حشيش أردني..!

[عدي بلال]

المشاركة الأصلية كتبت بواسطة قاسم المومني

الحياة متل النّوريّه ... كل يوم بترقص لواحد !

حِكمة أردنية تستحق التأمّل ..

ههههه

ضروري أشوفك بس الله يسهل وأقدر أنزل على الأردن أخي قاسم

كمل كمل ما شاء الله عليك

[سميرة جوهر]

عنا في الأردن احنا لافاهمين الحياة ولا الحكومه ولا الشعب .. ياريت يغيروا المنهاج.

[سميرة جوهر]

بنتفشش مو أكتر..!!

قال كيلو الجوافه بـ 3 ليرات ونص

والبطاطا ام الوسخ بـ 85 قرش

و الخيار بـ ليره و بريزه

و عنب سايخ بـ ليره ونص

و البندوره البندوره يا عالم بليره و عشرين قرش

* اسعار أوروبيه و العيشه صوماليه


سررت بالمرور من هنا اخي قاسم ..شكرا لروح المرح التي تبثها بالمكان..
تقديري

[اكرام كوثري]

[قاسم المومني]

المشاركة الأصلية كتبت بواسطة عــــدي بلال

ههههه

ضروري أشوفك بس الله يسهل وأقدر أنزل على الأردن أخي قاسم

كمل كمل ما شاء الله عليك

تضحكلك الجنّة أخي عدي
وبنتشرّف فيك والله بأي وقت وبكل مكان
الله محييك ومبارك فيك

ع فِكرة ولا بعد الحشيش في المنتديات والفيسبوك، لأنها برأيي بتلغي كل الإختلافات وبتجمعنا ع بسمة -لا بلاش بسمة - ع ضحكة صافية من القلب .
تسلم أخي الكريم ..

[قاسم المومني]

المشاركة الأصلية كتبت بواسطة سميرة جوهر

عنا في الأردن احنا لافاهمين الحياة ولا الحكومه ولا الشعب .. ياريت يغيروا المنهاج.

آه كل ما فهمنا الحياة بتعمل أب ديت !
بدك نصيحتي الفنيّة أخت سميرة :

معلقة عسل كل يوم بتغني عن زيارة الطبيب
وتفاحة كل يوم، تفاحة واحدة يومياً، كمان كفيلة بأن تبعدك عن الطبيب



فما بالك بمعسل تفاحتين !!

غير واحدنا يصير دكتوووور

[قاسم المومني]

المشاركة الأصلية كتبت بواسطة سميرة جوهر

بنتفشش مو أكتر..!!

قال كيلو الجوافه بـ 3 ليرات ونص

والبطاطا ام الوسخ بـ 85 قرش

و الخيار بـ ليره و بريزه

و عنب سايخ بـ ليره ونص

و البندوره البندوره يا عالم بليره و عشرين قرش

* اسعار أوروبيه و العيشه صوماليه


سررت بالمرور من هنا اخي قاسم ..شكرا لروح المرح التي تبثها بالمكان..
تقديري

سرّكِ الله وأقرّ عينكِ أختي المُكرّمة بكل الخير والبركات .
ـــــــــــــــــــ
ذكّرتيني بسوق الحراميّة بإربد
قال أنا شاد ع حالي ومفكّر إنّي فهلوي، فصّلت ابواب ألمنيوم داخلية لبيتي بكلفة 680 دينار..
نسيبي نَتَع خمس ابواب خشب في باصه "الكيا بِستا" من سوق الحرامية بـ 60 نيرة بس، ومش هيك بس..شبك الحماية جابه بتراب المصاري !
حرق راسي بهالسالفة !
بس عملت إنه أنا زلمة فنقري وفشخرجي وما يهِم الفلوس، المهم الكوَلتي ..!
عاد بدّي أعيط من القهر
وع سيرة الخضرة، امبارح بدنا نعمل قلاية بندورة نتعشى بالشغل، ما أنا حالياً دوامي آخر الليل مناوب، فبنتسلّى بدل ما نضل جوعانين ..
المهم : 3 بصلات وسط بستين قرش..كيف لو سكر زيادة !
ومش حاب أحكي عن البندورة والفلفل لأني بلشت أجوع والله، ومش حاسبين الليلة نتعشى سوا.. مفيش غير كعك وشاي !

[قاسم المومني]

المشاركة الأصلية كتبت بواسطة اكرام كوثري

الرسوم أبقى من الجسوم !
ذكرتيني بالمنطق المشوي تبع سعيد صالح الله يهدينا ويهديه !

[قاسم المومني]

مش الناس فِلزّات ؟!
يعني مجلس النواب الأردني يمثّل الشعب الأردني، ورئيس الوزراء يمثّل كمان.. كلها خرّيجة معهد التمثيل ..فإذا كان رب البيت على الدّفِّ ضارباً فشيمة أهل بيته ع الوحدة ونص
دولة محششين !

[قاسم المومني]

ﻣﺎﺫﺍ ﺗﻨﺘﻈﺮﻭﺍ ﻣﻦ ﺷﻌﺐ ﻳﻜﺘﺐ ﻋﻠﻰ ﺍﻟﻔﻴﺲ ﺑﻮﻙ " ﺗﺼﺒﺤﻮﻥ
ﻋﻠﻰ ﺧﻴﺮ. " ﻭ ﻳﻀﻞ ﺳﺎﻋﺔ ﻭﻫﻮ "ﺃﻭﻥ ﻻﻳﻦ " ﻣﺸﺎﻥ ﻳﺸﻮﻑ ﻣﻴﻦ ﺇﻟﻲ ﺣﻂ ﻻﻳﻚ!

[قاسم المومني]

[قاسم المومني]

ينصر دينك يا أستاز نفيسسسسسه !

مش نكته هاي ولا خربطه
بس خرمان ع كنافة ناعمة من عند "حبيبة" !