حشيش أردني..!

[قاسم المومني]

اخشوشن ..مصدرها اخشوشان ويأتيها حرف العلّة فيقلبها اخشيشان !
على وزن إفعلاّل !

إذا هيك اللغة الأم
عادي يعني نحكي بالأردني "هظولا" عن "هؤلاء!

[قاسم المومني]

[قاسم المومني]

بتعرفو كيف الأردني القُح بيحكي إنجليزي ؟
اليوم اكتشفت !
كنت بشتري فواكه مِن "بِكب" واقف ع جنب الشارع، فمرّت وحدة أجنبية و وقفت ومسكت حبّة "كاكا" !
الولد البيّاع طار عقله وصار يتحفتل حواليها وانعجق بمجرّد حضورها -مع انها عوّاية ع الآخر، بس خلص..أجنبية !
بتسأل عن سعر الكاكا !
الولد ما فهم إنها بتسأل عن السعر، فكرها غشيمة "كاكا" فانطلق يشرح لها فوائد الكاكا وطريقة أكلها، بالإنجليزي الأردني -بعد أن نعّم نبرة صوته بطريقة بلهاء-:
" هاد كاكا..كتيير زاكي..شيلي قِشرة..كُلي جوّا..زاكي كتير" !
لم تفهم الأجنبية شيئاً، وهي ليست انجليزية أصلاً، بل آسيوية -صينيّة على الأرجح- !
قلت للولد : بس تروّح وتحط راسك ع المخدّة تنام، تذكّر كيف كنت تحكي انجليزي !
الولد انصفر !
صاحبه وقع عن الكرسي من الضحك !
حكيتله لا تزعل، أنا كمان مرّة حكيت لأجنبي "تفدّل" بدل "تفضّل" !
إنو هيك صار انجليزي أو إنو رح يفهم !

[سميرة جوهر]

[قاسم المومني]

المشاركة الأصلية كتبت بواسطة سميرة جوهر

بدلة الإعدام !
حنّا للصدّة وحنّا للردّة
وحنّا للسيف وحنّا للضيف..و للكيف !

[قاسم المومني]

[قاسم المومني]

[قاسم المومني]

[قاسم المومني]

اسكتو، مش تعادلنا مع الأراغوه !
يا عمّي صرنا فريق عالمي وأحرجناهم ع أرضهم
صحيح طزعونا ع أرضنا فايف زيرو، بس عااادي منّا ننغلب منهم، أمّا يتعادلو معنا ع أرضهم .. مؤامرة كونية
يعني لمّن الأراغوه كسرو بخاطر البرازلِه بالزمانات وفقسو 180 مليون برازيلي، ونيجي احنا المطوقعين نتعادل معهم ..فضيحة إلهم يعني
زَفّيناهم غاد
محنا حكينا .. مش قد المنسف لا تتفلسف
يعني ميزانية منتخب النشامى قلم قايم (مليونين" يورو) والأرغواني منهم لحاله لباله حقّه (20) مليون يورو !
هنا يكمن الديفرنت !
لكن المُافِت للنظر ومشعِل الخطر و مستنزل المطر هو تصريحات امبراطور الإعلام الرياضي الفذ "عثمان القريني" !
قال شو بيقول، أمُّه لكافاني -مش تطعيم، بعطي معلومه- فاتحه فرن !

[قاسم المومني]

إن شَرَّقَتْ مشمش و ان غَرَّبَتْ لوز

- مثل أردني تفاؤلي، يعني عندما تستوي الخيارات لديك .. فاي طريق سلكت شرقا او غربا .. لن تختلف النتائج كثيرا..يقابله المثل الأكثر تعبيراً : كيف ما شاحت لاحت !

[سعيد الأمير الشهابي]

يوه شو هالورطه ..دعينا لك بالسلامه ياخينا بجد لنو لوكنت بالرياض بجوز أخذك السيل
بس زمطت بريشك ..أمن مشوار حب على قولكن من الآخر ..
بس ياحبيب قلبي ..منيح أنك شملت ومابوقعت بحب طالبه بالجامعه ..لكان شفت الدني بشتي
شو ياشتي ..وراح أكيد تشاركك فيروز (رجعت الشتويه ) وأكسترا ..قواص ..طيخ طاخ ..
ماتشوف عينك ..راح تصير مباراة النشامي على ملاعب الجامعه وركلات ترجيح بالقناوي
منيح نسمع صوتك بجد الحمد لله عاسلامتك ..
بس تعرف آخر خبر عاجل وصل
هناك يافطة عند كل جامعه الطريق مغلق ..يوجد حفريات ..طمنا يا بن الناس
بس حفريات ولا دوريات ؟؟؟؟؟؟
بهنيكم بعودة المنتخب سالم غانم ويبدو ان المدرب نجح في وصفتو للنشامي
بعد ماقرؤا تحذير من أكل المنسف وطبوا في الزيت البلدي العجلوني وزعتر ضفه بري
وطابون أصلي مومني ..
ربك سلم ..المهم السلامه والسلامه غنيمه

[قاسم المومني]

المشاركة الأصلية كتبت بواسطة سعيد الأمير الشهابي

يوه شو هالورطه ..دعينا لك بالسلامه ياخينا بجد لنو لوكنت بالرياض بجوز أخذك السيل
بس زمطت بريشك ..أمن مشوار حب على قولكن من الآخر ..
بس ياحبيب قلبي ..منيح أنك شملت ومابوقعت بحب طالبه بالجامعه ..لكان شفت الدني بشتي
شو ياشتي ..وراح أكيد تشاركك فيروز (رجعت الشتويه ) وأكسترا ..قواص ..طيخ طاخ ..
ماتشوف عينك ..راح تصير مباراة النشامي على ملاعب الجامعه وركلات ترجيح بالقناوي
منيح نسمع صوتك بجد الحمد لله عاسلامتك ..
بس تعرف آخر خبر عاجل وصل
هناك يافطة عند كل جامعه الطريق مغلق ..يوجد حفريات ..طمنا يا بن الناس
بس حفريات ولا دوريات ؟؟؟؟؟؟
بهنيكم بعودة المنتخب سالم غانم ويبدو ان المدرب نجح في وصفتو للنشامي
بعد ماقرؤا تحذير من أكل المنسف وطبوا في الزيت البلدي العجلوني وزعتر ضفه بري
وطابون أصلي مومني ..
ربك سلم ..المهم السلامه والسلامه غنيمه

يوجد لي عدد من ابناء عم وعدد من ابناء خال بالإضافة لأخت وبنت أخت بيسكنو أحياء متفرّقة من الرياض !
عرضو علي يزبطوني بشغل هناك.. وما رضيت لأنه أعمالي ومشاريعي هون والشركات والمصانع يعني ..شايف كيف "خشمي بلش يطول" !
الحمدلله على سلامة الي فلتو وجيم أوفر للي ماتوا ..الله يرحمهم !
صحيح مبلي بالمطر، بس مش بالسيل..ما بطلع يعني ع السيل..بخاف يا عمّك !
الحفريات هاي تخصصنا بالأردن، وكمان المطبات، ما حد بيتفوق علينا فيها..
مليش ريش..نتفتلي ياه الله يحميها !
ديك متقاعد..بس بيجي ع بالي مرات أتعنطز بالكوكو كوكو !
وصّيت ع تنكتين زيت من عجلون، مسقط ماي هِد !
معدّل استهلاك الأردني 14 كيلو سنوي زيت !
يعني كل شهر كيلو وشحطة
يعني كل يوم كاسة شاي..مافي كنترول ولا كسترول، لهيك النشامي ملتنو..كانو مزيتين !