هذه محاورة موشّح بيني وبين زميل لي من سوريا اسمه ناصر، لم نتمّها، لكني أوردها لكم.
[hr]
شفتك وحكينا نتفة
وقلتي بتنعاد
ما بدّي شوفك صدفة
اعطيني ميعاد
********
شفتك صدفة وحكينا
بهاك المشوار
وطارت دنيتنا فينا
والدنية نهار
كنتي كتير تزورينا
لـِـمْ كنا صغار
كبرنا، ويا ريت بقينا
بالعمر ولاد
*******
وما بدّي شوفك صدفة
اعطيني ميعاد
وما بدي شوفك صدفة
اعطيني ميعاد
*************
حلوة وعا خدّك نابت
ضمة أزهار
وبراسي شعوري شابِت
وهلّت لِقْمار*
سْحَرتيني براسي دارِت
منّك أفكارْ
متلك ما وحدة جابِت
من سبع اجداد**
*************
وما بدي شوفك صدفة
اعطيني ميعاد
وما بدّي شوفك صدفة
عطيني ميعاد
بـَـعـْـدك ببالي بـَـعـْـدك
يا بنت النور
سهران وناطر وعدك
قلبي المقهور
وحتى ولو طوّل بـُـعـْـدك
وطالت الشهور
ما ممكن إهوى بـَـعـْـدك
ولو عمري انعاد
وما بدّي شوفك صدفة
عطيني ميعاد
وما بدّي شوفك صدفة
عطيني ميعاد
الليلة شفتك بيحلمي
وِبـإيدك كاس
وقرّب تمّك عا تمّي
وشفافي باس
وعيت بسرعة من نومي
تاري يا ناس
بشوفا بحلمي وبوهمي
وعــا هالعدّاد
وما بدّي شوفك صدفة
عطيني ميعاد
17-12-2005, 03:22 PM
موشّح زجلي
العرض الشجري