منتديات  
نحن مع غزة
روابط مفيدة
استرجاع كلمة المرور | | طلب عضوية | التشكيل الإداري | النظام الداخلي 

العودة   منتديات مجلة أقلام > المنتديــات الأدبيــة > منتــدى الزجل والشــعر العــامي والنبـطي
تحديث الصفحة بتذكرك...............
التسجيل التعليمـــات قائمة الأعضاء التقويم

منتــدى الزجل والشــعر العــامي والنبـطي لطالما كان الزجل والشعر العامي قريباً لقلوب الناس و فكرهم، فله منا نصيب ...

 

مواقع النشر المفضلة (انشر هذا الموضوع ليصل للملايين خلال ثوان)
 
أدوات الموضوع تقييم الموضوع انواع عرض الموضوع
السابق المشاركة السابقة   المشاركة التالية التالي
غير مقروء 19-06-2010, 02:30 AM   رقم المشاركة : 1
معلومات العضو
محمد الرويضي
أقلامي
 
إحصائية العضو







محمد الرويضي غير متصل


افتراضي بتذكرك...............

بتذكرك.........بتذكرك
بتذكرك........بالعيد
بتذكرك لما كانون الحطب
يضوي لهب
ويقيد
بتذكرك
لما الشمس بعد العصر
تذبل قهر
وايطيح ليل جديد
بتذكرك لما القمر بلعبة قدر
يجمع حبايب ع السهر
ويجيب شوق بعيد
بتذكرك لما الزيتون يتعطر بعصرة ليمون
يلتف في خبزة طابون
وتموج فية الايد
بتذكرك لما السما
بلحظة وما
وشهاب من فوق ارتمى
بتنهيد
بتذكرك ...بيوم المطر
بدنة وتر
و احلام مليانه صور
يا بعيد
بتذكرك لما الربيع بيكتب كتابو
لما الورد يكبر على بابو
لما حسون بقفص ينده على حبابو
ويجرح التغريد
بتذكرك لما ولاد صغار
بلمه ع داير نار
وتحكي حكي ختيار
ونحلفك لتعيد
بتذكرك ...بتذكرك ...بتذكرك
بتذكرك بالسوق
مشمش عنب برقوق
بفنجان بن مهيل و مدقوق
بجدلة شعر مفروق
يا موج فكري زيد
بتذكرك يوم الغدا باقي عدس
وهلال عجبينك عبس
لما البصل لخضر خلص
عزرتو لعيد
بتذكرك لما الشتا مسد على ذراعو
لما الوطن تاه انقسم و اتمزع شراعو
لما السما نزلت غضب ع غزه و قطاعو
نيمتنا ......بتنكيد
بتذكرك خيال
بحطه عليها عقال
لما الحكي موال
عن خربطة لحوال
وتزيد بالتهديد
بتذكرك عنتر
ع حصانو بتمختر
بسيفين و بخنجر
و اشعار مع ترديد
بتذكرك زي طيف
نسمة عطر بالصيف
بجمعه حضرها ضيف
اصل الوفا تعويد
بتذكرك ...... بتذكرك .....بتذكرك
بتذكرك ............بالعيد


محمد عيسى الرويضي
حزيران 2010







 
آخر تعديل محمد الرويضي يوم 20-06-2010 في 08:50 PM.
رد مع اقتباس
 

« الموضوع السابق | الموضوع التالي »

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

الساعة الآن 02:59 AM.

مجلة أقلام الثقافية - الأرشيف - بيان الخصوصية - الأعلى

Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط