هيو الفيس بوك

[عبدالكريم قاسم]

زجل
يا جيل يلي بتسمعلي وان ما اقنعتك اقنعني
مزرعتك ما بتنفني والمجموعة وااللايكات
--
كل واحد بعرف دلوعة بخليها مخدوعة
بروح بيفتح مجموعة ببدى في العالم اضافات
--
احنا نسينا الحصيرة وحكورة ستي وسيدي
وفي المزرعة السعيدة صرنا نحلب البقرات
--

صبحا الي صارت ختيارة بتدخل عالنت بشطارة
وبتحكيلك اسمي يارا وما بحب المعاكسات
--
الشب الي وضعه تعيس بفرغ كبته عالفيس
كل وحدة بدها عريس بتجوزها على الشات
--
والمتصور بالشباح بنشر الصورة وبرتاح
بقضيها للصباح يستنى بالتعليقات
--
يل صرت مبنج تبنيج وعامل ان حياتك بيج
الدنيا ما هي تهريج لا تجننا في البيجات
--
يا فيسبوكي يا عزيزة معرفتك لسه وجيزة
لا تكتب بالانجليزي والعربية احلى اللغات
--

ارحمنا يا فوتوشوب لمعثر خليته دب
خرب العشق وخرب الحب نخدعنا بشكل البنات
--
السمرة بتقلب شقرة والشفايف مثل الجمرة
بتصفي للبنت البشرة حتى تصبح ست الستات
--
واللهجة غيرناها ..لبنانية سويناها
بالانجليزي بلكناها وما بنعرف اربع كلمات ---

تغير كلام العرب وصرنا نحكي تيت وضرب
هاي ويو شط وشارب تغيرنا وصرنا طنطات
--
والمغرور بحاله ناديه ..كلمة ما بتفهم عليه
عالماسنجر بتلاقيه اسطورة خلف الكبسات
--
التعليقات المجنونة احمر لونك ابيض لوني
بين الملكي والكتلوني عالفيس بتحلى الطوشات -
--
والي بصدره هم ثقيل بصحى عالوحدة بالليل
بفتح فيسبوك وايميل بفضفض للامورات
--
والامورة بتعمل فلتة وبتحكي طناشر نكتة
يا كشيل راسك يا ستي ويا سيدي يا بو العكازات
--
الفسفوسي الشخصيى خفة دمه مش عادية
وبالنكت الجاهلية بتناغش تا يرضي البنات
--
والي وضعه ما هو زابط عالفيس بيقعد يخابط
صورة تامر حسني حاطط ومعبي الصفحة آهات
--
والي صورتها عالفيس بتبدلها بصورة لميس
بلكي بتوقع عريس وبتقله جيب الذهبات