،، طراطيش كلام! // أحلام المصري ،،

[أحلام المصري]

...وكالعادة
وزي ما هي متوقعة بالضبط،
إنه مش ممكن يحفظ وعده،
ولزمن حتمن تغلبه عادته..
بكيفه أو غصب عنه..
مش حيبطل يتلزق
ويروح وييجي ويجدد
أساليبه وشغل الاراجوز..
ما انت حلفتلها يا حزين..
حهدى واكون رزين..
بس منين وعلى مين..
الخيبة أصلها طبع وتفنين
وعلى عينك يا تاجر..
أنا كدا ومش حتغير!
عاجبك يا ختي اهلا وسهلا..
مش عاجبك برضه اهلين
اصلك غلبانة.. حتروحي مني فين!
.
.
وتاني تاني تاني
راجعين للكدب تاني
لكسر الوعود والأماني..
وتاني تاني تاني..
توجعلي قلبي تاني..
ولا همك بقى أحزاني..
طيب وحياة اماني..
أنا ما راجعة تاني..

[أحلام المصري]

تعبت ألملم عيال الحزن من تحت الكباري،
تعبت أصبر قلبي واحكيله

[أحلام المصري]

المشاركة الأصلية كتبت بواسطة أحلام المصري

تعبت ألملم عيال الحزن من تحت الكباري،
تعبت أصبر قلبي واحكيله

وليه تلملميهم!
التشرد أحيانا جميل
وبيكسب تعاطف الجميع..
خليهم خليهم..
الشارع احسن ليهم

[أحلام المصري]

كانت لما تحكيله
وتفضفض معاه وتشكيله
يعدل ياقة قميصه
ويبرم شنبه. ويلعب بمنديله
وبطرف عينه يبصلها،
وف عينه دحكة خبيثة..
مالك يا حبيبتي.. غيرانة!
الكلمة المحظورة لما تبقى لبانة
ما ينفعشي تلوم غير نفسها..
أصلها بقت معاه جبانة..
.
.

[أحلام المصري]

المشاركة الأصلية كتبت بواسطة أحلام المصري

كانت لما تحكيله
وتفضفض معاه وتشكيله
يعدل ياقة قميصه
ويبرم شنبه. ويلعب بمنديله
وبطرف عينه يبصلها،
وف عينه دحكة خبيثة..
مالك يا حبيبتي.. غيرانة!
الكلمة المحظورة لما تبقى لبانة
ما ينفعشي تلوم غير نفسها..
أصلها بقت معاه جبانة..
.
.

بس يا ترى..
ايه اخر الحكاية!
استنونا..
في الحلقة الجاية...

[أحلام المصري]

كان بيحاول يصالحها
ويغير مودها ويدحكها
حلفلها أنه هيسعدها
يسمع كلامها ومش هيزعلها
يوفي وعوده اللي قالها
بداية جديدة واحنا ولاد النهاردة
بصت في عينه وهي عارفة اخرتها
كام مرة قال لها ووعدها
مات التاريخ وهو بيكسر ف وعودها
كانت عارفة أنه مش هيتحمل..
اصله خلقة ربنا ودي عادته
بس يا ترى..
الذنب ذنبه والا دي اخرتها
اللي تستاهلها؟

[أحلام المصري]

وزي ما قال نجم النجوم عادل امام..
(حتضرب.. حنضرب....)
إلى آخر قوله الخالد..

[أحلام المصري]

.... وعندك واحد (استيراتيجية) وصلحووووو
هههههه

[أحلام المصري]

ساعات يا أخي الجنان دا بيبقى حاجة حلوة خالص..
اه والله
هما يعني العاقلين خدوا ايه...؟!
هههههه
صحيح؟
خدوا ايه...؟
هههههه

[أحلام المصري]

... هي ما كانتش غيرانة..
هي كانت متفاجأة ومتألمة
من جرأة وقدرة على كسر الكلمة
ووعد الحر دين..
بس خلاص،
لا وعد ولا دين..
الحكاية كلها قصة ومتنظمة
والحل واحد مافيش غيره
إن لم تعتزل ما يؤذي روحك
فاستحمل!
هاه!
ايه رايك..؟
حتستحمل..
والا ببساطة نقول:
حلال عليكم يا عم..
هههههه
هو الحبر بتاع حد لوحده؟
هو الحرف خصخصوه واحنا نايمين؟
مممم، بالطبع لا..

[أحلام المصري]

...وطبعا طبعا،
جدير بالذكر أنه سيادة القائد الماهر،
حيعبر الممر الطويل وهو لابس بدلته العسكرية،
والكاب الميري على رأسه العالي،
وعصايته تحت دراعه
وف خطوات مرسومة وموزونة..
حيتقدم،
وعلى المنصة يقف وهو بيتأمل الورقة المكتوب فيها الخطاب،
بعدين يرفع رأسه للحضور..
هي وقلبها المتعوس بيه وعقلها الرافض لسياساته..
وسجل كبييير مليان بتجاوزاته..
ويبص في عينها جامد، وهو مسبل عينيه،
والدمعة حتفر من عينه، يمد أيده ويبعد الورقة اللي قدامه..
ويبدأ بالكلام..
أنا بنظر من موقع القائد وانتم جميعا عساكر..
هاهاهاها...
عفوا.. دا صوت صادر من بين طيات سجل الغلطات..
دخل الصوت مكانه، وكمل (القايد) كلامه
ثم اعتدل في وقفته وقال:
استراتجيتي في القتال....
وقبل أن يكمل الكلام،
صاح العقل في احتدام..
وقال:
تاني!
طيب.. طيب
يا جدعان.. حد يجيبلنا واحد استراتيجية مضبوطة والنبي
علشان سعادة جناب القائد..

[أحلام المصري]

لما تعدي خطوطي الحمر..
اوعى تزعل لما املالك ارضك بهنود حمر...
هههههه