الحب فى الإسكندريه

[اشرف السيسى]

يا جمال اسكندرية
واهل اسكندرية
واللى بيحبوا اسكندرية
...............................
احبك علشان حبك لاسكندرية
وياريت تجاوبنى
ليه اسكندرية غير كل المدن
ليه نسيم اسكندرية يشفى العليل
ليه ريحة اسكندرية غير كل الروايح
ليه ليل اسكندرية غير كل الليالى
ليه حب اسكندرية غير كل الحب
ليه الكلام على اسكندرية له طعم تانى
ليه ................... ؟
ليه ................... ؟
ليه ................... ؟
لما تيجى سيرة اسكندرية مقدرش امنع لسانى عن الكلام

..........اسكندرية ...........
اسم جميل
ذكرى لا تنسى
موضوع اجمل

اخى العزيز احمد
شكرا لك
تقبل تحياتى

[احمد رشاد شلبى]

الأخ العزيز الدكتور أشرف
أبو كوكو

أكتب لك الآن وأنا فى أجمل مكان فى العالم
فى الاسكندريه
مدينتى الحبيبه
وحبيبنى الجميله
أعشقها وأعشق كل شىء فيها

واليك نبذه عن الاسكندريه
وماكتب عنها
وأجمل وأطرف ماقرأت
أهديه لك

قصه حب محمود ورضوى
ملحوظة صغيرة : محمود و عبد الرحمن يتحدثان بلهجة مسرحية بعض الشىء من حيث المبالغة فى الأنفعالات و طريقة الكلام
يجلس محمود و رضوى على شاطىء البحر
رضوى : بس يا سيدى وزى مابقولك كده عمى مظبط لنا كل حاجة فى الشركة اللى هوا بيشتغل فيها وخلاص حنبتدى إنشاء الله من الشهر الجديد وبالنسبة للأقامة إنت ممكن تقعد عند خالتك اللى ساكنة ى الهرم وانا حروح أقعد مع عمى
محمود : مش حاسافر القاهرة يا رضوى مش حقدر أسيب إسكندرية
رضوى : أيه الكلام ده , أُمال عايزنا نفضل هنا فى إسكندرية فى الشغلانة الكحيانة اللى إحنا فيها دى ونتجوز بعد مية سنة إنشاء الله
محمود : بَُصى يا رضوى عايز أقولك حاجة لو رحنا القاهرة , أوكدلك إننا حنبعد عن بعض وحنتوه عن بعض والله
رضوى : يا سيدى ماتخافش أنا حافظة القاهرة كويس وحبقى أمسك أيدك فى الشارع يا زغنطوط علشان ما تتوهش منى
محمود : مش قصدى كده يا هبلة قصدى إن سفرنا للقاهرة معناه إنتهاء الحب اللى بينا
رضوى : أيه الكلام الغريب اللى بتقوله ده
محمود : بُصى يا رضوى الحب اللى بينا ده مش قايم على إننا بنحب بعض وبس ده قايم على حاجات تانية كتير إسكندرية أهمها , إسكندرية بتقربنا من بعض أكتر فى كل خطوة بنمشيها فى شوارعها , مع كل نسمة بحر مع ( يقطع كلامه ) إنتى مابتحبيش إسكندرية ولا أيه
رضوى : بحبها أه بس ده ما يمنعش إنى ممكن أسيها لو لقيت مكان أحسن أعيش فيه
محمود : مشكلتك إنك مش قادرة تحسى بجمال إسكندرية , إسكندرية مش بحر أو كورنيش عشاق أو حتى ترام بدورين , إسكندرية دى تحسى بطعمها فى المنمنمات الصغيرة اللى ما تقدريش تشوفيها بالقلب المجرد , تحسيها كده وإنتى بتطلبى زيرو تلاتة من برة إسكندرية , تحسيها لو سمعتى حد بيقول فلافل و جومة و طماطم , تحسيها و إنتى بتتمشى فى صفية زغلول يوم الجمعة إتناشر بليل
رضوى : كلامك حلو و جميل أوى يا محمود بس مايأكلش عيش للأسف
محمود يتنهد : إنتى عارفة يا رضوى أنا معاكى إن القاهرة ممكن تكون أجمل من إسكندرية وفيها فرص عمل أحسن وخدمات ومرافق أحسن ووووو , بس مش معنى إن فيه حاجة جميلة إننا نحبها , عندك مثلاً سارة بنت خالتك أحلى منك , يارا اللى كانت معانا فى الكلية أحلى منك ماتبصوليش أوى كده أنا دلوقتى بقول اللى فى قلبى , البنت اللى معدية قدامنا دى أحلى منك , بس أنا بحب مين أنا بحبك إنتِ , أنا لما إخترتك ما إخترتكيش عشان إنتى حلوة أنا إخترتك علشان إنتى رضوى , علشان إنتِ نصى التانى , إسكندرية برضوه كده بتخليكى تحبيها بالرغم من إنك عارفة إنها مش جنة و, بس صدقينى أى حاجة حلوة من الحاجات اللى فى إسكندرية بتخليكى تسامحى المدينة على أى حاجة وحشة شوفتيها فيها أو أذى حصلك فيها , إسكندرية يا رضوى حاولى تحبيها زى ما هيا بتحبك
يتبادل محمود و رضوى النظرات فى صمت ثم ينظران للبحر
محمود يبدأ فى الغناء : حبيتك بالألكس حبيتك بالمكس
تبتسم رضوى
محمود : أيه مالك زى ما تكونى أول مرة تسمعى الأغنية دى
رضوى : الأغنية إسمها حبيتك بالصيف
محمود يضحك : لا يا ماما ده اللى أمثالك يعرفوه , بس اللى أنا بغنيها دى الأغنية الأصلية بس حصلت مشاكل بعد كده بين اللبنانيين والمصريين فغيروا كلمات الأغنية وخلوها الأغنية اللى الناس عارفينها دلوقتى , شكلك كده مش مصدقانى
رضوى : الصراحة اه
محمود : بذمتك أنا عمرى كدبت عليكى , بلاش دى أنا فعلاً كذا مرة كذبت عليكى قبل كده كتير , بس عمرى ماقلتلك معلومة فنية وطلعت غلط , متخيلة يا رضوى الست العظيمة فيروز بنفسها غنت للأسكندرية وده غير إنها غنت كمان شط أسكندرية إزاى تهون عليكى إسكندرية يا رضوى إزاى بقى الناس كلها نفسها تسكن فيها و إنتى عايزة تسبيها ده كلام بقى ده إسمه كلام
رضوى : بصُ يا محمود أنا معاك إننا ممكن نتجوز فى إسكندرية بس يدوب حنعيش على الأد , وعيالنا حتتبهدل يا محمود
محمود : بُصى يا رضوى حاولى كده توسعى خيالك معايا و إستوعبى المشهد الجاى ده بعد خمستاشر سنة كده
محمود و رضوى يشاهدان التلفزيون فى غرفة النوم يدخل عبد الرحمن إبنهم إلى غرفتهم
عبدالرحمن : بابا عايز أروح إسكندرية بقى الصيف ده
محمود ينظر لرضوى ويقول لعبد الرحمن : مينفعش يا عبد الرحمن مانا قولتلك قبل كده إن أنا و مامتك متفقين إن إحنا لو سبنا إسكندرية مش حنرجعها تانى
رضوى تبدأ فى البكاء
عبد الرحمن فى توسل : بس أنا بحبها أوى يا بابا
محمود : إزاى يا عبد الرحمن و إنت عمرك ما شفتها
عبد الرحمن : من حكاياتك الجميلة إنت وماما عنها , عن كورنيشها اللى بيسهر للصبح , من حلاوة كلمات فلافل و جومة و طماطم فى بق رامى الأسكندرانى صاحبنا , من الرعشة اللى بتجينى وانا بطلب زيرو تلاتة لما بكلم تيتة فى إسكندرية
محمود تدمع عيناه : حنفكر إنشاء الله يا عبده و حنرد عليك
يخرج عبد الرحمن من الغرفة
يوجه محمود الحديث لرضوى : عاجبك كده يا ستى , الولد عنده عشر سنين و شكله مابيجبش أكتر من خمس سنين
رضوى : أنا فعلاً قلقانة عليه ولازم نوديه للدكتور
محمود : من غير دكتور يا ماما العملية واضحة زى الشمس , إزاى واحد أصله إسكندرانى يكبر من غير ما ياكل سمك مرة أو مرتين على الأقل فى الأسبوع من غير ما يجرب كبدة الفلاح ولا كفتة بلبع ولا جيلاتى عزة ولا فول محمد أحمد من غير مايظبط دماغه بحاجة من عند البن البرازيلى إزاى يا رضوى إزاى
رضوى : محمود من فضلك بطل تحسسنى بالذنب أنا عارفة إنى غلطت لما سبت إسكندرية بس حاعمل أيه ماكنتش أعرف إن المستقبل حيبقى كده , و إننا حنحس بالغربة أوى كده
محمود : مانا بحاول أرسملك صورة للمستقبل أهوه لعلك تاخدى عظة
عودة للحاضر
رضوى : بصُ يا محمود يا إبن الحلال أنا باخيرك يا إما أنا يا إما أسكندرية
محمود يفكر : بُصى يا رضوى أنا لازم أقولك حاجة فلو إخترتك إنتِ , الناس حسيبولى مية مِلة
رضوى : ممممم طب ممكن تغير رأيك
محمود : إنتى عارفة لو كتبته حختارك إنتى فعلاً علشان آنا بكتب حاجات خيالية , و إنى أسيب إسكندرية و أختارك دى فعلاً حاجة خيالية , أكيد عمرى ما حعملها فى الحقيقة
رضوى : بقى كده طب ماعطلكش بقى , إبقى إشرب من البحر بقى خليه ينفعك
تنصرف رضوى
محمود فى حزن : مع السلامة يا رضوى
ينظر للبحر ثم يتظر لها وهى تسير مبتعدة ثم ينظر للبحر ثانية ً

[احمد رشاد شلبى]

مكتبه الاسكندريه ___ أنشأت هذه المكتبة علي يد خلفاء الأسكندر منذ أكثر من ألفي عام لتضم أكبر مجموعة من الكتب في العالم القديم والتي وصل عددها آنذاك إلي 700 ألف مجلد بما في ذلك أعمال هوميروس ومكتبة أرسطو. كما درس بها كل من إقليدس وأرشميدس بالإضافة إلي إيراتوثيوس أول من قام بحساب قطر الأرض.

ولقد احترقت المكتبة عن بكرة أبيها في ظروف غامضة، فبينما يختلف المؤرخون حول المسئول عن تدمير المكتبة نجد أن معظمهم يشيرون بأصابع الاتهام إلي يوليوس قيصر الذي أرسل سفنه الحربية عام48 قبل الميلاد لتدمير سفن دولة البطالمة المرابطة بالمرفأ المجاور. ويعتقد البعض أن هذه السفن قد قصفت الحي الملكي بالمدينة عن طريق الخطأ.

وفي الوقت الراهن تقام مكتبة الإسكندرية الجديدة علي نفس الموقع الذي كانت تشغله المكتبة القديمة إحياء لذكري أشهر مكتبة في تاريخ الآثار وحفظ حوالي 8 مليون كتاب. ولقد طرحت فكرة إحياء المكتبة لأول مرة عام 1974 إلا أنها ظلت للأسف حبيسة الأدراج. ثم تجدد العرض مرة أخري في أواخر حقبة الثمانينات حين قامت منظمة االيونسكو بالدعوة للمساهمة في إحياء المكتبة.تم إجراء مسابقة دولية لتصميم المكتبة منحت جائزتها الأولي ومقدارها ستون ألف دولار أمريكي لشركة Snohetta للتصميمات المعمارية ومقرها أسلو بالنرويج. وفي سبتمبر عام 1987 رشحت الهيئة العامة لمكتبة الأسكندرية ستة مهندسين استشاريين للشركة لتشكيل لجنة مؤقتة لوضع التصميمات. إلا أن الشركة رفضتهم جميعاً وآثرت عليهم شركة حمزة وشركاه للاستشارات الهندسية ومقرها الجيزة بجمهورية مصر العربية.

ويشمل تصميم المكتبة الجديدة أربعة مستويات تحت الأرض وستة طوابق علوية من أعلي نقطة من السطح الدائري شديد الأنحدار ويمثل هذا الشكل الغير مألوف أحد الإبداعات التي قدمتها شركة Snohetta . وعلي الرغم أن المبنى قد صمم ليعيش لأكثر من 200 عام إلا أن هناك بعض المخاوف والشكوك من عدم إمكانية تحقيق تلك الفترة الزمنية نظراً لقرب موقع المكتبة من ساحل البحر الأبيض المتوسط والتى لا يفصلها عنه سو 40 متر فقط لا غير. كما أن الضرورة القصوى للسماح بدخول أقل معدل من ضوء الشمس المباشر قد فرض قيود معينة علي اتجاه المكتبة بالإضافة إلي ذلك فإن البناء نفسه مدعم بأساس خرساني علي خوازيق خرسانية.
لقد أنشأ بالقرب منها قبة سماوية ومتحف علمي علي حصيرة خرسانية فقط دون الحاجة إلي أية خوازيق.

ويبلغ اتفاع المكتبة عشرة طوابق وهي مغطاة بغلاف بيضاوي بمحور رئيسي مقاسه 60 متر. وتقع جميع المستويات السفلية تحت سطح الماء الباطني. أما عن التصميم الهندسي للمبنى فلقد أخذ في حسبانه بالترتيب الوظيفي للأرفف والمكاتب المخصصة للقراءة في مساحات متماثلة بمقاس 14.4 × 9.6 م . وتوجد هذه المساحات تحت السقف المنحدر بمقدار 16 متر في سلسلة من الطوابق التي يبلغ ارتفاعها 4.2 متر. وعلي أية حال فإن صحفة الأرضية والسطح يشكلان دوائر حقيقية في السطح الأفقي لهما وذلك نظراً لميل الشكل الأسطواني بزاوية مقدارها 8 درجات عمودية.

ومثلما هو الحال مع المكتبة البريطانية بلندن فإن جسم المبني يغوص أسفل الأرض لحماية محتوياته النفيسة من عوامل البيئة الخارجية. وتعد قاعات القراءة العديدة المفتوحة هي السمة البارزة في مكتبة الأسكندرية، حيث تضم 2500 قسم للقراءة تؤدي إلي سبعة شرفات. ولقد تم تخزين الكتب أسفل هذه الشرفات لتسهيل الحصول عليها.

ونظراً لارتفاع منسوب المياه الجوفية - والذي يعلو مستوى سطح البحر ب 8 متر- عن مستوي انحدار الطابق السفلي بـ متر، فلقد فكرت الشركة المصممة حمزة وشركاه للأستشارات الهندسية في إنشاء الجزء السفلي علي شكل مصندق (اي مبطن ببانوهات) من الخوازيق بدعامة دائرية مستعرضة إلا أن حجم الالواح والذب بقدر بـ 160 متر قد حكم الدعامات الداخلية نظراً لأن القانون المصري يمنع استخدام ألواح التثبيت الأرضي أسفل المباني المجاورة. وعليه اتخذت الشركة قرار شجاع بإنشاء حائط جار بعمق 35 متر (وهو عمق لم يسبق استخدامه) تم تدعيمه علي عدة مراحل. ومن الجدير بالذكر أن هذا الأسلوب لم يتم استخدامه قبل خارج الشرق الأقصى.

أما البنيان العلوي للمكتبة فيتكون من سطح مستوى من الخرسانة المسلحة يشكل الواح مجوفة بعمق 400 متر بضلوع مركزها 1000 مم. وتمتد هذه الضلوع إلي كمرات مركزية مخفية بعمق 400 مم والتي تمتد بدورها إلي أعمدة وجدران مركزها 7.2 و 9.6 متر. أما في مستويات الطوابق السفلية حيث يتوقع المزيد من الأحمال الحية الثقيلة فإن تركيبة الأرضية تقوم علي نفس الألواح بعمق 600 مم مع كمرات مخفية بعمق 600 مم. ولقد أدخلت الجدران الخرسانية في البنيان تحسباً لأية أحمال أخري بما في ذلك الرياح والزلازل.

ويوجد داخل حائط الجار جدارين إضافيين من الخرسانة حيث يوجد أحداهما علي المستوي الأرضي ويفصله عن حائط الجار طبقة مضادة للماء ومزود بآليات صرف وهو ما يسمي بالجدار الخارجي . ويتحمل هذا الجدار الحمل الرأسي للطوابق الأرضية ولديه القدرة علي مقاومة ضغط الماء في حالة حدوث أي تسريب بحائط الجار في أي مرحلة من عمر المبنى والذي يقدر بـ 200 عام. وهناك أماكن بالجدار الخارجي تعوقها الأرضية عن أي حركة جانبية بينما هناك أماكن أخري يرتبط فيهاهذا الجدار بالجدار الثاني أو الجدار الداخلي عن طريق عدة جدران متداخلة. أما الجدار الداخلي فهو يغوص جزئياً علي شكل اسطوانة وهو ما يقدم تصميم ذو طابع أثري ويدعم اللوحات المكسوة بالجرانيت المنقوش.

أما هيكل السطح فهو مكون من عارضتين من الخرسانة المسلحة تزن ما يقرب من 18 مجم ونظام حديد تسليح ثانوي قطري لتدعيم تزجيج وتكسية السقف. كما تدعم هذه العوارض بتيجان أعمدة علي شكل شبكة مقاس 4.4×9.6 متر، ويتم تثبيتها في تيجان الأعمدة بألوح تثبيت أحادية تسمج بالدوران وتمنع أية آثار لدرجات الحرارة.

ونتيجة للحالة الغير مواتية لموقع المشروع احتاج هذا المجمع إلي أعمال هندسية وأعمال تأسيس ضخمة شملت الحفر وشفط المياه ودق الخوازيق والتحسينات التي أضيفت إلي خلطة الخرسانة كما تم تنفيذ جميع الأعمال الفنية الهندسية من خلال منصة عمل علي ارتفاع2 متر فوق سطح البحر أما مستوي المياه اجوفية فقد تراوح بمسافة واحد متر أسفل منصة العمل وهو يتأثر بشدة بمعدل المد في البحر

وتقع المكتبه في منطقه الشاطبي امام جامعه الاسكندريه

[عبد السلام الكردي]

لا أدري لماذا يبدو أن أجمل ما في الاسكندرية, هو حب أهلها لها..
إن كان جميع أهل الاسكندرية يحبونها كما أنت تحبها ,فلا بد للحب فيها ,أن يكون مختلفاً عما عرفناه من حب في العالم أجمع..سيدي الكريم..جميلة هذه النظرة الأكثر من رائقة ,إلى مدينتك الرائعة بحسب ما عرفناه عنها, وما تفضلت به هنا..
يبدو لي أن هذه المشاركة,تستقيم إلى كونها مقالاً..أكثر مما هي خاطرة نثرية..لهذا,رأيت أن من واجبي كمشرف أن أنقلها إلى حيث مكانها الصحيح هناك في قسم المقالات الأدبية..لتتلقى الاهتمام المناسب, من ذوي الخبرة هناك..تحياتي وفائق الاحترام والتقدير.

[احمد رشاد شلبى]

أخى العزيز / عبد السلام الكردى
أشكرك ياسيدى على تكرمك بزياره ماكتبت
وأعتذر عن تأخرى فى الرد عليك
واليك والى عشاق الاسكندريه

أنقل هنا

بعضا مما كتبه عشاقها


اسكندرية يا محلاها

يا ناس يا هوه لما اسكندر
حكم علي الدنيا ودبر
شاف المداين واتخير
اسكندرية وسماها

اسكندر اللي بجنوده
الشرق والغرب ف ايده
الانس والجن عبيده
اسكندرية بيتباهي

اما احنا يا اسكندرانيه
طالعين جميعا مزاجية
طبيعه ف الطين والميه
متركبة تحت سماها

الاسكندراني اذا خمه
واحد وفورله ف دمه
جايز ينام شايل همه
بس الاسية ما ينساها

يقوم اوام يغسل وشه
ويروح يجيب اللي غشه
ف خلقته ويروح نشه
راسين يعيش مسخه بعاهه

اسكندرية يا محلاها
بحبها
وأعشقها

أحمد رشاد شلبى
عاشق الاسكندريه