دعوة عامة للجميع ( للترشح لمنصب مستشار اقلام) ...

[أميمة وليد]

رغم الضغوط النفسية وحرب استنفار المشاعر التي شنتها عليّ العزيزة راحيل

ومع تقديري لثمن كل كيس رز أوصله عبد السلام الكردي بنفسه وبتواضع جم معهود من مختار أقلام إلى باب واردي

ومع اني شخصيا بحترم جدا عماد الحمداني

وبيعجبني حس الفكاهة في شخصية ختيار الترفيهي عبد الكريم قاسم

إلا اني يا جماعة

وبصراحة مطلقة

ضعيفة جدا

أمام سحر .. وذكاء .. وتألق .. وبهاء

العزيزة الغالية ثناء

معك عبد السلام حمزة قلبا وقالبا

اضم صوتي إلى صوتك (بعيدا عن كل الإغراءات والضغوطات)

وبرشح أكيد

ثناء حاج صالح

واسمحولي بسؤال عالهامش لراحيل والكردي :

هو وينو أصلا هشام يا حرام ؟!

[عبدالكريم قاسم]

المشاركة الأصلية كتبت بواسطة اكرام كوثري

انتخابات باطلة و فيها رشوة والرشوة حرام ولعن الله الراشي والمرتشى والحملة عندها وقتها المعروف بلشتوا الحملة قبل اوانها والتزوير اخد طريقه في الحملة ر وحوا كل الانتخابات باطلة





ههههههههههههههههه

اكرام هاض اصول الشغل والضرورات تبيح المحظورات . لا يسمى رشوة بل هدية فالامر مختلف . لسة الانتخابات ما بدأت كل هاض حملات دعائية لاخونا عماد الحمداني وانت تعرفين الاخ الصادق الصدوق عماد الحمداني . يا ريت تفكري في الامر وضمت صوتك لصوتنا ورح تشوفي الهدايا غدق .

[عبدالكريم قاسم]

المشاركة الأصلية كتبت بواسطة عبد السلام الكردي

مرشحي هشام يوسف سوف يقدم كيس رز لكل صوت ينتحبه
والطبخ على حسابنا
والسكر سيكون بربع الثمن
وكأس الشاي بشيلين والحسابة مش بتحسب
يحيا هشام يوسف حبيب الملايين

يا اخي عماد الحمداني
يعني ما رح تفوز ولا تعذب حالك
والنسوان على عيني وراسي"هو اا بقدر قول غير هيك" الحيطان الها ادان يا جماعة ما في داعي نضحك على بعضنا
بس يعني ما راح انتخب نسوان ,ولا راح ابرز مواهبي في انتقاء الأفضل منهن
مو مشان شيي
مشان ما العين تطرؤني بس
هههههه
وانت يا اخ عبد الكريم قاسم الأربعيني المحترم ويمكن الخمسيني شو درانا يا راحيييل
بدك تعمل مؤامرة عالبلاد والعباد وتنتفض بمساعدة خارجية واطراف مندسة لتقلب النظام في أقلام؟
اليوم بتطالب اقالة المختار وبكرا بتطالب باسقاط النظام كلوو
هاي مؤامرة حارجية وغصابات مسلحة
ههههههه
يحيا هشام يوسف حبيب الملايين

هههههههههههه وصلك الحم يا مختار الانقلاب جاي جاي ما في مفر ارجع معنا والا ......
مو مهم اطراف خارجية داخلية ما في فرق . بس اعجبتني انك ما رح تنتخب نسوان هاض لحاله كفيل باسقاطك من المخترة يا شاطرههههههه كيف بتيجي بساحة النسوان وهن الي دعمنك بالانتخابات ؟؟؟؟؟ بعرف انك بعد الرد رح تعمل تفسيرات مو قصدك ومن هالحكي بس الطلق لما بيطلع ما بيرجع لماذا تنكرت للنساء ايها المختار . ؟ غنوا للعريس والعريس نايم

[عبدالكريم قاسم]

المشاركة الأصلية كتبت بواسطة ثناء حاج صالح

له له له .. يا عبد السلام ..انت هيك ع بتشكك في خبرتي وحنكتي في السياسة .... يا إبني هي ( سياسة) هي ...وأنت بتعرف شو يعني سياسة .....يعني ما كل شي بصير في السياسة بينشرح للشعب ....فلازم تخلي ثقتك فيني عالية وتعمل لي دعاية حتى أفوز ..... ..أنت بدك العنب ولا بدك تقاتل الناطور ..لا تقلي بدك العنب لأنو لسا ما إجا وقت العنب ..ولا تقلي بدك تقاتل الناطور ..لأنو مسكين الناطور ..قاعد عم بيشتغل شغلتو ..وبعدين ليش بدك تقاتلو وهو ما أذاك ..المهم إنك تعمللي دعاية مزبوطة ..حتى بكرا لما أفوز أحقق لك مطالبك ومطالب كل صحابك ..وإصحا تتسمع على كلام عبد الكريم لأنو مبين عليه بدو يجرك لصفو ..خليك رجال وكلمتك كلمة ..بكرا أنا بنفعكم ...انا أحسنلكم من عماد الحمداني ..صح ولا موصح ...وبعدين متل ماقالت علا ( [color="rgb(139, 0, 0)"]الهم الرجال شاغلين المناصب زمان شو عملوا ؟ ولا اشي،) فلازم نحنا النسوان ناخد فرصتنا حتى نفرجيكم شو بدنا نعمل ...يلا اعملي دعاية وتوكل على الله ..وأنت الكسبان

[/color]

لما الرجال ما طلع بيدهم شي . شو بدهن يعملوا النسوان .

[عبدالكريم قاسم]

المشاركة الأصلية كتبت بواسطة عماد الحمداني

الاستاذ الغالي عبد الكريم
هل ترى ماارى صديقي الجميل كيف بدأت تتجلى صور الرشاوى
من اكياس الرز والهدايا
واستاذ محمد صوانه أنكسر خاطره كما نقول بالعراقي
على شفافه وست نزيهه
وامامه ثناء بطرق ملتويه تأثر على اصوات الناخبيين
بانت نوايهم صديقي العزيز
لكن
لاثناء
ولاغيرهم يفوزوا نحن رجال افعال لا كلام

مساءكم ورد وعنبر
وتحياتي لأخوتي وأخواتي الطيبات
محمد صوانه
راحيل
ثناء
بالمناسبه هذه التحيه بريئه ليست لجمع الاصوات

مساء الخير ايها المستشار الجديد
ولا يهمك رح يصيبه مثل ما صاب الي قبله ويقول( اكلتم خيري وانتخبت غيري ) هههههههه
اما ثناء فهي تمارس عليهم اساليب نفسية محروقة ومجربة والي بجرب المجرب عقله مخرب . وثناء رح تخرب لهم عقولهم . ما عليك خليك ثابت للنهاية ايها المستشار ...

[عبدالكريم قاسم]

المشاركة الأصلية كتبت بواسطة محمد صوانه

الكريمة راحيل،
دايما عندما كنت أسمع الأخبار بالتلفاز وأكون جالس مع المدام بالبيت، ونسمع تصريح مسؤول من وراء البحار العربية وغير العربية أن الانتخابات ستكون (نزيهة) و (شفافة).. نفقع من الضحك ونقول:
- مسكينة نزيهة مرمطوها وشرشحوها كتييييييييييييييييييير
أما شفافة فأنا عمرني ما شفتها ولا شفت من وراها اشي دايما معتمة وشكلها بخوف لدرجة أنه لا بد تلف من وراها حتى تشوف مزبوط اللي صاير هناك............................!!!!!!!!!!!!! وطبعا ما حدا منهم بسمح لحدا بالشوف والكشف من وراهم..

بس يا عبدالكريم، الله يخليك لأولادك، ها المرة بدنا نكون غير شكل ولازم تكون المسألة على بساط أحمدي، ما بدنا نزيهه الي شرشحوها ولا شفافة اللي عتموا عليها..
خلينا نعمل إشي للتاريخ..

مع باقة احترام وتقدير لكل الإخوة والأخوات المشتركين بالعملية الانتخابية التاريخية هون..

احييك اخي محمد صوانة على هذه السياسة الرهيبة
ماسك العصا من النص ههههههه
نزيه وشفافة هاض شعارنا احنا الي ما بنوزع رز وعدس اما بتوع العدس والرز من وين بدها تيجي نزيه وشفافة ؟؟؟؟
بس خليك معنا وما عليك رح نسر خاطرك ونبسطك بالنتائج والاكتساح العجيب ( الي يضحك في الاخر ) طبعا احنا لانهم بغنو للعريس والعريس نايم مو معقول يصحى ويلاقي حاله مستشار ....

[عبدالكريم قاسم]

المشاركة الأصلية كتبت بواسطة خليف محفوظ

أخي عبد الكريم ، أنا دخلت هنا صدفة ، و حسبت الأمر جدا ، ولم أعرف أن هناك اصطفافا و أحلافا و حربا خفية و كولسة ... وحزب نساء و حزب رجال ...

ومع احترامي لبني جنسي من إخواني الرجال فإني لا أستطيع التراجع ، بل أجدني أتمادى في ترشيحي مادمت قد أعطيت صوتي مستعينا بقول المتنبي :

ولو كل النساء كمن فقدنا *** لفضلت النساء على الرجال

وما التأنيث لاسم الشمس عيب *** ولا التذكير فخر للهلال

اخي خليف تحية اخوية
المؤامرات شغالة ..منهم طبعا مو منا . والرز والحمص والفول والرشاوي كله من اجل استمالة الاعضاء لانتخاب مرشحهم . اما مرشحنا نحن لا رز ولا عدس ولا حمص فمن برأيك يجب ان يفوز ؟ المرشح بتاع العدس ولا المرشح بتاع الواقعية . ذاك يطعم الفم وذاك يطعم العقل.. ويحقق المطالب
اهلا بك اخي خليف لتمنى لو حصلنا على صوتك .

[عبدالكريم قاسم]

المشاركة الأصلية كتبت بواسطة أميمة وليد

رغم الضغوط النفسية وحرب استنفار المشاعر التي شنتها عليّ العزيزة راحيل

ومع تقديري لثمن كل كيس رز أوصله عبد السلام الكردي بنفسه وبتواضع جم معهود من مختار أقلام إلى باب واردي

ومع اني شخصيا بحترم جدا عماد الحمداني

وبيعجبني حس الفكاهة في شخصية ختيار الترفيهي عبد الكريم قاسم

إلا اني يا جماعة

وبصراحة مطلقة

ضعيفة جدا

أمام سحر .. وذكاء .. وتألق .. وبهاء

العزيزة الغالية ثناء

معك عبد السلام حمزة قلبا وقالبا

اضم صوتي إلى صوتك (بعيدا عن كل الإغراءات والضغوطات)

وبرشح أكيد

ثناء حاج صالح

واسمحولي بسؤال عالهامش لراحيل والكردي :

هو وينو أصلا هشام يا حرام ؟!

اهلا اختي اميمة الغالية على قلوب الاقلاميين جميعا .
سؤال جميل وينو هشام يعني عبال مين يلي بترقص بالعتمة . المساكين بكره اذا فاز رح يجيه المنصب على طبق من ذهب ولا خسر ولا تعب يعني العروسة للعريس والجري للمتاعيس ..
انا بنصحهم يضمو صوتهم لصوتنا ونقف كلنا امام المارد القادم الي اسمه ثناء الحاج لانها تتململ رويدا رويدا. عماد عماد وغيرو مفيش لا بنعطي رز ولا بغشيش

[ميسون عربيات]

أنــــــا أرشــــــح صـــاحب الحــرف الجمـــيل عــماد الحمــداني
ودمتم جميعا بخير وجميع من يكتب هنا أحني قبعة الإحترام له
مساؤكم صداقه جميله

[حمزة الأسير]

هشام يوسف ...

آخر نشاط كان يووووووووم 25/3/2012

[حمزة الأسير]

عماد الحمداني ...

ما زالت المؤازرة مستمرّة ....

والفوز حليفك بـــ عون الله ....


بعدين تعرفوا ؟؟؟؟ ( والحكي للجميع )

لو عطوفة ( سيجموند فرويد ) هون ما سألنا إحنا الزرقاويّة ما بنسأل عن حدا أيونز .....

وهي الميدان يا حميدان ....

وغير عماد الحمداني ما حدا يحلم يكون مستشار .... تعرفوا لويش ؟؟؟!!!!

لأنّو الميّة بتكذب الغطّاس ....
والحمداني أرقى الناس ....




تحيّاتي وياسميناتي للجميع ....

^_^

حمـــــــــــــــزاوي

[ثناء حاج صالح]

يا جماعة سمعتو آخر سمعة ..

خبر عاجل ..في مرض نفسي جديد نازل ع السوق صارلو يومين بس ..ولسا ما حدا سمع عنه غيري ..وهالمرض اسمو لخباطيزم Lakhbatism
وأعراضو بتشبه أعراض إنفلونزا الدجاج ..وإنفلونزا القطط .. بس هالمرض بيتميز عن الإنفلونزا أنو بيصيب المخ بلوثة ..وبيخلي المصاب يلخبط بالأسماء اللي فيها أحرف لثوية ( ث -ذ - ظ ) يعني متل إسمي ( ثناء ) ..وإذا تطور هالمرض بيتحول لمرض نفسي عصبي خطير ما إلو علاج بيسموه ثناؤوفوبيا Thanaaouphobia ولما بوصل الإنسان لهالمرحلة الخطيرة من المرض بيصير بيخاف من كتابة او لفظ الأسماء اللي فيها الأحرف اللثوية ( ثناء ) وبيقوم بيستبدلها وهو مكره بالأسماء اللي هي على نفس الوزن ..متل : صفاء ...هشام ..عماد ..إلخ ..وطبعاً بكون عقلو الباطن مو رضيان عن حالتو مشان هيك هذا المصاب بعيش في حالة صراع نفسي بيتحول من غير ما يحس المريض لعقدة نفسية...وهدا المرض بيخلي الناس تتصرف تصرفات غريبة ومو بإرادتها ورغبتها الباطنية فبقوم المصاب بيضطر يصوّت لهشام أو لعماد حتى يتحاشى كتابة او لفظ أسم ثناء ..مع أنو هو بقرارة نفسو ...بدو ثنـــــــــــــــاء ..وعم بيقولو الأطباء أنو أول خطوة بعلاج هالمرض النفسي العصبي بتبدأ بمواجهة المشكلة النفسية والاعتراف فيها ...واُثبتت التجارب أنو الناس اللي تراجعو عن التصرفات الناتجة عن تأثيرات المرض وقامو بمواجهة مشكلتن بمسح كل اسم بديل لاسم ثناء متل ( هشام ..أو عماد ) أو غيرو..... وقدروا يصالحو نفسن ويعترفو أنو هنن بدن بالأصل ثناء ..هدول المصابين... الأمل بعلاجن وشفاؤن كبير ...أما يلي عم بيعاندو ...فألله يستر شو هي عواقب مرضن ...لسا الدراسات ما أثبتت كل النتائج .. فترقبوا الأخبار ..