رسالة غريب

[عصام مرزوق العويضى]

تعبت ملوحده
ومن السفر مليت
عايش حياتى وحيد
ومن الوحدة انا اتهديت
عايش ما بين المدن
غريب
والغربه خدتنى
من حضن احلا حبيب
سبتو ورحت بعيد بعيد
عشت حياتى وحيد وحيد
لا اخ جنبى يونسنى
ولا حتى جنبى حبيب
يا دنيه يا مفرقه الخل والصاحب
سيبانى عايش لوحدى
يوم مغلوب ويوم غالب
ويوم اتقلب على الجمر
ويوم ادوق ادوق لوحى المر
خلص يا دنيا خلص من جرابى الصبر
سبينى اعيش بقى حر
تعبت ملوحده ومن السفر مليت
حاسس انى عايش لوحدى فبيت
حطانو من دهب
وفراشو من جمر ولهب
حوليا اسوار حديد من نار
ومحدش مواسينى لاخ ولا اخت ولا حتى جار
نسيت الحب
وقلبى انا دفنت وبقيت عايش كما الاحجار
انفاس بتطلع وتنزل
ودقات قلوب البشر حوليا
بتصحى المواجع فيا
اتنهد لوحدى واقول
الغربه خدتنى
والايام واليالى عزبتنى
وبقيت من جواى انسان مقتول
يا دنيا لفى بقى واضحكى مره
ونسينى ليالى الغلب والحزن والحسره
نسينى فراق لحباب
وليلة فراق كانت غبره
يا دنيا لفى وبلاش تعاندينى
انا راجل اعرف ربنا ومتمسك انا بدينى
خدينى فوق بساط الريح ولحببتى ودينى
اشفها بس من بعيد ولشكلها اتامل
خلى روحى من بعيد عليها تلم
واقلها كلمه وحده
انا من بعدها بتالم
يمكن ترق وترجع
وتعرف انى فبعدها بتوجع
يمكن من ماضيها تتعلم