لأاا يا ظلم(انشودة الابطال)تحيه لكل الابطال

[رافت المصرى]

مش هنسلم و لا نتكلم
الا بقولة لأا يا ظلم
مش هنسلم و لا نتكلم
غير عن أجمل شىء فى الحلم

هنعيش نحلم نحلم نحلم
نصحى ننام على سيرة الحلم
لما الحلم دا يبقى حقيقه
و الحريه دى تصبح علم

احنا رجال الاقصى بواسل
عمر ف يوم ما هنرضى الحاصل
و لا هنسلم لأ هنواصل
يفدى الاقصى الروح و الدم

طول ما الجرح يا قدس ما لمش
يسقط الف شهيد ما يهمش
ندر علينا عنينا ما ترمش
الا ان عدتى لحضن الأم

ندر علينا يا طاهره يا غاليه
عن حقنا ما هنغفل ثانيه
لو وزنوكى بكل الدنيا
انت الاغلى يا اعظم ام


رافت المصرى