جديد وهدان البرغوثي ( عتابا = موشح )

[وهدان البرغوثي]

عتابا

[poem=font="traditional arabic,7,darkblue,normal,normal" bkcolor="transparent" bkimage="backgrounds/15.gif" border="groove,7,tomato" type=0 line=0 align=center use=ex num="0,black""]
اذا بتعيني حتما بعينك = اذا استشهدت تحملني بعينك
على الخوان لا ترأف بعينك = خلي السيف يرقص ع الرقاب
جدي يا خيول المجد جدي = تحرر ارض بيي وارض جدي
بترول الكويت بترول جدي = من القدس ما يساوي ذرة تراب
بفرح بالشهيد ما بندم ع مالي = ولو جار الزمن و عيوني ع مالي
بحكي للعميل بكفى عمالي = اذا غضب الشعب قاسي بالعقاب[/poem]

موشح

[poem=font="traditional arabic,7,white,bold,normal" bkcolor="transparent" bkimage="backgrounds/10.gif" border="double,4,red" type=0 line=0 align=center use=ex num="0,black""]
سلوا رماح سلوا سيوف = على العدويني
قلبي ما بعرفش الخوف = اسد في عريني
قلبي برجف لما بشوف = الدم الفلسطيني
*** = ***
برجف قلبي دمي بفور = لما بشوف الدم بحور
بدنا الشعب العربي يثور = من بعد السكيني
*** = ***
الدم الاحمر القاني = اروى تربة اوطاني
ولي جرحني واذاني = طعني بالسكيني
*** = ***
سلوا رماح سلوا سيوف = شدو الزند و الكفوف
فلسطين ست حروف = تاج على جبيني
*** = ***
هاتوا سيوف هاتوا رماح = هاتوا عتاد هاتوا سلاح
حتى نبدأ بالكفاح = على الجبهة وديني
*** = ***
امك قالت مرة لأمي = همك يا اختي من همي
دمك بركب على دمي = بغذي شراييني
*** = ***
الدم الغالي بينزف = الاعمى والاطرش بعرف
لا يمكن امريكا تنصف = و حقوقي تعطيني
*** = ***
صرنا نكتب للقصيد = من دم الجرحى و الشهيد
اسمع مني تستفيد = من اشعاري و النشيد
*** = ***
لا بكرر ولا بعيد = فن جديد لحن جديد
عندي قدرة ع التجديد = بغني للشعر المفيد[/poem]

تأليفي و تلحيني

مع خالص مودتي
وهدان البرغوثي

[رانيا حاتم أبو النادي]

حروف من عبق الوطن الغالي
ومن لون الوطن الجميل
سلم اليراع أخي الشاعر
ولا تحرمنا الجديد

تحيتي

[جمال دلة]

تحياتي للشاعر الملتزم حسن وهدان


برينا سهام إسال من برىلنا
لكل شاعر بيحرز منبري لنا
العتابا بكل ساحة منبرلنا
تقلدنا ميداليـــّة ذهب

العتابا امواجها طوفان جاري
على مجاراتها ان قدرت جاري
المعرّي معلمي وجرير جاري
سعيد مجاور اركان الادب

لساني ان حبّ يتطاول منعتو
تأحفظ موقعي وأضمن منعتو
ما بنعت جاهل بجهلو منعتو
على جبينو بلا نعت انكتب

[عبدالستارالنعيمي]

يخوفي الزين ناسي ايام ودنا
وهو اقرب لنا من الروح ودنى
هوى ايلول على عمان ودنة
ازرعنا ورد بدرب الاحباب

اهالينا الزمن عالصد حداهم
وعمرنا ماسمح نمشي حداهم
يريح ان كان لامستي حداهم
بوسي الخدود وحضني رقاب

من العتابا العراقية مع التحية

[جمال دلة]

الاخ عبد الستّار النعيمي
اسمحلي ومن لطفك
اهالينا الزمن عالصد حداهم
وعمرنا ما سمح نمشي حداهم
يا ريح ان كان لامستي حداهم
بوسّي الخدود وحضني رقاب

ان كان البيت من نظمك استاذ عبد الستاّر
ارجو ان تكون القفلة وهي الشطر الرابع من بيت العتابا
بوسّي خدوهم وحضني رقاب
وبالنص الاول حسب الكتابه ارجوك سامحني البيت مكسور بالقفلة

الشاعر جمال الدلة

[عبدالستارالنعيمي]

الاستاذ\جمال دلة

تحية لك مع التقدير
الأبيات منقولة حسب ما وجدتها بين الكتب وللأمانة نقلتها نصا رغم ما احسست فيها من كسور
شكرا لكم وارجو تصحيحها كما ترون