآسي الآخرين أعوذ بالله ممن يفعلها لأنو بكون خالي من الانسانيه

نورت استاذي القدير