قلَّلا ياأمِّي طوَّلِ اغْيابو

[زاهية بنت البحر]

[align=center]
رأيته فتى في الرابعة عشر ة من العمر كان وجهه مشرقاً وهو يحدثني عن والده المهاجر وهو ينتظر عودته خلال أيام من غربة جعلته وأمه بشوق كبير لسيد البيت ,كان مشرقاً بالفرح وبعد عشرين يوم زرتهم فرأيت القمر الذي كان يبتسم بالأمل ويشرق لسعادة بخبر عودة أبيه قد ذبل ضياؤه ,وارتجفت يداه, والتصق جسده النحيل بفراش المرض0
سألت والدته عن سبب هذا التبدل المفاجىْ في صحة الفتى, فأخبرتني بأن والده قد تزوج من أجنبية ويعتزم البقاء معها في دار الغربة فأصابته حسرة وحرقة. راعني ماسمعتُ ومارأيت من حال الفتى المسكين الذي قد يقضي عليه حزنه فكانت هذه الزجلية0[/align]
[frame="1 70"]

[poem=font="Simplified Arabic,4,darkblue,normal,normal" bkcolor="sienna" bkimage="./images/backgrounds/11.gif" border="ridge,4,darkred" type=1 line=0 align=center use=sp num="0,black"]

قلَّلا ياأمِّي طوَّلِ اغْيابو=معقولْ بيِّي ينسى أحبابو؟
من مدِّي صَرْلو مابَعتْ مِرسَالْ=ومامنُّو إلا ريحةِ تْيابو

يامِّي قميصو معلَّقِِ وْناطِرْ=عمْ يسألِ بصمتو عنِ الهاجرْ
محتارْ مثلي وعا البعدْ حاسرْ = قولِكْ ياإمِّي حَسّْ بِمصابو؟

بشوفِ الوردْ هازَّرْعِتو إيديه= بجنينتي وبحِنْ يامِّي عليهْ
سقيتوا بإيدي وبُوَّسِتْ خدِّيهْ= مسكينْ عم بيهر عا ترابو

مشتاقْ يامِّي بُوسْ ديَّاتو= وصبِّح ْعيوني بنورْ بَسماتو
دَخلَكْ ياألله ماحْلى طلاتو=بتذكَّرو لمَّا عا غفلي بلمحِ اصحابو

يامِّي اغزلي بمغزالْ كلماتِك إلو مرسالْ= واحكي لو عن أوجاع طفلِ زغيرْ مابتنقالْ
قولي لو قلبِ زغيَّرك صاير بأصعبْ حال= يابتلحقوو يامَّ الدَّمع حا يسكِّرِ اهدابو

احكي لو يامِّي وطّوِّلي المكتوبْ=بلكي بيرقِ ا شوي هالمحبوبْ
ماعاد فيني حيلْ عمَّا دُ وْبْ=قولي لو إبنك قرَّبِ اغيابو

مابدِّي منو مالْ يسعدني=ولابدي منُّوهديِّه تفرحني
هوي لوحدو بسْ مِستني=قولي لو عجِّلْ دقّ عابوابو

مشغووول بالي عليه شو مشغوول=وياخوفي لو كانِ البعدْ حا يطوولْ
بعدي ياإمِّي زغيَّرِومسؤوولْ =إبقى أنا الرِّجالْ بغيابو

بفرحْ ياإمِّي بس يتبسَّم= ومابريدو مرَّه بهلْ عمرْ يِئلَمْ
لَك كيفْ قادرْهوِّي يتعلَّم=ينسى الحبيبِ العمرو عاحسابو

ناسيني؟!مابصدِّق قِدِرْ ينسى=ولاجابْ قلب ِجديد تايئسى
منْ دمّ شريانو إلي حصَّه =من بعضنا هوِّي وأنا والبعدْ شونابو؟

كرمالْ ألله ماتقولي لو= حتى مايبكي متلي بليلو
لكن بهمسةْ حب نادي لو= بلكي اليمام بترجعْ سرابو

حطِّّي بقلبْ مكتوبنا ورقةْ زهرْ=بيشمّ فيها حبنا الكلُّه عِطِرْ
وبتحملو النسماتْ عاجوانح فجر= جايبْ معو المكتوبْ وجْوَابُو

إنْ جانا يامِّي رجِّعي البسماتْ=وان ما إجا طفلكْ حبيبكْ ماتْ
أوعي ياإمِّي تْرخّصي الدَّمعات= خليه يبكي الدَّمْ بمصابو

لوما الحيا مابقولْ عندي بَيّ= إن كان ناسيني ياإمِّي شويْ
وحدي ياإمي طفلْ والله خطيْ= وهوي مع الخلانْ وصحابو

بدِّي أملْ بدي ندى بدِّي وعِدْ =بدي دفا يحميني من ليل البرِدْ
وان متّْ يامِّي خلِّي قبري بالجِرِدْ= تايشهِِّدِ كوانينْ عاغيابو

سكّيِنتو هلْ غارِزا بقلبي = مسنوني يامِّي اسما المحبِّي
ياريتْ فيني إءسى ياربِّي=تارجِّعِ السِّكين عا قليبو
[/poem]
[/frame]

شعر

بنت البحر

يكفيكم فخراً فأحمد منكم ***وكفى به نسباً لعزِ المؤمن