يا حضرة المُشير

[مسعدالنحلة]

ـ
ـ
ـ
ـ
ـ
ـ
ـ
ـ


يا حضرة المُشير

ــــــــــــــــــــــــــ

يا حضرة المشيــــــر .. العــدل لـُه ميـزان

وبحضور الشهـــــود .. حق الشهيد مُصان

شوف انت كام شهيد .. في ثورة الميــدان

والأهل من يوميهـــا .. في حالة احتِقــــان

لو قلت الحق يمكــن .. تبْرد شويه نارهـُم

والنوم يزور عيونهُم .. ويخزوم الشيطـان

ــــــــــــــــــ

جاي ليه في يوم شهادتك .. بتقــدِّم اعتــذار

وانت مبدأ حضـُـورك .. مالكش فيه خيـار

والعدل خــد قــرارُه .. ومصمِّم ع القــرار

إنـُه هتكون مُحاكمـه .. مفهاش أي اعتبـار

لواسطــه أو لكوسه .. أو راس عليها ريشه

أو أي شخص حتـى .. لـو كــان من الكـُبـار

ـــــــــــــــــ

العدل ف أصلـُه عادل .. والقاضي له ضمير

ما يفــرَّق بيـن صُغـَيَّر .. في السِن أو كبيـــر

وبتقديـــم اعتـــذارك .. عملت شيء خطيــر

وعطـَّلـــت العدالـــــه .. ومنعـــت عنها خير

ربك فرض الشهــــاده .. بالحـــق ع الجميع

ما فرَّق بيـــن مواطِـن .. كان مُعدم أو أميــر

ـــــــــــــــــ

وانت قمــت بشجاعــه .. وحميــت الثائريـن

يومها اخترت انحيازك .. وكـُنت بين نارين

واخترت تصون بلادك .. من سطوة جبَّارين

وقـُلت للغضنفــــــــَر .. إرحل مــن العرين

دي ثورة شعب طالب .. حقـُّه في الإختيــار

والجيش هيكون معاهـُم .. وبيحمي الجبهتين

ــــــــــــــــــــ

إنســـىَ إنك بتـُحْكـُــم .. يا حضرة المُشيــــر

دا اللي اختارك ولادك .. علشان تقوم تديـــر

شأن البــــــلاد لفتره .. بحكومه وكام وزيــر

وتعدى بيها فــورًا .. من منعطف خطيــــــر

نكون اختارنا ريِّس .. ومجلـِـس برلمـــــان

ونصيغ ديموقراطيَّه .. فـــي شكلها الأخيـــر

ـــــــــــــــ

دي مسئوليـه صعبه .. من أصعـب الأمُــور

ما تمنعشي امتثــالك .. للعـــدل بالحضـُــــور

دا شهادتك في القضيَّه .. إكليل من الزهــور

فوق راسنا وتبقى برضو .. وسام على الصُدور

ونقول مصر الجديده .. غير مصر من زمان

العدل فيهـــــــا قايِّــد .. شمـُــوع بتشع نــــور

ــــــــــــــ

أهل الشهيد هتشـْـعُــر .. بالراحــــه والسمــاح

علشان الإبن غالي .. وما كانش فطيس وراح

وبروحُـــه صـــار بلدنا .. العدل فيه مُتـــــاح

والأهل يوم شهادتــك .. هيحسُّـــوا بالأمـــان

وهيرجعوا لحياتهـُـــم .. ويضمَّـــدوا الجراح

ـــــــــــــــــــ

***********