يا حمام السمسمِيَّه

[د. حورية البدري]

[frame="2 80"]

يا حمام السمسمِيَّه
فين أغانيكْ الشَجِيَّه
اللي قالها البورسعيدي
والغريب في سويس بلدنا
ياللي غَنَّيت الأغاني م الصعيد لاسكندريَّه
فين أغانيك الشَجِيَّه ؟! 00
...
فين غُنا الكابتِنْ غزالي
اللي نوَّرْ للساويسَه
لَمّا طَفّى النور صهاينه 00
نور كلامُه لِسَّه بينَوَّرْ قُبالي
في فلسطين والعراق اولاد بلادنا
قالوا فين رَفِّة جناحَكْ 00 يا حمام السمسميَّه ؟
فين ولاد الأرض ناسَكْ
والأغاني
ليه ما بِتْرُدِّشْ عَلَيَّه ؟
...
صوت حماس الحُرْ جاني
يسأل الدنيا اللي ع الغلبان عَفِيَّه
عن حمام السمسميَّه
ليه غريب في بلاد أبِيَّه ؟
واللي مادِد فرعُه شوك طالِعْ شيطاني
ضَلِّمْ الدنيا ف عِنَيَّه
...

يا حمام رَفرَفْ علينا
رَجَّعْ الأحلام إلينا
واحنا – رغم الجَرْح فينا –
لا نلاقيكْ بالسمسميّه
عود لأرواحنا الشراقي
واوعى تتأخر عَلَيّه


[/frame]

[عيسى عدوي]

المشاركة الأصلية كتبت بواسطة د. حورية البدري

يا حمام السمسمِيَّه
فين أغانيكْ الشَجِيَّه
اللي قالها البورسعيدي
والغريب في سويس بلدنا
ياللي غَنَّيت الأغاني م الصعيد لاسكندريَّه
فين أغانيك الشَجِيَّه ؟! 00
...
فين غُنا الكابتِنْ غزالي
اللي نوَّرْ للساويسَه
لَمّا طَفّى النور صهاينه 00
نور كلامُه لِسَّه بينَوَّرْ قُبالي
في فلسطين والعراق اولاد بلادنا
قالوا فين رَفِّة جناحَكْ 00 يا حمام السمسميَّه ؟
فين ولاد الأرض ناسَكْ
والأغاني
ليه ما بِتْرُدِّشْ عَلَيَّه ؟
...
صوت حماس الحُرْ جاني
يسأل الدنيا اللي ع الغلبان عَفِيَّه
عن حمام السمسميَّه
ليه غريب في بلاد أبِيَّه ؟
واللي مادِد فرعُه شوك طالِعْ شيطاني
ضَلِّمْ الدنيا ف عِنَيَّه
...
يا حمام وحياة نبينا
تِلْتِفِتْ وتعود إلينا
واحنا – رغم الجَرْح فينا –
لا نلاقيكْ بالسمسميّه
عود لأرواحنا الشراقي
واوعى تتأخر عَلَيّه

[frame="6 80"]
[poem=font="Simplified Arabic,6,,normal,normal" bkcolor="transparent" bkimage="" border="none,4," type=3 line=0 align=center use=ex num="0,black"]
الحمام رفرف وطاير
جاني قبل المغربية
رفته شغلتلي بالي
رفه.. لحن الفيها صافي
ومش غريب والله عليه
رفه بتذكرني تاني... بورسعيد والسمسمية
بورسعيد والشعب صاحي
تحت ضرب المدفعية
يوم ما كنت أحمل سلاحي
وادفع الواجب عليه
وجول جمال كان مثلي واقف
وأهلي في القدس وسوريا
والعراق كان نار بتغلي
والقلوب خافت عليه
وربنا عانني عليهم ..والقنال عادت بتاعي
والغنا من يومها يحلى
و ف وداني النصر دايما
لحنه صافي
مرتبط بالسمسميه[/poem]


ألأخت الكريمة حورية .... الله عليكي ..أعدتينا لأيام السمسمية ..وبورسعيد ...وأحلام النصر ... الله يسامحك[/frame]

[د. حورية البدري]

الحمام موجود تمَللي
والغُنا
والسمسميَّه
يِحْيي روح الحُر00 تِصْبَحْ
- بين عَذابُه - مَدْفعِيَّه
مهما مَد الغَدْر إيدُه
عَزمِنا حتماً يِعِيْدُه
وبتضامُننا نزيدُه
قَهْر 00 والدُنيا بَهِيَّه 00
يوم ما نِعْرَف فين حقوقنا
فين طريقنا
والعَدو مِنْ بين صديقنا
نِبْقَى قوَّه عالَمِيَّه

يا حمام رفرف علينا
غَنّي ويّا السمسميَّه

***

أخي الفاضل عيسى عدوي
أحلام النصر في قلوبنا
وربنا يلهم كل العرب التضامن والسداد

وانا إن كنت اسكندرانيَّه ؛ فأبي وأمي والعائلتين من بورسعيد

دمت بخير وسلامة
وصباح مبارك

[عيسى عدوي]

المشاركة الأصلية كتبت بواسطة د. حورية البدري

الحمام موجود تمَللي
والغُنا
والسمسميَّه
يِحْيي روح الحُر00 تِصْبَحْ
- بين عَذابُه - مَدْفعِيَّه
مهما مَد الغَدْر إيدُه
عَزمِنا حتماً يِعِيْدُه
وبتضامُننا نزيدُه
قَهْر 00 والدُنيا بَهِيَّه 00
يوم ما نِعْرَف فين حقوقنا
فين طريقنا
والعَدو مِنْ بين صديقنا
نِبْقَى قوَّه عالَمِيَّه

يا حمام رفرف علينا
غَنّي ويّا السمسميَّه

***

أخي الفاضل عيسى عدوي
أحلام النصر في قلوبنا
وربنا يلهم كل العرب التضامن والسداد

وانا إن كنت اسكندرانيَّه ؛ فأبي وأمي والعائلتين من بورسعيد

دمت بخير وسلامة
وصباح مبارك

[poem=font="Simplified Arabic,6,,normal,normal" bkcolor="transparent" bkimage="http://aklaam.net/forum/images/toolbox/backgrounds/17.gif" border="double,4," type=3 line=0 align=center use=ex num="0,black"]

الحمام موجود صحيح...
والغنا والسمسميه...
لكن الغصه بقلبي ...هيه هيه

بالع السكين وساكت
والهموم زادت عليه ...

من زمان ... كنت أما أنادي
ألقى كل الخلق عندي ...
والقلوب ردت عليه ..
.
لو بكى في البصره ..عيل
تبكي لأجله اسكندريه

لكن المشهد صدمني
لما شفت الأمه وقفت
ساكته تتفرج عليه
والعدو ياكل في لحمي
والمواكب رايحة جايه

والحمام رفرف ع راسي
بص بصه ...ورف تاني

من بعيد ..سمعت وداني ...
لحن جاني وكنت ناسي

لحن يشبه في حلاوته ...
بورسعيد ..والسمسميه ...

كنت بحلم ..
لكن النزف في عروقي
خدني تاني
للتراب اللي عشقته
وارتميت فوقه بكياني

يا حمام رفرف وسيبني
لو تشوف.. اللي باعوني
وتاهوا في الدنيا ونسوني
قلهم ...مات بس صاحي ...كان بيحلم
بالمواكب جايه عامره ..بالغنا ..والسمسمية[/poem]

[د. حورية البدري]

ليه حزين يا ابو قلب صافي 00
ع اللي كنت فاكرُه صاحِبْ
والتقيته ف وقت شِدَّه
مِلْتِفِتْ عَنَّكْ 00 مِجافي 00

هوّ ده طبع الديابه
لمّا تِلْبِسْ وِشْ دافي
وامّا تلج الدنيا يسقط
ع الوشوش ؛ يكشِف حقايق
ساعة المِحْنه 00 ف دقايق
تكتشف كل اللي خافي 00

وِش بارِد للمُنافِق
قلب بارِد
والكلام زايف
ولكن 00
رغم سوء الحاله تؤمن 00
إن سوءها 00 ده الحقيقي 00
يمكن افضل ألف مَرَّه
من خِداع
والحق شافي 00

إنسى أحزانك وواصِل
غنوتك ع السمسميّه
راح يجيك أصحاب تِعَوَّض
كل أحزانك في ثانيه
لو يكونوا اصحاب حقيقي
يقتدوا برسولنا دايماً
والكلام اللي بيُعْلَنْ
تلتقيه مش كدب رسمي
وف ساعِتها تقول أغاني مش حزينه

يا حمام السمسميّه
يا اللي بترفرف عليّه
إنسى حُزني
واللي شايفه في عِينيّه
مش دموع حزن وأسِيّه
وان تجينا
كل يوم يبدأ نهارنا
نبتدي معاه بســـم ربي
نتبع سنّة نبينا
بالأمل أحزاننا تِهدى
والصحاب يمكن يزيدوا
يا حمام السمسميّه
صُحبِة الأخيار عَفِيّه
بس لمّا نلتقيهم
بارِك الصُحبه وغنّي
حلم أيامنا اللي جايّه

***

دمت بخير أخي الفاضل عيسى عدوي
ودام إبداعك الجميل

تحياتي

[عيسى عدوي]

المشاركة الأصلية كتبت بواسطة د. حورية البدري

ليه حزين يا ابو قلب صافي 00
ع اللي كنت فاكرُه صاحِبْ
والتقيته ف وقت شِدَّه
مِلْتِفِتْ عَنَّكْ 00 مِجافي 00

هوّ ده طبع الديابه
لمّا تِلْبِسْ وِشْ دافي
وامّا تلج الدنيا يسقط
ع الوشوش ؛ يكشِف حقايق
ساعة المِحْنه 00 ف دقايق
تكتشف كل اللي خافي 00

وِش بارِد للمُنافِق
قلب بارِد
والكلام زايف
ولكن 00
رغم سوء الحاله تؤمن 00
إن سوءها 00 ده الحقيقي 00
يمكن افضل ألف مَرَّه
من خِداع
والحق شافي 00

إنسى أحزانك وواصِل
غنوتك ع السمسميّه
راح يجيك أصحاب تِعَوَّض
كل أحزانك في ثانيه
لو يكونوا اصحاب حقيقي
يقتدوا برسولنا دايماً
والكلام اللي بيُعْلَنْ
تلتقيه مش كدب رسمي
وف ساعِتها تقول أغاني مش حزينه

يا حمام السمسميّه
يا اللي بترفرف عليّه
إنسى حُزني
واللي شايفه في عِينيّه
مش دموع حزن وأسِيّه
وان تجينا
كل يوم يبدأ نهارنا
نبتدي معاه بســـم ربي
نتبع سنّة نبينا
بالأمل أحزاننا تِهدى
والصحاب يمكن يزيدوا
يا حمام السمسميّه
صُحبِة الأخيار عَفِيّه
بس لمّا نلتقيهم
بارِك الصُحبه وغنّي
حلم أيامنا اللي جايّه

***

دمت بخير أخي الفاضل عيسى عدوي
ودام إبداعك الجميل

تحياتي

ورده بيضا ....غنوتين ...مليون تحيه
للي جايه
من دموعي تنتشلني ..
وبكلامها الحلو ..بتطبطب عليه
صوتها دافي ..والحنان من قلب صافي
فات لقلبي ..وفي ثواني
كانت الدمعه في عيني تبخرت
والنفس هديت وارتوت ...
والروح في لحظه استبشرت
.صارت ملامح غنوه تسري وابتدت
والمستخبي في القلوب سره
إنكشف ما عادش خافي
سكت اللسان ..لما العيون اتكلمت ..
عرف ان دوره ..عندها ما عادش كافي!!!!

[د. حورية البدري]

حلم بيرَفرَف يوماتي
يِبْدَأ اليوم بابتسامه
تِنْسَى أفكارنا المآسي
لو ثواني

حلم إن بلادنا تصبح يّد واحده
دي الديابه تاكُلْ الغَنَمَه اللي شارده
من هنا ؛ حلم الديابه يفَرَّقونا
واحنا أحلامنا في سوق عربيّه واحده

لو قلوبنا / قلب واحد
واللي يجرَح حَدْ فينا ؛
يؤلم الأخ المُصاحِب
في العروبه
والتضامُن
وبكِدَه الديب ح يِخْسَر
وف بلدنا عُمْرُه ما يستنّى آمِنْ 00

***

دمت بخير أخي الفاضل عيسى عدوي
ودام إبداعك وحضورك الجميل

تحياتي

[عيسى عدوي]

المشاركة الأصلية كتبت بواسطة د. حورية البدري

حلم بيرَفرَف يوماتي
يِبْدَأ اليوم بابتسامه
تِنْسَى أفكارنا المآسي
لو ثواني

حلم إن بلادنا تصبح يّد واحده
دي الديابه تاكُلْ الغَنَمَه اللي شارده
من هنا ؛ حلم الديابه يفَرَّقونا
واحنا أحلامنا في سوق عربيّه واحده

لو قلوبنا / قلب واحد
واللي يجرَح حَدْ فينا ؛
يؤلم الأخ المُصاحِب
في العروبه
والتضامُن
وبكِدَه الديب ح يِخْسَر
وف بلدنا عُمْرُه ما يستنّى آمِنْ 00

***

دمت بخير أخي الفاضل عيسى عدوي
ودام إبداعك وحضورك الجميل

تحياتي

[frame="2 80"]
كل احلام الصباح والليل تملي
تبقى حلم ..يمر بينا ...في ثواني
والأمور تمشي وننسى ...والحياه
والشمس طالعه ..تسرق الحلم ف عينينا
والنفوس لساتها خايفة ..من الديابه
ترجع لنا بشكل تاني ...
إمتا نكبر ع الجراح اللي ف قلوبنا
إمتى نصحا ...إيمتا نتوكل على الله
ونبتدي نشعر بإنا مش غنم ..يتخاف علينا
ولازم الراعي يقودنا ..وبالعصا برضه يراعينا ..
ولما يجي الذيب بيهرب ..
من بعيد ..ونشوف عيونه
قاعده تتفرج علينا...
واحنا بنواجه مصيرنا ..
محتاجين وقفه بشجاعه ..
مره واحده ...والديابه تحس بينا ..
تعرف انا مش غنم يتخاف علينا ..
عندها ...نعرف نفكر ..بالحياه
والحب
والحلم ف عنينا ...
يبقى طعمه ..حاجه تانيه ...
ربنا كاتبها لينا ...[/frame]

[إبراهيم محمد شلبي]

تحيّاتي لكليكما على هذا السجال الجميل، يوقظ فيّ شجنا لأماكن وأيام لم أعرفها وأحلم بمعرفتها.

دمتم.

[د. حورية البدري]

الغنم في حديثه / عيسى
كانت المؤمن وأهله
والديابه / كلنا عارفين طِباعها

وصف تاني وصفه عيسى للحواريين / صحابه
إنتوا ملح الله في أرضه ! 00
والعَجين عمره ما يصلح
إلا بالملح / يطِيْبُه

هيّ أوصاف
والحقيقه
ربنا يلهمها لينا

يبعِد الديب عن بلادنا
والعتامه عن عنينا

عتمة الضلمه بسيطه
بَسْ عتمتهم / ضلامهم / ده اللي يؤلمنا ان يجينا

***

دمت بخير أخي الفاضل عيسى عدوي
وأخي الفاضل إبراهيم شلبي
ودام إبداعكما وحضوركما الجميل

تحياتي

[عيسى عدوي]

المشاركة الأصلية كتبت بواسطة د. حورية البدري

الغنم في حديثه / عيسى
كانت المؤمن وأهله
والديابه / كلنا عارفين طِباعها

وصف تاني وصفه عيسى للحواريين / صحابه
إنتوا ملح الله في أرضه ! 00
والعَجين عمره ما يصلح
إلا بالملح / يطِيْبُه

هيّ أوصاف
والحقيقه
ربنا يلهمها لينا

يبعِد الديب عن بلادنا
والعتامه عن عنينا

عتمة الضلمه بسيطه
بَسْ عتمتهم / ضلامهم / ده اللي يؤلمنا ان يجينا

***

دمت بخير أخي الفاضل عيسى عدوي
وأخي الفاضل إبراهيم شلبي
ودام إبداعكما وحضوركما الجميل

تحياتي

والله عارف يا حوريه
الرموز والسر فيها
لكن البلوة الكبيره
حالنا ال بنمرفيها
الغنم صارت طباعنا ..
والشعوب ضحكت علينا
كل شعب ف كل حته
خد قراره ..والتزم مسرب حياته
ألا احنا ...واحده نايمه وواحده شارده
والعصا في ايد الجميع
ترتفع بس في عينينا ..

[د. حورية البدري]

ربِّ يِصْلِحْ حال بلادنا
والديابه تصير بعيده
والمظالِمْ لينا تِرْجعْ
أُمْنيه لله نقولها
وبأملنا فيه نصَدَّق
إنها ما هيش بعيده

يا حمام السمسميَّه
غيَّر الأحزان دهيَّه
خلِّي غنوتنا سعيده

***

دمت بخير أخي الفاضل عيسى عدوي

تحياتي