لَمَّا مَات العِشِق ........14 شباط

[محمد خطيب]

نِزل النِدِي السَهْرَان عَ الكَاسَات = يِسْقِي الزَهِر وِيْنَشِّط حْوَاسِي
وْيَا فَجْر زِيح اللَيْل وِالعَتْمَات = بِكْفِي لَيْل طِلُّو يَا شَمَاسِي
* - - - - - - - - * = * - - - - - - - - *
يَ شْمُوس طِلِّي اليَوْم مِنْ بَدْرِي = خَلِّي النِدِي يِنْشَف عَلَى زْهَارُو
وْفَلاَّح رُوحُو تْرَابِة السِدْرِة = فِيهَا الغُصُن حَاضِن دَفَا طْيَارُو
* - - - - - - - - * = * - - - - - - - - *
بَلَّش نْهَارُو وْزَقْزَق العَصْفُور = بْألحَان نَاي وْعُود مِقْتِسْمِي
وْكِل مَا تِعِب مَيَّات نَهْرُو تْفُور = وِتْرَشْقُو بْرُودِة مَع النَسْمِة
* - - - - - - - - * = * - - - - - - - - *
وْكِل مَا بِهَالكَرْمَات يِتْلاقُو = الفَلاح وِبْرُودِة غَضَب نَهْرُو
يْمُر العِشِق وِتْمُوت أخْلاقُو = وْمِن هَالمَحبِّة يْمُوت مِنْ قَهْرُو
* - - - - - - - - * = * - - - - - - - - *
كَان العِشِق مِتْقَمِّص بْلَيْلَى = مَعْ قَيس بِخْيَام الطُهُر مَرَّة
بَعْدُن إْتْقَمَّص عَنْتَر وْعَبْلاَ = وِسْمِعْت إنُّو مِنْهُن تْبَرَّا
* - - - - - - - - * = * - - - - - - - - *
مَات العِشِق؛ صَار العِشِق هَنِّي = بَيْن النِدِي وِالوَرْد مَوْجُدِينْ
وْصَار الوَرِد يِعْزِف. نِدِي يْغَنِّي = أنْغَام مُوسِيقَى طَرَب تِلْحِينْ
* - - - - - - - - * = * - - - - - - - - *
هِيْك المَحَبِّة بْتِنْسَمَا مْحَبِّة = وَرْد وْنِدِي وْمَيّ وْهَوَا وْفَلاَّح
وْكِل مَ الرِيَاح تْهِب شِي هَبِّة = تْزِيد المَحَبِّة بْهَبْتِك يَ رْيَاح
* - - - - - - - - * = * - - - - - - - - *
أللهّ..... يَا دِنْيَا عَلَى هَالحُبّ = بْهَبِّة الرِيح.. الحُب فَيَّقْنِي
وْمِثل النْبِيذ بْشِفِّة إللِّي بْحِبّ = عَ شْفَافْهَا الإحْسَاس عَتَّقْنِي
* - - - - - - - - * = * - - - - - - - - *
وْكِل مَا شْفَافِي تْذُوب عَ الخَدَّيْن = بِتْغَار مِن خَدَّيْهَا الشِفِّة
شِفِّة أمِيرَةَ عَالْقَة مَا بَيْن = حُبِّي أنَا وِالطُهْر وِالعِفِّة
* - - - - - - - - * = * - - - - - - - - *
وْحَسَّيْتَهَا لَك آآخ شُو حَسَّيْت = مِثِل إلْ كَإنْهَا اليَوْم نَعْسَانِي
وْلَمَّا عْيُونَا مْنِ النَعَس وَعَّيْت = صَار النَعَس دَايِر بْأجْفَانِي
* - - - - - - - - * = * - - - - - - - - *
مْنِ عْيُونْهَا سْكِرْت وصِرِت نَعْسَان = سَكْرَان مِنْ عَيْنَيْن مِش خَمْرَة
وسَجَّلْت إسْمِي شَاعِر النِسْيَان = بْحِضْن العَشِيقَة العَاشِقَة السَّمْرَة
* - - - - - - - - * = * - - - - - - - - *
مَات العِشِق؛ صِرْنَا العِشِق نِحْنَا = سَمْرَة عَشِيقَة وْشَاعِر النِسْيَان
وْلَمَّا بْمُحِيط العَاطِفِة سْبِحْنَا = غَارُو البُحُور... وغَارِت الوِدْيَان
* - - - - - - - - * = * - - - - - - - - *
صِرْنَا العِشِق نِحْنَا؛ أنَا وْهِيِّي = رَعْدِة وْقَبِلْهَا بَرْقَت البَرْقَة
وْمِثل الفَجِر مَجْبُور يَوْمِيِّي = إمْرُق عَلَيْهَا كُل فَجِر مَرْقّة
* - - - - - - - - * = * - - - - - - - - *
كِلّ السِنِة لِلْحُب كَوَّنْهَا = الله؛ وْبَعَثْنَا نِلْتِقِي فِيهَا
وْفِينَا دْرُوب الحُب لَوَّنْهَا = وْشَمْعَات تَ نْضَوِّي لَيَالِيهَا
* - - - - - - - - * = * - - - - - - - - *
مْشِينَا أنَا وْهِيِّي بِذَات الدَرْب = شَمْس وْقَمَر بِالعَاطِفِة مْشِينَا
نْضَوِّي اللَّيَالِي بَيْن شَرْق وْغَرْب = وْهِيكِي اللَّيَالِي تِشْتِعِل فِينَا
* - - - - - - - - * = * - - - - - - - - *
فِينَا اللَّيَالِي تِشْتِعِل بِالنَّار = نَار الهَوَى وِالحُب تِكْوِينَا
وِبْنِص شَهْر شْبَاط قَلْبِي صَار = شَمْعَة نْضَوِّيهَا بْلَيَالِينَا
* - - - - - - - - * = * - - - - - - - - *
الخميس – 14/02/2008

[إبراهيم محمد شلبي]

المشاركة الأصلية كتبت بواسطة محمد خطيب

نِزل النِدِي السَهْرَان عَ الكَاسَات = يِسْقِي الزَهِر وِيْنَشِّط حْوَاسِي
وْيَا فَجْر زِيح اللَيْل وِالعَتْمَات = بِكْفِي لَيْل طِلُّو يَا شَمَاسِي
* - - - - - - - - * = * - - - - - - - - *
يَ شْمُوس طِلِّي اليَوْم مِنْ بَدْرِي = خَلِّي النِدِي يِنْشَف عَلَى زْهَارُو
وْفَلاَّح رُوحُو تْرَابِة السِدْرِة = فِيهَا الغُصُن حَاضِن دَفَا طْيَارُو
* - - - - - - - - * = * - - - - - - - - *
بَلَّش نْهَارُو وْزَقْزَق العَصْفُور = بْألحَان نَاي وْعُود مِقْتِسْمِي
وْكِل مَا تِعِب مَيَّات نَهْرُو تْفُور = وِتْرَشْقُو بْرُودِة مَع النَسْمِة
* - - - - - - - - * = * - - - - - - - - *
وْكِل مَا بِهَالكَرْمَات يِتْلاقُو = الفَلاح وِبْرُودِة غَضَب نَهْرُو
يْمُر العِشِق وِتْمُوت أخْلاقُو = وْمِن هَالمَحبِّة يْمُوت مِنْ قَهْرُو
* - - - - - - - - * = * - - - - - - - - *
كَان العِشِق مِتْقَمِّص بْلَيْلَى = مَعْ قَيس بِخْيَام الطُهُر مَرَّة
بَعْدُن إْتْقَمَّص عَنْتَر وْعَبْلاَ = وِسْمِعْت إنُّو مِنْهُن تْبَرَّا
* - - - - - - - - * = * - - - - - - - - *
مَات العِشِق؛ صَار العِشِق هَنِّي = بَيْن النِدِي وِالوَرْد مَوْجُدِينْ
وْصَار الوَرِد يِعْزِف. نِدِي يْغَنِّي = أنْغَام مُوسِيقَى طَرَب تِلْحِينْ
* - - - - - - - - * = * - - - - - - - - *
هِيْك المَحَبِّة بْتِنْسَمَا مْحَبِّة = وَرْد وْنِدِي وْمَيّ وْهَوَا وْفَلاَّح
وْكِل مَ الرِيَاح تْهِب شِي هَبِّة = تْزِيد المَحَبِّة بْهَبْتِك يَ رْيَاح
* - - - - - - - - * = * - - - - - - - - *
أللهّ..... يَا دِنْيَا عَلَى هَالحُبّ = بْهَبِّة الرِيح.. الحُب فَيَّقْنِي
وْمِثل النْبِيذ بْشِفِّة إللِّي بْحِبّ = عَ شْفَافْهَا الإحْسَاس عَتَّقْنِي
* - - - - - - - - * = * - - - - - - - - *
وْكِل مَا شْفَافِي تْذُوب عَ الخَدَّيْن = بِتْغَار مِن خَدَّيْهَا الشِفِّة
شِفِّة أمِيرَةَ عَالْقَة مَا بَيْن = حُبِّي أنَا وِالطُهْر وِالعِفِّة
* - - - - - - - - * = * - - - - - - - - *
وْحَسَّيْتَهَا لَك آآخ شُو حَسَّيْت = مِثِل إلْ كَإنْهَا اليَوْم نَعْسَانِي
وْلَمَّا عْيُونَا مْنِ النَعَس وَعَّيْت = صَار النَعَس دَايِر بْأجْفَانِي
* - - - - - - - - * = * - - - - - - - - *
مْنِ عْيُونْهَا سْكِرْت وصِرِت نَعْسَان = سَكْرَان مِنْ عَيْنَيْن مِش خَمْرَة
وسَجَّلْت إسْمِي شَاعِر النِسْيَان = بْحِضْن العَشِيقَة العَاشِقَة السَّمْرَة
* - - - - - - - - * = * - - - - - - - - *
مَات العِشِق؛ صِرْنَا العِشِق نِحْنَا = سَمْرَة عَشِيقَة وْشَاعِر النِسْيَان
وْلَمَّا بْمُحِيط العَاطِفِة سْبِحْنَا = غَارُو البُحُور... وغَارِت الوِدْيَان
* - - - - - - - - * = * - - - - - - - - *
صِرْنَا العِشِق نِحْنَا؛ أنَا وْهِيِّي = رَعْدِة وْقَبِلْهَا بَرْقَت البَرْقَة
وْمِثل الفَجِر مَجْبُور يَوْمِيِّي = إمْرُق عَلَيْهَا كُل فَجِر مَرْقّة
* - - - - - - - - * = * - - - - - - - - *
كِلّ السِنِة لِلْحُب كَوَّنْهَا = الله؛ وْبَعَثْنَا نِلْتِقِي فِيهَا
وْفِينَا دْرُوب الحُب لَوَّنْهَا = وْشَمْعَات تَ نْضَوِّي لَيَالِيهَا
* - - - - - - - - * = * - - - - - - - - *
مْشِينَا أنَا وْهِيِّي بِذَات الدَرْب = شَمْس وْقَمَر بِالعَاطِفِة مْشِينَا
نْضَوِّي اللَّيَالِي بَيْن شَرْق وْغَرْب = وْهِيكِي اللَّيَالِي تِشْتِعِل فِينَا
* - - - - - - - - * = * - - - - - - - - *
فِينَا اللَّيَالِي تِشْتِعِل بِالنَّار = نَار الهَوَى وِالحُب تِكْوِينَا
وِبْنِص شَهْر شْبَاط قَلْبِي صَار = شَمْعَة نْضَوِّيهَا بْلَيَالِينَا
* - - - - - - - - * = * - - - - - - - - *
الخميس – 14/02/2008

[poem=font="Traditional Arabic,7,darkred,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]

ياما الهوى بكّى الأحبه وصار = بصّة عشق تشعل دماهن نار
وياما اخترعتوا للعشق أيّام = بشباط وكوانين أو آذار
وياما حكّوا وقالوا بهواها هام = وياما بحبّه قَطّعت أزهار
كان الهوى يسرح مع الأنسام = واصبح لحن يتغنّى بالأوتار
وكان الهوى إحساس ما بينام = واصبح كلام بتنظمه الأشعار
يمّا تحبّوا عا مدار العام = يمّا ظبّوا شروشكو وفلّوا
وخلّوا الهوى بكتابكم تذكار
[/poem]

[محمد خطيب]

تحياتي اخي ابراهيم...


يوم الخميس بجاوبك.. لانو انا اسا طالع عالشغل ليوم الخميس لحتى ارجع عالبيت... وما شفت ردك غير اسا مع العلم اني كل النهار عالنت بس ما فتت عالمواقع كلها.....
يللا منستاذن


تحياتي........ محمد خطيب

[محمد خطيب]

المشاركة الأصلية كتبت بواسطة إبراهيم محمد شلبي

ياما الهوى بكّى الأحبه وصار = بصّة عشق تشعل دماهن نار
وياما اخترعتوا للعشق أيّام = بشباط وكوانين أو آذار
وياما حكّوا وقالوا بهواها هام = وياما بحبّه قَطّعت أزهار
كان الهوى يسرح مع الأنسام = واصبح لحن يتغنّى بالأوتار
وكان الهوى إحساس ما بينام = واصبح كلام بتنظمه الأشعار
يمّا تحبّوا عا مدار العام = يمّا ظبّوا شروشكو وفلّوا
وخلّوا الهوى بكتابكم تذكار

doPoem(0)

عِيد العِشِق يَا عِيد مِيلادِي = بْكِل السِنِة هِجْرِي وِمِيلادِي
حَطُّو المَحِبّة وِالدِّنِي بْمِيزَان = زَان المَحَبِّة عَ الدِّنِي زْيَادِة...
بِأسَف عَ كِل شَاعِر بِهَالمِيدَان = دَان المَحَبِّة بْيَوم مِش عَادِي
قِللِي شُو بِتْقِللُو لَكِل جُوعَان = عَان مِن جُوع العِشِق بَادِي...
لَوْ مَا بِهَالدّنيَا إنْفَجَر بُرْكَان = كَان العِشِق مِنْ وَهْجِتُو بَادِي
كِنَّا عَ نَجْم التَفْرِقَة دِخَّان = خَان الأحِبّة بْنَار وَقَّادِي...
كَان الهَوَى بِالأرْض يَامَا كَان = عُذْرِي.. يْمَرْجِح ضِفّة الوَادِي
هْيَام الشّحَارِير بْثَرَا الوِدْيَان = وِهْيَام قَلْبِي عَ ثَرَا بْلادِي...
وْهَيك المَحَبِّة تْسَجَّلِت دِيوَان = عَ صَفْحِتُو بُلبُل عِشِق شَادِي
وْتَ يِنْحِفِظ حَقُّو مَدَا الأزْمَان = يُوم الهَوَى تْسَجَّل لَحِن هَادِي...
تْسَجَّل تَ يِتْخَلَّد حَلا وْألْوَان = تِتْعَلَّق بْصَدر السَّمَا قْلادِة
وْذِكْرَى أمَلْهَا مِش أمَل حَزْنَان = ذِكْرَى بِيَوم الحُبّ صَارِت عِيد
بَتْذَكَّرُو مَع شُوفِةْ وْلادِي...