بسم الله الرحمن الرحيم
أخواني القائمين على منتديات أقلام أخواني أعضاء المنتدى
السلام عليكم ورحمة الله وبركاته
يسرني ويسعدني الإنضمام لهذا الكيان الجميل والرائع وهذه أول مشاركة لي وهي عبارة عن قصيدة كتبتها وأنشرها من خلال صفحات منتداكم الرائع وهذا مما يزيدني شرفا
المنازل
الشوارع سيل حزن وفيض من غيض المنازل
والمواجع والجروح ثياب سكان المدينة
يالمباني ياصناديق الذهب ماني بغافل
كم رحلت وكم سألت ولا لقيت اللي تبينه
أنظري لي نظرة العاشق وحتى لو مجامل
جامليني وأقبلي عذري ولو ماتعرفينه
وأن نظرتي لي بنظرات الجفا بعيون عادل
يمكن أغرق كيف أعيش بذل في بطن السفينة
ماحداني بالغياب المر كثرات المشاغل
كيف أقول العذر وانتي كيف مني تفهمينه
غصب عني يوم رحت وغصب عني يوم أجادل
وغصب عني يوم أعيد العذر خايف ترفضينه
بالتفاصيل أعذريني ماحدث من فعل فاعل
علميني ليه صمتك وين هاك الفرح وينه
كم ورى الجدران من غلب اليتامى والأرامل
كم ضمير يصارع الواقع بمبداه ويدينه
كم ورى نبض النوافذ من دموع أنثى تهامل
قلبها الطيب عناه الغدر واستلهم حنينه
كم مجاريح الهوى عضو على أطراف الأنامل
وأعترافك بالخطا مقرون باللي تخبرينه
وش يفيدك لو ينوش الهم مفرق كل جادل
جاوبيني وأعذرك لو عاشقك ماتعذرينه
ماعلى نزف الجروح أن كان مارضاه التنازل
والمنازل والقبور أحيان ماتفرق بعينه
الشاعر : عمر مطلق ( نزف الجروح )
تحياتي
27-04-2007, 01:31 AM
المنـــــــــــــــــــــــازل أول مشاركة لي
المواضيع المتشابهه
العرض الشجري