كابوس

[مسعدالنحلة]

ــــ
ــــ
ــــ
ــــ
ــــ
ـــ
ــــ
ــــ
ــــ

كابوس

ـــــــــــ

كابوس فظيع صحاني من عز المنــــام

آل إيه ! مبارك رشـَّحُـوه يبقى الإمـــام

ويعود رئيس من تانـي وبنفـْس النظـام

وبدال ما يتحاكِم علـــى سنين الفســــاد

هيقعِّدوه ع الكـُرسي وبتعظيــم ســـلام

ـــــــــــــــــ

ويجيب نظيف من تاني وجمال والشريــــف

علشان يخلـُّوا الشعب مش لاقـــي الرغيــف

والعادلي يرجع تانـــي ( بالمَاسْك ) المُخيف

يقلِـْب كيــان الدوله ويطيح في العِبــــــــــاد

وشبابنا يرجــع تاني يُقـْعُد ع الرصيــــــف

ـــــــــــــــ

وسألت واحِــد مِــن لجـــــان الإنتخـــــــاب

إيــــه اللي خلـَّى ناس تصوَّت للغـُـــــراب

بعد امَّا خلـَّى مصر بتعُـــوم في الخــراب

وفلوله جاهزه بضغطه واحده ع الزنــــاد

قال لي عشان الشعب واخِد ع العـــــذاب

ـــــــــــــــــ

وادِي صراع السُلـْطه ولـَّع في البلـــــــد

وديابة المخلوع بتنهش في الجَسَــــــــــد

والشعب سلـِّم أمرُه ع الرب وسَجـــــــد

وقعــــد بيتفـــرَّج كأنـُّــه ع الحِيَـــــــــاد

وقصاد عنيه طاغي جديد تانـــى اتوَلـَد

ـــــــــــــــــ

واتسرسِبت بينـَّا جماعه من الفلـــــــول

إتقدِّمِت للإنتخاب حَسَب الأصُـــــــــول

كـــان النتيجــه إنـُّهُم نالــوا القـُبــــــــول

واليــأس دب بقـــوه ف صـــدور الولاد

والشعب نايم في العسل ، صابُه الخمُول

ــــــــــــــــ

وصحيت من الكااابوس على صوت الأدان

ولقيتني ماشي ورجلي راحت ع الميــــدان

والكـُـل كان مِسْتنــي رأى البرلمـــــــــــان

وكأننـــا واقفيـــن دقايِّـــــــــق للحِـــــــــداد

بعـــــد امَّا مات العدل واختل الميـــــــزان

ــــــــــــــــ

**********