|
|
|
|||||||
| منتــدى الزجل والشــعر العــامي والنبـطي لطالما كان الزجل والشعر العامي قريباً لقلوب الناس و فكرهم، فله منا نصيب ... |
| مواقع النشر المفضلة (انشر هذا الموضوع ليصل للملايين خلال ثوان) |
|
|
أدوات الموضوع | تقييم الموضوع | انواع عرض الموضوع |
31-05-2009, 07:42 PM
|
رقم المشاركة : 1 | |||||
|
مطار لأسراب الطيور
حاسس وجودِك فى الضلوع نابض شايف لـُقاكى حلم فى عيونى و مافيش بلاد تفصِلنى عن روحى عمَّال ادَوَّر كل يوم على سِكـِّتِك يمكن الأيام ما حتكـَفـِّيش .. .. لكِنـّى كل يوم فى رحلتى حاسس انى باتولِد البُعد طال .. و ما عُدتش اتحمِّل إروينى شوق اذا كـُنـَّا حنكـَمِّل أصل الحكاية امَّا ابتدِت .. ليها العَجَب !! و الظاهر انـِّى حاستمِرّ كتير .. هنا ع الشط قاعِد ..أبكى و اتأمِّل ما اعرفش ليه النيل حزين يمكن عشان .. عينِك ما بتطـُلـِّش عليه ؟ و الليل ..باشوفه ليه ذليل ؟ يمكن .. لأنـِّك كنتى أجمل ما فْ سَماه ؟ عمَّال يبَعْتـَر فى النجوم و لا فيش قمر حتى الغيوم مِتكسَّره !! عارفه السَّما و النيل ؟ صـُحابى .. و ما كانش شىء يحجبنى عنـْهـُم كانت ليالينا بتِقدر تِتـْوصِل مع بعضها رجليـََّا واخدانى على أقرب مطار باستنـَّى سرب الطير يعود من هِجرتـُه باستنى بنت حتِتـْولِد و انا حتى مش ضامن ميلادها و لا حاقدر ادخل سِحرها ليه يا قـَدَر دوَّخْتِنى ؟ دا انا كنت داخِل لك .. عَفِى دِلـْوَقتى ..حاسِس ..باختِفى 12/12/2008 |
|||||
|
|
|
العرض الشجري