حشيش أردني..!

[قاسم المومني]

مَثَل التحدّي الأردني : إذا مش قد المنسف لا تتفلسف !
http://www.youtube.com/watch?v=WcKaA3RyuPU

[راحيل الأيسر]

اكرام كوثري

هههه انت عندكم خرابش واحناعندنا بوزبال

أهلين ويا هلا إكرام الطعمة خفيفة الظل وجميلة الطلة ..

بتعرفي إكرام رغم اني اتفلسف كثير وأحيان بعدد من اللهجات إلا إني على أرض الواقع ما أقدر أفهم لهجة المغاربة عموما .. مرة اتصلت على أختي فاكية صباحي عشان اطمن على زوجها ساعة محنة أسرتها _ كشف الله عنهم وأدخل الحبور إلى قلوبهم جميعا _ إلا إني ما كنت فاهمة عليها بتكلمي شرق ، أرد غرب .. ففطنت هي بذكاءها إنو راحيل اللي تتفلسف في المنتدى مش راحيل اللي بتكلمها ومش فاهمة على لهجتها فحولت معايا عربي فصحى كان منظري مضحك جدا ..

أكتب لهجتكم كتابة وأحلل كل كلمة أصلها الفصيح إيش ومن فين جات دي سهلة ، إنما أسمعكم وأفهم صعب جدا ..

أخي مرة اتعرف على حجاج جزائرية وعزمهم عندنا في البيت ، كنت مش فاهمة عليهم أبدا خصوصا انهم من كبار السن اللي ما يعرفوا الفصحى كثير ولا يعرفوا انجليزي ، فقط فرنسي واللهجة العامية الدارجة ، صرنا نستخدم لغة الإشارة تخيلي خخخخخخخ كان شكلي تحفة ، وطاحت هيبتي وهيبة ثقافتي العربية قدام أهلي اللي كانوا آخدين مقلب في بنتهم .. آآآآه يا زمن وآآه يالذكرى قديشك لما بتمري بتوجعي .. هاتوا الربابة يا جماعة .. الطنبور .. الطنبور من فضلكم ؟











عندكم منديل ؟؟

[راحيل الأيسر]

طب تعرفي تحكي طبق طبقنا طبق بطبق طبقكو زي ما طبق طبقكو طبق بطبق طبقنا 33 مرّة وانت مغمضة !

شو تحكي وهي مغمضة شو هالحكي أخي وحد الله في حدا بيحكي وهو مغمض افرض مثلا وهب جدلا إجاها مطب صوتي بتوقع عادي يعني ؟؟

في حدا يحكي مغمض يا جماعة ولا حدا بينام حافي ؟؟

إفرض راح بدو يقطع تذكرة سريعة للحلم قبل ما يبدا ، عادي يركض وهو حافي عادي يعني ؟؟

لا حول ولا قوة إلا بالله وحدوا الله يا جماعة وصلوا ع النبي صرنا عم بنسمع شغلات عجيبة غريبة آآآآل واحد بيتكلم وهو مغمض ، والتاني بينام حافي ؟

ولك شو هاااااالزمن .. الله يستر ما يجينا زمان حدا يصفن من غير نظارة شمسية .. ياستااااار سترك ..

[اكرام كوثري]

قاسم راحيل لغتنا لغة مشتركة "اللغة العربية: سحر، وجمال، وعبقرية"
كَانَتْ إِلَّا زقْيَةً وَاحِدَةً"، من زَقَا الصبيُّ، يَزْقُو، ويَزْقِي، زَقْوًا، وزَقْيًا إذا اشتدَّ بُكاؤه.
و الحمد الله ان مازال من يحافظ على اللغة العربية

[قاسم المومني]

المشاركة الأصلية كتبت بواسطة راحيل الأيسر

عندكم منديل ؟؟

كلاّ يا ابنة الأيسر..
نحن نستخدم أكمام قمصاننا !

[قاسم المومني]

المشاركة الأصلية كتبت بواسطة راحيل الأيسر

شو تحكي وهي مغمضة شو هالحكي أخي وحد الله في حدا بيحكي وهو مغمض افرض مثلا وهب جدلا إجاها مطب صوتي بتوقع عادي يعني ؟؟

في حدا يحكي مغمض يا جماعة ولا حدا بينام حافي ؟؟

إفرض راح بدو يقطع تذكرة سريعة للحلم قبل ما يبدا ، عادي يركض وهو حافي عادي يعني ؟؟

لا حول ولا قوة إلا بالله وحدوا الله يا جماعة وصلوا ع النبي صرنا عم بنسمع شغلات عجيبة غريبة آآآآل واحد بيتكلم وهو مغمض ، والتاني بينام حافي ؟

ولك شو هاااااالزمن .. الله يستر ما يجينا زمان حدا يصفن من غير نظارة شمسية .. ياستااااار سترك ..

افرض مثلاً جدلاً يعني..
حكيم الأيسر !

ايش مالك ؟!


لا حول ولا قوة إلاّ بالله..

متاكليش لابيض ولا سمك
يلا على رأي اللمبي : بلوبيف بلوبيف

[قاسم المومني]

المشاركة الأصلية كتبت بواسطة اكرام كوثري

قاسم راحيل لغتنا لغة مشتركة "اللغة العربية: سحر، وجمال، وعبقرية"
كَانَتْ إِلَّا زقْيَةً وَاحِدَةً"، من زَقَا الصبيُّ، يَزْقُو، ويَزْقِي، زَقْوًا، وزَقْيًا إذا اشتدَّ بُكاؤه.
و الحمد الله ان مازال من يحافظ على اللغة العربية

آه مرّت علي بمذكرات الأصمعي تبع فاء يفيء فيئاً فإذا حدا سأل عني قاعد بفيء وبس أخلص برجع !
طب ترجمي "قاب قوسين أو أدنى" !
ياعيني ع جمال لغتنا العربية :
ومدعشر بالقحطلين تدعشرت شُرّفتاه فحرّ كالبُعبلسلي

[محمد صوانه]

"ولما أجو يترجموا" اسم الأكلة الشعبية الأردنية المشهورة، شقيقة المنسف الأردني المحترم.

"المقلوبة"

قالوا:

upside down

متصفح طريف
مع تقديري

[اكرام كوثري]

http://www.youtube.com/watch?v=Y-Y1FH3xTsY
اللغة اشكال و الوان ههههههه

[راحيل الأيسر]

المشاركة الأصلية كتبت بواسطة قاسم المومني

هو كل مَن لَف لَف !

التعريف التحشيشي لورق العنب : رز بردان ملتحف بشجرة ..

[قاسم المومني]

المشاركة الأصلية كتبت بواسطة محمد صوانه

"ولما أجو يترجموا" اسم الأكلة الشعبية الأردنية المشهورة، شقيقة المنسف الأردني المحترم.

"المقلوبة"

قالوا:

upside down

متصفح طريف
مع تقديري

بالغ احترامي وعظيم تقديري لمرورك ومشاركتك أستاذنا الفاضل .
ـــــــــــــــــــــ
و..نعم بالفعل، المنسف محترم وشخصيته قوية، أنا الصحيح بفقد شخصيتي قدامه، ولا بعرف أحكي كلمتين ع بعض، وبصير أغص وأضل أشرب .. ومرّات يعني، إذا كنّا لحالنا..الصحيح يعني بصير أعرق، ولربّما تمازج مع بعض أدمعي !
هو بيعرف غلاوته عندي، فبيحرجني يعني بين الناس وبيفرض دلاله ع قلبي، وكما قال الشاعر :
بان الطبيخ ولو طوّعتُ ما بانا
وقدّموا من صنوف الأكل ألوانا
حيّ المناسف إذ لا نبتغي بدلاً
باللحم لحماً ولا الصيصان صيصانا


إنّ ترجمة الطعامِ تفقده هيبته ورونقه في أذهان بطوننا، ويكأنّ تراجم الرجال أسهل من ترجمة المجدّرة !
البيتزا أساس الفساد، ولقد جرّت وبالاً على المائدة العربيّة، حتّى أنّي لأخجل حينما أدخل المطعم أشتري سندويشة، ماذا أقول للكاشير، أأقولُ "فاهيتا" ! أم تراني أقول "زنجر" أم "هاتاي" !
أفسدوا كلّ شيء أستاذنا القدير ..
إن هي إلاّ ضريبة التبعية التذوقية للغرب..
رحم الله جار الطفولة سمير وأمدّ في عمره، كان يصنع سندويشة من رز وملوخية !
وحيّ الله إخوتنا المرابطين في أرض الكنانة، فإنّهم يُعدّون سندويشات معكرونة !
هاي الّي ما خرطت مشطي الصحيح..كيف سندويشة معكرونة !
واقفين طابور قدام عرباية المعكرونة .. وده بياكل وده بياكل وكلّه بياكل !
فقلت في نفسي..ويحك..كل إنته كمان !
فكان ..مش زاكي !
ولا بعد الفلافل ..فلافل أبو الوليد !
ماحد بيعرف أبو الوليد غير إلّي بيعرفه !
الله يرحمه، كان يعمل حبّة الفلافل قد صحن زغير، يعني حبتين تكون متعشّي وفي الهنولولو..
كل شيء كان زمان أحسن..كل شيء
ما التلفونات والإلكترونيات عموماً، والمواصلات، والملابس، وبعض خمسميت إشي..ولاّ الباقي كان أحسن !
صاحبي خلدون بيحكيلي -هو خرّاط بالمناسبة- لكنه كان يقول إنهم بتشيكوسلوهاي باروبا الشرقية كانو يغلطو على الأستاذ بترجمة الشتيمة,,وهو مثل الخاروف ..عادي !
اقلب وجهك : غير اتجاه وجهك، سبعك : أسدك، ..وهكذا !
كما قيل في الأدب المقارَن أنّه يفقد كثيراً من قيمته حين ترجمته، خصوصاً في الشعر ..
والله تعالى أعلم ..وفي هذا كفاية، وإلى لقاء في درسٍ آخر..

[قاسم المومني]

المشاركة الأصلية كتبت بواسطة اكرام كوثري

http://www.youtube.com/watch?v=Y-Y1FH3xTsY
اللغة اشكال و الوان ههههههه

اللغة كمان طعم ع فِكرة !
يعني سمّة البدن حين تسمعين اثنين بِنغال بيتناقشوا بأبصر شو !
خادمات فلبينيات مثلاً بنقاش حاد عن زيت الشعر دابر أملا -مثلاً-!
اللغة شكل ولون وطعم وريحة..!
تخيلي شاعر فرنسي بيرش قصيدة ع الجمهور !
لا يوطرزله عصام، بيحكيلي : يا زَم كيف "مِكرٍ مِفرٍ مقبلٍ مدبرٍ معاً..!" شو كاين جاي ع باله بالزبط !
عصام خالِص مع الشكر ع فِكرة