مشتاق

[علي السويدي]

ليه اشتاق؟
تقول اشتاق..
قديمه حيرة العشاق..
من ايام الحطب ..والنار..

من ايام ابونا ادم .. إلى يومك

بخوف وخاطر محروق..
تخطين الوله والشوق؟
كتبتيها ..
حروفك كل ابوها ذوق .
مقدّر لك .. مقدّر شي حصل لك صار

ذرفتي عبرة الاشواق
ذكرتي حيرة العشاق
واسرار تنكتب باوراق
وتفاصيل اللي حصل بالدار

أنا مثلك ..
ومثلي كلهم هالناس ...
كثير ابتلش واحتاس ؟
أخاف الناس والوسواس ؟
أشخبط وامسح حروفي
واحرّق أكثر اوراقي .

أبي أكتبلكم سرّي ؟
من عامين ..
ويمكن من ثلاث اعوام .
وانا معكم ؟
يجيني وقت يشغلني ..
واغيب ايام.
واغيب اسبوع .
وأحياناً أغيب اشهور .
لكن الشوق يرجعبي
واكتب واشرح اعذاري.....