مساجلة العتابا

[فخري فزع]

المشاركة الأصلية كتبت بواسطة بندر زيد

أتمنى لك التوفيق @ تقبل مروري
.........................................
...................................
............................
.....................

حبيب القلب ياااا بن زيد بندر
إذا هاج البحر بلقاك بندر
مسمى ع مسمى سعود بندر
أهالي المكرمة وأهل الأداااب

[فخري فزع]

المشاركة الأصلية كتبت بواسطة ثناء حاج صالح

أنا بعرف كلامك من جمـالو ..

من نبرة الحق بتفصيلو واجمالو

سيّـر حبيبي بالبيدا ....جمالو

بلكي بيسمعو شيوخ الا عراب

جمال ونور هالعتمة ثناها
كأنو البدر عالصفحة وثناها
عجبني بيتها وم حلا ثناها
علينا بالعتابا والطرب

الصفحة كلمة عامية تعني قطعة الارض الكبير الظاهرة فنقول صفحة الجبل أي وجه الجبل المطل علينا بكافة حقوله ( عالصفحة وثناها : وأجزائها )

[فخري فزع]

المشاركة الأصلية كتبت بواسطة ثناء حاج صالح

مَشـــاهد موتنا كلها مَشـــاهِـد

والـدم ســايل والعالـم مُشــاهِد

والقصف نازل والشايف ما شاهِد

شبعنا حكي ..وبالدم شَبّعنا التراب

دخيلك أرسمي الموقف تشاهد
وجيبي الجاني والمجني وشاهد
وجيبي الشاب يشهق بالمشاهد
تَشهّد قبل ما يطولو لغياب

[سلمى رشيد]

ما شاء الله نورت الأماكن بأهلها
يا مية هلا بفخري اللي لفا

مساكم نور وعتابا

[فخري فزع]

المشاركة الأصلية كتبت بواسطة ثناء حاج صالح

شوقي إلك فجّر لي... عروقي

بحبك قلت قلتلي إيه.. روقي

ما بقدر روق وبقلبي حروقي

كيف بتطّلع بغيري ..يا كذ ّاب

تُقلْ لي روق يا أسمر؟ شو روقي !!
ما طل الفجر وتغيّب شروقي !
دعيتو بالعتابا وبالشروقي
وحلف ما يهل وبالضيعة غراب

[فخري فزع]

المشاركة الأصلية كتبت بواسطة سلمى رشيد

ما شاء الله نورت الأماكن بأهلها
يا مية هلا بفخري اللي لفا

مساكم نور وعتابا

مساك أحلى وأجمل عتابا اخت سلمى
الله محيكم يا اهل الدار والنور والنوار
يسعد قلبك اخيتي

[فخري فزع]

المشاركة الأصلية كتبت بواسطة سمرعيد

مُرّة الحياة من بعدكم مُرّة
شربت ع غيابكم القهوة مُرّة
دقيت ع بوابكم مية مَرة
ماحدا منكم فتحلي الباااب

ع طول الدرب حلوات ٍ ومُرات
لوزات بضيعتي رسمت ممرات
ولما يا سمر زرتي ومرات
تَحلى المُر وتوام اللُبب

[ثناء حاج صالح]

المشاركة الأصلية كتبت بواسطة فخري فزع

جمال ونور هالعتمة ثناها
كأنو البدر عالصفحة وثناها
عجبني بيتها وم حلا ثناها
علينا بالعتابا والطرب

فخري كريم وشهم... تلبقلو المعالي

عالي بالسما ..وعن ربو ما عالي

ساكن ضلوعو قمروبيطلع معا لي (معه لي )

شعروغزل وعيون تغزلي السحاب

[فخري فزع]

المشاركة الأصلية كتبت بواسطة ثناء حاج صالح

فخري كريم وشهم... تلبقلو المعالي

عالي بالسما ..وعن ربو ما عالي

ساكن ضلوعو قمروبيطلع معا لي (معه لي )

شعروغزل وعيون تغزلي السحاب

لأهل الكرم والمعروف صالح

ولا تطلب وصلها لغاية ومصالح

ثناء الحاج بنت الشيخ صالح

سليلة مكرمة وطهر وأداب

[فخري فزع]

بأهل العز والطيبة الحياة عيد
لظل أنشد أنا شعري وظل عيد
لسلمى إرشيد غنينا وسمر عيد
بنات الطهر وينبوع الحسب

[فخري فزع]

اوووووووووووووووووووف

تركني الحلو من مدة وقُر ضَم

أكل برقوق وجناتو وقَرضَم

كأني اخلقت في الدنيا عَقِر ضُم

تَشيّب شعرنا شد العصاب

[سمر محمد عيد]

المشاركة الأصلية كتبت بواسطة فخري فزع

بأهل العز والطيبة الحياة عيد
لظل أنشد أنا شعري وظل عيد
لسلمى إرشيد غنينا وسمر عيد
بنات الطهر وينبوع الحسب

يابن العزّ يافخري فزع
يللي من اسمك الديب فزع
ولاجلك القلم دغري فزع
ليرد بحقك أحلى جوااب