كتالوج بكا

[ميسرة صلاح الدين]

منابع جرحنا المفتوح

بتسقى الورد في بابل

و فرس النهر بيعكنن على الهكسوس

فى ليل طيبة

و أنا و أنت

يدوب ظل لحسام مكسور

صباح الخير

صباح النور

لكن مطلعش م المصباح كلام يتقال

روافد دمنا السيال

على أخر حصون عكة

خيول غزة

و شعاب مكة

و عظمة مجدنا المتهان


بقيت كتالوج بكا و أحزان

حمام زاجل بيدبح

بأيد صياد مشاعره رخام

و واقفه الدنيا بتمصمص شفايفها

بكل براءة و استسلام...

[أشرف الشافعى]

الحبيب ميسرة
طبعا هذا النص قديم بالنسبة لى وتعرف أنه يعجبنى لمشهديته الثرية
ولهدوءه وتخليه عن الزعيق والصراخ الذى يوصم مثل هذه التجارب التى تطرح الهم العام ، واريد فقط أن أنبهك لأمرين
أعتقد أنك تقصد ( بقت وليس بقيت - كتالوج بكا واحزان ) وأرجوا التوضيح
ثانيا أرجو أن تراعى وضع علامات التنوين حينما يحتاج الامر لذلك فى نص العامية
وهذا متعارف عليه وليس غريبا .
لان قراءة كملة ( بيدبح ) من غير تنوين يخل تماما بالمعنى الذى تقصده وهو انه ( يتم ذبحه ) ،وببساطة شديدة وضع شدة على حرف الدلال ( بيدّبح ) يفى بالغرض
هى مجرد ملاحظات طفيفة على مستوى الشكل لا تقترب من مضمون النص الرائع
مع خالص تحياتى
أشرف

[ميسرة صلاح الدين]

المشاركة الأصلية كتبت بواسطة أشرف الشافعى

الحبيب ميسرة

طبعا هذا النص قديم بالنسبة لى وتعرف أنه يعجبنى لمشهديته الثرية
ولهدوءه وتخليه عن الزعيق والصراخ الذى يوصم مثل هذه التجارب التى تطرح الهم العام ، واريد فقط أن أنبهك لأمرين
أعتقد أنك تقصد ( بقت وليس بقيت - كتالوج بكا واحزان ) وأرجوا التوضيح
ثانيا أرجو أن تراعى وضع علامات التنوين حينما يحتاج الامر لذلك فى نص العامية
وهذا متعارف عليه وليس غريبا .
لان قراءة كملة ( بيدبح ) من غير تنوين يخل تماما بالمعنى الذى تقصده وهو انه ( يتم ذبحه ) ،وببساطة شديدة وضع شدة على حرف الدلال ( بيدّبح ) يفى بالغرض
هى مجرد ملاحظات طفيفة على مستوى الشكل لا تقترب من مضمون النص الرائع
مع خالص تحياتى

أشرف

أشرف العزيز اسف جداااااا على تأخرى فى الرد على تعلقك الكريم

وشكرا على رؤيتك للنص

وشكرا كمان لانك عند تعليقك على النص فى المرة دى علقت بشكل اعمق

ومعنى كدا انك قريت النص بحب وعمق وتانى للمرة التانية

ودا شئ يشرفنى ويسعدنى جدااااااااا

بداية انا معاك تماما فى موضوع التشكيل بالعكس

انا فعلا فى الديوان المطبوع بنزل الكلمات اللى من النوع دا بالتشكيل

بس يمكن عشان النت والكتابة على الكيبورد الواحد بيستسهل



اما بالنسبة لكلمة بقت ولا بقيت

انا قصدى يقيت انا كتالوج بكا واحزان وانا مش كشخص واحد بعينة ولكن كمعانى تانية كتير

ياريت يكون وصلك قصدى

[وفاء أمين]

الشاعر الجميل /ميسره

أعجبني هذا الوجع الهادئ علي قدر قوته

وقرأت قصيدتك من أسفل إلي أعلي

ولم يتغير معناها

وهذا دليل إمتلاكك لأدوات الشعر

ولكن كلمة (كتالوج)لفظ مستورد

والأجمل أن يكون دليل بكا

عفوا.. أنا لا أفرض رأيي

ولكنها وجهة نظر قبلتها أم رفضتها

وعموما أحييك علي قصيدتك الجميله
وتقبل مروري

[ميسرة صلاح الدين]

المشاركة الأصلية كتبت بواسطة وفاء أمين

الشاعر الجميل /ميسره

أعجبني هذا الوجع الهادئ علي قدر قوته

وقرأت قصيدتك من أسفل إلي أعلي

ولم يتغير معناها

وهذا دليل إمتلاكك لأدوات الشعر

ولكن كلمة (كتالوج)لفظ مستورد

والأجمل أن يكون دليل بكا

عفوا.. أنا لا أفرض رأيي

ولكنها وجهة نظر قبلتها أم رفضتها

وعموما أحييك علي قصيدتك الجميله
وتقبل مروري

الشاعرة وفاء امين

شهادتك اعتز بها جدا واحييك على قرائتك الواعية فى النص

ولى سؤال واعذرينى علية
ما معنى قرأت النص من أسفل لاعلى؟؟

لك منى خالص الشكر والامتنان