مساجلة العتابا

[بندر زيد]

أتمنى لك التوفيق @ تقبل مروري
.........................................
...................................
............................
.....................

[ثناء حاج صالح]

أنا بعرف كلامك من جمـالو ..

من نبرة الحق بتفصيلو واجمالو

سيّـر حبيبي بالبيدا ....جمالو

بلكي بيسمعو شيوخ الا عراب

[ثناء حاج صالح]

مَشـــاهد موتنا كلها مَشـــاهِـد

والـدم ســايل والعالـم مُشــاهِد

والقصف نازل والشايف ما شاهِد

شبعنا حكي ..وبالدم شَبّعنا التراب

[ثناء حاج صالح]

شوقي إلك فجّر لي... عروقي

بحبك قلت قلتلي إيه.. روقي

ما بقدر روق وبقلبي حروقي

كيف بتطّلع بغيري ..يا كذ ّاب

[سمر محمد عيد]

مُرّة الحياة من بعدكم مُرّة
شربت ع غيابكم القهوة مُرّة
دقيت ع بوابكم مية مَرة
ماحدا منكم فتحلي الباااب

[ثناء حاج صالح]

حبيبي بنظرة عيـونـو أسـرني

حكالي كلام فرحني وسـرني

ومادام بقلبو خباني وسـرني

أنا ما بوح بسرو ليوم الحساب

[سلمى رشيد]

رجعت سمر تتحيي العتابا
صبية بالأخضر زينت ورقها
وثناء كحلت ورقها
وكتبت لأقلام احلى الكلام

طبعا هدا لا شعر ولا عتابا بس تعبير عن الفرح بهذا التواجد الأجمل ..
وينك يا فخري وين العتابا
جينا تنعاتبك على فراقنا

[ثناء حاج صالح]

يا سلمى رشيد يا بنت الأصايل

العتابا سجال بالميدان... صايل

إذا فخري وسمر ركبوا الأصايل

أيه بدها ثناء كتير تا ترد الجواب

[سمر محمد عيد]

عيوني بشوفتكم رح كحل عيوني
أحلى وأغلى منكم ماشافت عيوني
لأجلكم بترخص روحي وعيوني
فدا حضوركم يا أغلى الحباب

[سلمى رشيد]

يسعد مسا العتابا الحلو

ويسعد مسا الصبيتين سمر وثناء

هاي عتابا منقولة

بتطربني الربابة ودق ع الناي

بشجيلي فؤادي الضرب ع الناي

يا شايف صورتي تقول عناي

عود وميّلو ريح الشتا

[فخري فزع]

المشاركة الأصلية كتبت بواسطة سلمى رشيد

وين العتابا ووين أهلها ..
نامت ولا بتنكتب على مهلها ..
وينك أخي فخري ووينك يا سمر ...
مساء الأوطان الأجمل

العتابا القلب ينبض يرتج لها
بـثـواني لـو أدندن أرتجــلها
المسافة براح وأمشي وأرتجلها
تعطر ناظري برسم الحباب

[فخري فزع]

يهل الفجر يا إخواني وسمر مر
حبارى متكتكة وغيرا سمرمر
عنب عشفاف كرمتها سمر مر
بحلقي وأشعل بصدري اللهب