الزائر الكريم: يبدو أنك غير مسجل لدينا، لذا ندعوك للانضمام إلى أسرتنا الكبيرة عبر التسجيل باسمك الثنائي الحقيقي حتى نتمكن من تفعيل عضويتك.

منتديات  

نحن مع غزة
روابط مفيدة
استرجاع كلمة المرور | طلب عضوية | التشكيل الإداري | النظام الداخلي 

العودة   منتديات مجلة أقلام > المنتديـات الثقافيـة > المنتدى الترفيهي

المنتدى الترفيهي منتدى متزن يهدف إلى رسم البسمة وكسر الجمود..

 

مواقع النشر المفضلة (انشر هذا الموضوع ليصل للملايين خلال ثوان)
 
أدوات الموضوع تقييم الموضوع انواع عرض الموضوع
قديم 20-01-2020, 02:41 AM   رقم المشاركة : 1
معلومات العضو
راحيل الأيسر
المدير العام
 
الصورة الرمزية راحيل الأيسر
 

 

 
إحصائية العضو







راحيل الأيسر غير متصل


افتراضي وتستمر الحيااااااة ..

- *هاني*

-يانعم


*..أنا عايزة أتطلق*

- حاضر


- *إيه بقي حاضر دي إن شاء الله!!*

- حاضر يعني حاضر هاطلقك.. إيه اللي مش مفهوم ف كلامي؟


- *مش عايز تعرف عايزة أتطلق ليه؟!*

- كنتي قلتيلي قبل كده كذا حاجة وأكيد عندك أسبابك المنطقية اللي تخليكي تطلبي الطلاق .. إنتي مش صغيرة وعارفة مصلحتك


- *يعني إيه بقي مش صغيرة دي ! لأ يا حبيبي أنا لسه صغيرة ونص ولو كنت إنت...*

- خلاص.. إنتي صغيرة وعارفة مصلحتك


- *صغيرة في السن بس عقلي كبير وفاهمة*

- أكيد أكيد


- *هتطلقني إمتى بقي؟!*

- بعد ما أرجع من الشغل


- *وهتعمل إيه ف الولاد؟*

- زي ما إنتي عايزة


- *مش زي ما انا عايزة يا بابا، زي قانون الأسرة الجديد ما بيقول.. العيال هيفضلوا معايا لحد ما يتموا ١٨ سنة*

- ماشي.. ولو عايزاهم على طول براحتك


- *طبعاً عايز تخلص منهم عشان تتصرمح وتروح تتجوز وأنا اللي افضل حياتي واقفة عشان أربيهم!*

- خلاص هاخدهم أنا أربيهم واتصرمحي إنتي واتجوزي


- *لااااااا يا حبيبي، الصرمحة ليها ناسها.. ومش هتلوي دراعي بالعيال وهاخدهم غصب عنك*

- حاضر


- *وهآخد الشقة زي ما القانون بيقول*

- ماشي


- *طبعاً، ما إنت هتسيبهالي خرابة وتروح تجيبلك شقة نضيفة.. أصل أنا وعيالك مش مهمين عندك*

- مهمين طبعاً


- *والنفقة هاخدها من عينك*

- من عينيا حاضر


- *وهأنقل الولاد ف مدارس إنترناشيونال وهتدفع مصاريفها*

- أحسن برضو


- *والعربية*

- تحت أمرك


- *تقدر تقولي هتقعد فين بقي بعد الطلاق؟*

- هاتصرف.. ماتشغليش بالك


- *وأشغل بالي ليه! ما إنت هتسيبني معكوكة مع عيالك وتروح إنت تروق دماغك في أي حتة*

- ربنا يسهل


- *طب إيه رأيك بقي إننا هنتطلق وهتقعد معانا هنا.. ما أنا مش هاشيل الطين كله لوحدي*

- حاضر


- *قايم رايح فين؟*

- الحمام


- *إعمل حسابك لو قطعت شرايينك بالموس زي كل مرة هانكد عليك عيشتك.. أنا مش مستعدة أبقي أرملة وكل من هب ودب يجيب في سيرتي*

- أنتحر وأسيب الكيكة الذيذة اللي ف المطبخ دي لمين بس!


- *بجد عجبتك!!*

- دي تحفة...شيء خرافي

- *بس حاساها هبطانة وناشفة وسكرها كتير ومش عاجباك*

- إوعي تقولي كده، دي أحلى كيكة دقتها في حياتي.. خشي هاتيلي حتة منها


- *صحة وعافية...ماشي ياحبيبي وهعملك جنبها فنجان قهوة يعدل مزاجك*

- ربنا يخليك



وتستمر الحياة والحب كده...
ماتسألش_عن_سبب_الخناقة ياإما هرمونات أو أكلة بايظة أو سمنة مفرطة

😂😂😂😂😂😂😂






التوقيع

لم يبق معيَ من فضيلة العلم ... سوى العلم بأني لست أعلم .
 
رد مع اقتباس
 

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 04:32 PM.


Powered by vBulletin® Version 3.8.3
Copyright ©2000 - 2024, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط