حشيش أردني..!

[قاسم المومني]

المشاركة الأصلية كتبت بواسطة راحيل الأيسر

ابشري يا أقلام أبشري بالمجد والسعد .. إلى الأمام ، إلى الأمام إلى القمة يا غلبانة يا أقلام

[قاسم المومني]

المشاركة الأصلية كتبت بواسطة راحيل الأيسر

لما اعمل دايت بيكون وزني هاتوا ودنكم .. وش وش وش وش وششششش ولما اتغدى بيصير وزني تمام وشوشوشوشششششش .. وبالعادة وزني وش وش وش وشششششش .. بس مناح مع طولي اللي هو وش وش وش وش ..

[قاسم المومني]

[قاسم المومني]

[قاسم المومني]

اردني شاف كهف
وحب يجرب صدى الصوت
.
.
.
.
.
.
.
.
.
.
.
.
حكى اﻻردني نزلت الرواتب
رد الصدى
احلف !!!

[قاسم المومني]

عظة اردنية..

[قاسم المومني]

دوترتي..ماي بِنت يعني .. "ديالا" !
عشان "بعض ناس" يسلمو حالهم لأقرب مركز لدراسة المستحاثات !

ما شاء الله لا قوة إلا بالله

[راحيل الأيسر]

المشاركة الأصلية كتبت بواسطة قاسم المومني

أنا الي اركز !
بس بدي احكيلك شغله ع كل حال اكسب فيك أجر..
شايفه الغرور تبعك، يعني لما أكون بقمة تواضعي ونعسان بكون مغرور بحالي زي الطاووس أكثر منك !
قال ركز قال..بطلي مخدرات بطلي !

هههههه الله يسعدك أخي الطيب قديشك ظريف ..

بس لاحكي لك شغلة كنت عم بدعي في سري بعد ردك هاد وقووول : يااااااااااارب ياااااارب أعره عقليتي العلمية المعملية الفذة ساعة من نهار بس ، ليفهم مغزى الكلام اللي كتبته ( ثوم وبصل وأسنان وناس تنفر_ غيرة بس غيرة _خخخخخخ ) ثم أعده يارب إلى سيرته الأولى ( نعسان أو خجلان أو حتى دوق دوق تبع سنو وايت ..

طيب طيب نعمل صفقة أنا أبطل غرووووورر ونت تبطل فهامة وفتاقة وفهم سديد خخخخخ ماشي ؟؟

قااال مخدرات قاااال .. شوف مين عم بيحكي ؟ فاتح لنا هووون في منتدانا الشريف العفيف الراقي المحترم اللي ولا عمره بحياته ما كان فتحوا فيه محل لبيع سجاير .. فاتح لنا محل حشيش .. لا وبيقول ما بيخلط زيت بمية ، ماهي واضحة صنفك مركز من غير تخفيف بالماي ، وعم بيهديني نصايحه أبطل مخدرات .. طب ومحلك ومتجرك هوووون ؟ مين يرتاده بعدي ؟ إنت فكرت في مستقبلك المهني لما ألبس حجاب وأبطل فن آآآآآآآ قصدي لما أبطل مخدرات ..

أقول لك خليني ع المخدرات من شان يمشي سوقك .. قاااال بطلي مخدرات قاااال .. ونعم الوعاظ تبع آخر زمن .. خخخخخ





يسعد صباحكم ومساءكم آآآل أقلام .
احترامي الأكيد لك أيها الفاضل أخي / قاسم المومني .

[راحيل الأيسر]

[quote=قاسم المومني;446151]

المشاركة الأصلية كتبت بواسطة راحيل الأيسر

أنا أحلى منك أولآ..هئو
وثانيآ ما الك لحية مثل لحيتي أصلآ
مع إني فطعة وادغم ومشحبر بس بجنن ..فري سويت آند لفلي وكيوت ع الفاينل
في سر الصحيح، بمناسبة الحاقدين والحاسدين
أنا زمان كنت أشقر وشعري جدايل وعيوني خضر وطولي 189 صانتي..وكنت بيوم اتمشى قدام جيراني، وكانوا حسودين..طرقوني عين..دخت..صحيت لقيت الأشياء طولانه عن أول، وحاس حالي اصلع..وصلت البيت اكتشفت انهم جابوني كتاف؛ شعري حت، وصرت اسمر، وقصرت 20 صانتي
يعني مشوارين ثلاث قدام نفس الجيران بصير بابا سنفور..!
بس برغم هيك بضل أحلى منك بكثير..
قال أغار..!
انت لازم تكتبي تحت صورتك "لله في خلقه شؤون" !
أو يحطو صورتك في كتاب "عظات" انه الي بيكذب هيك بصير فيه ...
والله عال..عال كثير..هاي تاليها..أغار من راحيل..
أصلآ لو محلك بشتكي ع حالي وبغير اسمي..أو بسلم حالي لمركز دراسة الظواهر الطبيعية و معمل الجينات المتنحية..!
أنا غيران منك أنا !
على شو يا ميمتي ؟!
شعرك فيه شيب؟
اكيد لأ
عيونك فيهم انحراف؟
مفتكرش..
لحيتك خشنة زي لحيتي؟
سمعك خفيف مثلي؟
بتنامي ع نص فرشة !
....
تبئي مش من مستوايه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه
ههههههههههههههههههههههههههههههههههه

الله يسعدك فطست ضحك أنا .. في الخاطرة لما نمدح خاطرة نقول الدهشة متلاحقة مع كل فقرة ، وهووون بقول الضحكة متلاحقة مع كل فقرة ..






ياعمي بعنالك البيعة إنت أحلى مني ومن ستي ( جدتي ) ذات نفسها .. ولا تزعل خخخخخ
راح رد عليك ع روااااااق أخي الطيب الكريم ، بس دخلت على عجل وقلت أكتب كم من رد وأسجل خرووووج وأخبركم إنه أخي ( شقيقي ) زواجه بكرة بالليل بإذن الله فدعواتكم ( الله يتمم لنا فرحتنا بيه على خير ) وده سبب غيابي ، مشغولة لشوشتي .. طلبات وترتيبات الزواج وهيك يعني إنتم أدرى بالوضع ..

وعقبال عند الجميع ..

تحيتي واحترامي ودعواتي لكم ..

[راحيل الأيسر]

بتذكريني بالصابون ع فكرة..منك لله ع كل حال !
افهم من تحطيم المعنويات انه وزنك 88 كيلو وطولك متر وستين صانتي؟
شغل انتحار ع فكرة !!

مساك الرضا أخي ..

ع الرغم من محاولات الاستفزاز المستميتة والمتواصلة منك بس لااااااااا ..مش راح اضعف وأخبرك عن الأسرار العسكرية عن الطول والعرض والوزن .. ( نو ويي ) .

بس بدي عطيك معلومة ع الطاير هيك لتستفيد 160 سم للفتيات طول مثالي جدا وهو الحد الأدنى لاختيار مضيفات الطيران على مستوى العالم ، بينما 165 سم الحد الأدنى في طول مسابقات ملكات العهر ( عفوا منكم جميعا على هذه اللفظة التي تبدو خادشة ) والتي يغلفوها لنا تحت مسمى ( ملكات الجمال ) .

وفي دول الخليج الفتاة فوق الــ160 سم تعتبر طويلة بينما في الدول الأوروبية هي متوسطة الطول بالتأكيد .. عموما إحنا البنات اللي من جهة الوالدة ( بنات الخال والخالة ) أطوالهن متوسطة ويمكن أنا الأطول منهن جميعا بما فيهن أخواتي ..

نجي لعائلة الوالد آآآآآآوييييييليييي آآآآآويلي لو جات علا الياس ( الله يذكرها بالخير ويبعد عن قلبها الهم ،ويشغل فراغ فؤادها بعد أمها وأخيها بطاعته تعالى وحسن ذكره وعبادته ) ماشاء الله بنات العم من 190 سم ونت نازل إلى 170 سم أقصرهن .. تخيل !!

المهم بنات عمي بيصيروا بنات سلفة أمي بتعرف هالمعلومة خخخخخخ ؟ فلما نجي رايحين هناك الوالدة تقول البسي هاد الفستان والبسي معاه هاد الجزمة أم الكعب ( أكرمكم الله ) تقولها ببراءة ونا فاهمة عليها واستهبل وكأني مش فاهمة هي ليش مركزة ع الحذاء أم الكعب العالي جدددددددددااااا ، لحتى وقت التباهي تقول لسلفتها : إي ونا عندي راحيل ماشاء الله عليها كمان طوييييلة خخخخخ ( ياحسرررتي ) المهم سابقا - أيام المراهقة - كنت أحب في المرأة الطول ، مع الزمن اكتشفت إنه الطول للمرأة منافي جدا لتمام الأنوثة والسحر الأنثوي .. وفي النهاية الطول والقوام والوجه الجميل ديكور خارجي وقوالب فقط الأهم طهارة القلب وسلامة الإيمان ، وكمال الهداية الله يرزقك وإيانا ( عم بخلط زيت بموية أنا عادي ) ذس إز ماي ستايل ..

وراح زيدك أخي بدعوة لنا جميعا طالما انعطف حديثي للجد ( اللهم لا تجعلنا ممن قلت فيهم ( وإذا رأيتهم تعجبك أجسامهم وإن يقولوا تسمع لقولهم كأنهم خشب مسندة )

فهذا عبد الله بن مسعود كان قصيرا ضئيل الجسم ويوما صعد شجرة ليقطع من غصنها للرسول الكريم ما يتسوك به ؛ فرأت الصحابة ساقيه الضئيلة فضحكوا .. فقال لهم رسول الله : أتسخرون من ساقيه والله أنها عند الله أثقل من جبل أحد في الميزان ..

وهذا عبد الله بن أبي كبير المنافقين كان طويلا جسيما فصيح القول حتى أنزلت عليه تلك الآية في سورة المنافقين ..

الديكور الخارجي أصبح ما بيسوى عندي شي أبدا .. يعني من الخارج لو إني سنو وايت أو شرشبيل سيان عندي صدقني .. لكن الله خص بعض عباده ممن يحبهم ويحبونه بميزة الملامح المريحة الهادئة وإن لم تكن الملامح وفق المعايير الجمالية المتعارفة عليها من قبل البشر ، لأن مافي القلب تعكسه الملامح في أغلب الأحيان ..

رأيي، بما إنك صرت جايه للدنيا وجايه، خلص ترضي بنصيبك، وسيبك من الدايت وسباق 400 متر حواجز..مش رح تنحفي مثلي لو شو ما عملت..قال دايت!

فكرك هيك ؟؟؟ إي طيب راح أرضى أخي شو نعمل ؟ ع رأيك هيك نصيبي ولازم أرضى بييييه ، وإن سودت الدنيا بعيني وأظلمت من كثر التعليقات راح أجي عندك جلسات علاج نفسية وزرع ثقة ..

يا آآآلله أفرغ علي صبرك من تعليقات البشر على قصري ياحرام وسمنتي وقوامي المترهل خخخخخخ .

صاحبي عامراليوسف دب كان ولا يزال..جد دب بشري..!
المهم كنا معزومين بسهرة خطبة وشكبة وتكب كباب..المهم يعني ..جابو بيبسي..لظّيناه، وبعد هنيهه، جاء تبع البيبسي يتفقد من لم يأخذ، فلظّ عامر قنينة ببسي ثانية، فضحكت، قال : هذه الثانية بيبسي دايت، والأولى كانت مش دايت، فمن باب المحافظة ع الدايت يعني..
صحابي كلهم مشاطيب ع فكرة، مثلي .
بس أنا أخلص واحد فيهم، مع الشكر يعني،،بشتغل ع الجفت حاليآ لأنه كازي خالص من زمان..!
كمان منك لله بالمناسبة.اشوف فيك يوم، وقليل كمان..اشوف فيك اسبوع يا راشيل..

ههههه بمناسبة كلمة دب أنا عندي مرتكز كلامي ( دبة ) للمذكر والمؤنث على حد سواء ، هاي السبة والشتيمة تبعي يعني وكمان كلمة عتابي ..
مرررة قلتها لوحدة رفيقتي بس يمكن هي متعقدة من سمنتها فحسيت انها جات تقيلة ع قلبها وانحرجت وقالت : إي صحيح أنا سمنت كثير ..

ونا جد رغم إني غليظة وغلسة بعرف حالي ، بس فعلا ما بحب زعل حدا في نقطة حساسة ، جلست اعتذر منها ساعة وافهمها إنها عندي كلمة مداعبة + عتاب + شتيمة بالمختصر ( مرتكز كلامي ) وما بقصد معناها أبدا ، حتى بقولها للي وسطهم وسط كمنجة واللي عودهم مرسوم ع السنجة خخخخخخخ .

ايييييه المجتمع البناتي ما تتقبل غلاستي ، ونا ما بقبل مجاملاتهم اللي 48ساعة في اليوم ..

أنا نومان أنا..طيب ماشي، انتِ ما سدئتِ..!
وشو اخبار الأمير تبعك، مش النية كان ضفدع ومعطّتيه شسمو رجع امير وراح عنه البلا والشر..
قال ما قدرت تكملي التفاحة قال، وبس دخلت عنا لهطتي اكلاتنا، ولا صحن سلم من حناكك..وقال دايت قال!

ههههههه لاااااااااااااا هو كان ضفدع وكنت قابلة فيه ، بس انت ما دريت ؟؟
اتحول ناموس كل ما شاف لحمة طرية راح يلاحقها ، فزهدت فيه وشلته من راااااسي نهائي ..

لو كان الدايت رجلآ لضربت معه صحبه..

لو كل نساء العالم صاحبن الدايت إلا أنا .. ماراح صاحبه أبدا .. عيب احترم نفسك ! أنا بنت شريفة خخخخخ آآآآقصدي أنا بنت أم راحيل ..

بس أنا صعب صنف نفسي في خانة من الصفات فعلا لأني متأرجحة ، ومتقلبة لما تجيني هوس الشراهة لا يمكن أحرم نفسي من الأكل أبدا ، فجأة أنقلب ع النقيض يليل عليا اليوم ، ويطلع فجر مسائي ونا ما حطيت لقمة بتمي ولا عندي أي رغبة أو إحساس بالجوع ..

لكن أعمل دايت مستحيل . ليش إحنا الطبقة الكادحة شو متاح لنا من متع الحياة غير الأكل ، والسعي الدؤوب لإنتاج ذرية صالحة بإذن الله كمان هاي نقعد على نفسنا فيه ..

إي لاااااااااا ، راح آآآآآآكل وآآآآآكل وآآآآآآآكل حتى يستغيث الأكل مني ، ويقول : وا معتصماااااااه
أواه ثم أواااااه من راحيلاااااااه ...

ما بحب اخلط زيت بمويه !
جد هسابدون حشيش :
علا الياس عرفتها بأكثر من منتدى، وكانت مثال الفهم والذوق والأخلاق، وبدون مبالغة، ما صدفت بعالم النت أصفى من منطقها، فهي من اطيب واشرف الناس بلا شك، ورحم الله من مات لها، وحفظ لها أولادها و زوجها، و وفقها اينما حلت، فهي أخت كريمة.
وللأسف أخت راحيل، فلا تواصل بيني وبينها منذ زمن بعيد، حتى انني قدمت العزاء لها في والدتها مع من قدموا في منتدى العروبة ، لكنها لم ترد على أحد، ولعلها انشغلت بمصابها وحياتها، ونتمنى لها الخير، فإذا تمكنت من التواصل معها يومآ فأبلغيها من أخيها قاسم السلام .

وهي كذلك أخي مع أني لم أتعامل معها كثيرا ، لكني كنت معجبة بصدقها ووضوحها وعدم السعي إلى تجميل صورتها كشأن الكثيرين في عالمنا .. كفى المرء نبلا أن تعد معايبه ..

وبس خليني وضح لك قصدي في سؤالي عنها منك لأنه انتم أردنيين متل بعض فقلت ممكن تربطكم صلة رحم أو قرابة أو معرفة بين أهلك وأهلها وهيك ، لأني ع حسب ما عرفت منها إنها كانت تعرف سيدي الوالد / نايف وكان حضر عرسها وهيك يعني ..

أخي عبد الكريم كان خبرني قبلك انها سكرت حسابها في الفيس بوك لما طلبت منه إيصال سلامي وعزائي إليها ، لأنه أنا ما عندي أصلا لا حساب في الفيس ولا تويتر ولا أي شي من هاذ .. ماعندي سوى هالمنتدى الصلة الوحيدة بيني وبين العالم الرقمي .. إضافة إلى منتدى آخر كنت فيه برهة من زمن ثم ابتعدت ، وقد أبتعد عن هنا كذلك يوما ما ، إلا أن بعض من فيه من إخوة لي وأخوات يجعلني أؤجل القرار ..


عن نفسي شخصيا ما بحب التوغل في عالم النت .. إحتراما لوقتي الذي سأحاسب عليه + أمور أخرى كثيرة لا داعي للبوح بها قد لا يجد قبولا عند الكثير ، أو قد لا يفهم أو يصل إليهم بالطريقة التي أريد إيصالها ..


لكني أقول لها من هنا لو سمعتنا أو كانت تقرأنا أني أدعو الله لها كثيرا ، وقلبي معها ، ويعلم الله كم آلمني مصابها الجلل في أمها وأخيها في السنة ذاتها ، دعوت الله أن يلهمها صبرا جميلا ، حتى تنال به الأجر عظيما جزيلا ..


مساك الرضا أخي وكل إخوتي هنا ، مع أصدق دعواتي للجميع .


ولي عودة أخرى بإذن الله..

[سلمى رشيد]

اين اصحاب الديار ؟؟؟

هل غادر الشعراء من متردم ؟؟؟

[راحيل الأيسر]