حشيش أردني..!

قاسم المومني · 27-09-2013, 12:09 PM

عزيزي الأردني اضحك...بكرا الضحك بيغلا !

قاسم المومني · 27-09-2013, 12:13 PM

ما حدن أصلاً بيعيش الدور زيّنا !

مطلوب وعاجل :
نائب للمجلس النيابي القادم يجيد الشتم والصفع والهوشة , ويتمتع بالقدرة على إطلاق النار من على بعد , الأولوية لمن يحمل الكلاشنكوف , لا تشترط الخبرة المهم النية موجودة..
ملاحظة : الحصانة مؤمنة .

قاسم المومني · 27-09-2013, 12:18 PM

بعدين الأسماء تدل عندنا على المسميّات بشكل عجيب !

قاسم المومني · 27-09-2013, 12:20 PM

ولدينا قناعات ثابتة !

قاسم المومني · 27-09-2013, 12:49 PM

وعندنا الديك الفصيح من البيضة بيصيح !
في هيك بفرنسا ؟
عجزت الفرنسيات أن يلدن كأطفالنا !

قاسم المومني · 27-09-2013, 12:52 PM

ونحن عُشّاق بالفِطرة..يعني بننولد نحكي شِعر ونحفر قلوب حب ع الشجر
وتعريفنا للحب فريد :

قاسم المومني · 27-09-2013, 12:56 PM

حتى مسلسلاتنا التلفزيونية..مِن المهد إلى اللحد نفس المسلسلات !
كيف يا عمّي ..ثبات ع الموقف !

قاسم المومني · 27-09-2013, 12:59 PM

التطور السياسي التربوي أيضاً في خطتنا :

سميرة جوهر · 21-10-2013, 02:36 PM

عنا في الأردن احنا لافاهمين الحياة ولا الحكومه ولا الشعب .. ياريت يغيروا المنهاج.

سميرة جوهر · 21-10-2013, 02:42 PM

بنتفشش مو أكتر..!!

قال كيلو الجوافه بـ 3 ليرات ونص

والبطاطا ام الوسخ بـ 85 قرش

و الخيار بـ ليره و بريزه

و عنب سايخ بـ ليره ونص

و البندوره البندوره يا عالم بليره و عشرين قرش

* اسعار أوروبيه و العيشه صوماليه

سررت بالمرور من هنا اخي قاسم ..شكرا لروح المرح التي تبثها بالمكان..
تقديري

قاسم المومني · 22-10-2013, 03:21 AM

اقتباس:

المشاركة الأصلية كتبت بواسطة سميرة جوهر

بنتفشش مو أكتر..!!

قال كيلو الجوافه بـ 3 ليرات ونص

والبطاطا ام الوسخ بـ 85 قرش

و الخيار بـ ليره و بريزه

و عنب سايخ بـ ليره ونص

و البندوره البندوره يا عالم بليره و عشرين قرش

* اسعار أوروبيه و العيشه صوماليه

سررت بالمرور من هنا اخي قاسم ..شكرا لروح المرح التي تبثها بالمكان..
تقديري

سرّكِ الله وأقرّ عينكِ أختي المُكرّمة بكل الخير والبركات .
ـــــــــــــــــــ
ذكّرتيني بسوق الحراميّة بإربد
قال أنا شاد ع حالي ومفكّر إنّي فهلوي، فصّلت ابواب ألمنيوم داخلية لبيتي بكلفة 680 دينار..
نسيبي نَتَع خمس ابواب خشب في باصه "الكيا بِستا" من سوق الحرامية بـ 60 نيرة بس، ومش هيك بس..شبك الحماية جابه بتراب المصاري !
حرق راسي بهالسالفة !
بس عملت إنه أنا زلمة فنقري وفشخرجي وما يهِم الفلوس، المهم الكوَلتي ..!
عاد بدّي أعيط من القهر
وع سيرة الخضرة، امبارح بدنا نعمل قلاية بندورة نتعشى بالشغل، ما أنا حالياً دوامي آخر الليل مناوب، فبنتسلّى بدل ما نضل جوعانين ..
المهم : 3 بصلات وسط بستين قرش..كيف لو سكر زيادة !
ومش حاب أحكي عن البندورة والفلفل لأني بلشت أجوع والله، ومش حاسبين الليلة نتعشى سوا.. مفيش غير كعك وشاي !

قاسم المومني · 22-10-2013, 03:02 AM

اقتباس:

المشاركة الأصلية كتبت بواسطة سميرة جوهر

عنا في الأردن احنا لافاهمين الحياة ولا الحكومه ولا الشعب .. ياريت يغيروا المنهاج.

آه كل ما فهمنا الحياة بتعمل أب ديت !
بدك نصيحتي الفنيّة أخت سميرة :

معلقة عسل كل يوم بتغني عن زيارة الطبيب
وتفاحة كل يوم، تفاحة واحدة يومياً، كمان كفيلة بأن تبعدك عن الطبيب

فما بالك بمعسل تفاحتين !!

غير واحدنا يصير دكتوووور