،، د. نديم حسين شاعرا وثائرا ،،

[أحلام المصري]

( 28 )

إهبَل خانْ وإهوَجْ لَنكْ
نهبوا الديرْ وسرقوا البَنكْ
حجَر اسفِنجْ وطينْ مسَوِّسْ
بيصُدُّوا فيه الطوفانْ !

[أحلام المصري]

( 29 )

هالشُّرطَه بْتِخدِم هالشَّعبْ
تِنزَلْ نَهبْ وتِطلَعْ سَلبْ
فار وسارِح في لِخزانِهْ
البيصونو فيها القُمصانْ !

[أحلام المصري]

( 30 )

إلسيِّدْ تيسْ اللـَّبِّيسْ
جاعِصْ على بابِ الأوتوبيسْ
عامِلْ مامبو وسامبو ورامبو
وانْ تِسعَلْ يِرمَحْ هَربانْ !

[أحلام المصري]

( 31 )

وينْ المَغنى ووين الفنّ
إلسُّنباطي فقَبرُه جَنّ
ما عُدنا سمِعنا وَهَّابِكْ
أو حتَّى فَهِد بلاَّنْ !

[أحلام المصري]

( 32 )

إلصَّبُّوحَهْ رِجعَتْ شَبّ
شو نِعمَل فيها يا رَبّ
عاشو كثار وماتو كثار
وهِيِّه تفصِّل في الأكفانْ !

[أحلام المصري]

( 33 )


لطشو المَيّ وسرقو الزِّيرْ
أكلو رياش العصافيرْ
شنقوك بشَقفِةْ جنزيرْ
شو مالَك خيـَّهْ زعلانْ ؟

[أحلام المصري]

( 34 )

قلبي واسِع غُرَفهْ كثيرِهْ
دار بْخَمسِ دْوارِ كبيرِهْ
كيف بَدِّي أذكُر سُكَّانُه
أنا وَحدِهْ والصُّحبِه عَشيرِهْ !

[أحلام المصري]

( 35 )

زُوَّارِك يا حِلوِه كثارْ
شُيَّاب وأَمَميرْ زغارْ
في مِنهُنْ بالمُفتاحيِّهْ
والباقي ضيوف وزُوَّارْ !

[أحلام المصري]

( 36 )

إلضِّيف بْيِدفَعلي كاشْ
والسَّاكِنْ عالدَّفتَرْ عاشْ
فيْ زُبَّاط وفي شُوَّاشْ
والطَّفرانِ بْيِلزَمناشْ !

[أحلام المصري]

( 37 )

إلباقيْ أدرى بِشْعابُهْ
فاتِحْ قلبُه وفاتِح بابُهْ
لَلريحِ الشَّرقيِّهْ السَّمرا
تَتْجِبـْلُهْ أخبارِ حْبابُهْ !

[أحلام المصري]

( 38 )

فيْ روسِ تْهَدِّيْ عَكتافْ
وما بِتطيرِ بْسُهولِهْ
والجَّرمَقْ واقِفْ سيَّافْ
تا يِحمي سَهلِ الحولِهْ !

[أحلام المصري]

( 39 )

راماويْ أبًّا عَنْ جِدّ
وبَرفَع راسيْ بِجدوديْ
مهما تشِدِّ حْبالَكْ شِدّ
إجرَكْ ما تْعَدِّي حْدوديْ !