،، طراطيش كلام! // أحلام المصري ،،

[أحلام المصري]

،، طراطيش كلام! // أحلام المصري ،،

بعد إذن اللغة العربية الفصحى، وعشاقها وأنا واحدة منهم بكل تأكيد.. هيكون موضوعي هنا وكل مشاركاتي فيه بالعامية..
ليه!
أكيد فيه أسباب، بس أهم سبب هو إني كتير بتفاجئني أفكار بترفض إنها تتبلور بالفصحى وبحس ساعتها إني عاجزة، وإني كمان خسرت بعض الأشياء اللي ممكن تكون حلوة على الأقل بالنسبالي أنا..
زي قصيدة أو أغنية مثلا،
وحصلتلي كتير للأسف 😥
يمكن مش سبب كافي أو مبرر جدير بالاعتبار، لكن هو كدا 🙂
،
،

[أحلام المصري]

،، طراطيش كلام ،،
مش المقصود بيه معناه المتفق عليه بخصوص النميمة والفضول، إنما عنوان بيصور حالتي مع الأفكار اللي كتير بتظهر قدامي وقبل ما أقبض عليها، تجري زي الحرامية تمام، وتفضل تجري وتجري لغاية ما تختفي،
وكل ما أحاول أسترجعها أو أستحضر اللحظة من جديد أفشل وما يفضلش منها إلا (طراطيش كلام)!
😉

[أحلام المصري]

بقولك:
هو صحيح....
لا لا، مش اللي في بالك 🤣
اهدى عليا شوية
اسمع واستنى 🤫
هو صحيح إن عقلي ربط على (وصلة الحكاية) أو برنامج السرد وما بقاش فاضي يكمل القصيدة اللي بدأتها من أسبوعين؟!
😥

خبر اسود!
والعمل؟
مالي أنا ومال الحكاية وايه اللي دخلني حارتها؟
دي حارة عتيقة وكلها سراديب ومغارات وكهوف.. ❕❌

[أحلام المصري]

،، هي وفايزة والقمر وامهااااا ،،
،
،
،
(يا اما القمر ع الباب)🤦‍♀️
قمر ايه يا بت، ما تتلمي 🤜
(نور أناديله)!
ما انتي مش ناوية تجيبيها البر يا مقصوفة الرقبة،
انجري ع المطبخ ياللا اعمليلك شغلة🏃‍♀️👀🤨
بلا خيبة..
(يا اماااااا)🏃‍♀️
قال قمر قال...
دا احنا في خيبة والله!

[راحيل الأيسر]

أهلا بالأحلام الجميلة
ما أحلاك يا أحلام ❤️ لاحظي الفرق حرف ( الكاف والميم ) .
ما أحلاك عندما تهشتكين وتفرفشين مع رحولة في الترفيه ..
أحب هذا القسم منه تعرفت على نفسيات وشخصيات وقصص وحكايات إخوتي وأخواتي في أقلام ..

سأخبرك بأمر .. أنا يا أحلام لو تحدثت بجدية يظن المستمع أني ما مررت من شارع الهزل يوما ههه
لا أدري لماذا ..
مع أن المرح حد الطفولة هو الغالب على شخصيتي ..
حتى أشقائي ( تخيلي شقيقي الأكبر كذلك ) عندما أصبح جادة ( يضرب لي ألف حساب ) ربما للحب الذي يكنه لي ، لا لشيء آخر ..
لذا أنا أحمدالله أنه حباني مرحا مع هذه الميزة وإلا كنت سأصبح نكدية ومملة ، يعني كنت من الصنف الذي يشمت فيه الرجال 😂😅

الله لا ينولهم فينا شماتة 😉

المهم طرطشي يا أحلام وما أجمل الكلام حين نطرطشه بخرطوم أشبه بخرطوش فشة الخلق الذي به نبلل ما ومن أردنا تبليله ومن لم نرد ..

طرطشي طرطشة ما طرطشه الأسبقون
إنا معك لمن المطرطشين 😅😅😂
بس ياليت تعطيني خرطوم / خرطوش أصلي 😅😂


المهم اليوم خميس وإخوتي هنا في بيت الوالدة ..
جاءوا صائمين وأفطروا ونحن الآن متحلقون حول ( ست الحبايب / حلوة اللبن ) لكني قلت في نفسي دقائق للمنتدى لا يضر ، وإذ بها صارت ساعة من زمن ..


مساؤك السعادة والسرور 🌹

[أحلام المصري]

المشاركة الأصلية كتبت بواسطة راحيل الأيسر

أهلا بالأحلام الجميلة
ما أحلاك يا أحلام ❤️ لاحظي الفرق حرف ( الكاف والميم ) .
ما أحلاك عندما تهشتكين وتفرفشين مع رحولة في الترفيه ..
أحب هذا القسم منه تعرفت على نفسيات وشخصيات وقصص وحكايات إخوتي وأخواتي في أقلام ..

سأخبرك بأمر .. أنا يا أحلام لو تحدثت بجدية يظن المستمع أني ما مررت من شارع الهزل يوما ههه
لا أدري لماذا ..
مع أن المرح حد الطفولة هو الغالب على شخصيتي ..
حتى أشقائي ( تخيلي شقيقي الأكبر كذلك ) عندما أصبح جادة ( يضرب لي ألف حساب ) ربما للحب الذي يكنه لي ، لا لشيء آخر ..
لذا أنا أحمدالله أنه حباني مرحا مع هذه الميزة وإلا كنت سأصبح نكدية ومملة ، يعني كنت من الصنف الذي يشمت فيه الرجال 😂😅

الله لا ينولهم فينا شماتة 😉

المهم طرطشي يا أحلام وما أجمل الكلام حين نطرطشه بخرطوم أشبه بخرطوش فشة الخلق الذي به نبلل ما ومن أردنا تبليله ومن لم نرد ..

طرطشي طرطشة ما طرطشه الأسبقون
إنا معك لمن المطرطشين 😅😅😂
بس ياليت تعطيني خرطوم / خرطوش أصلي 😅😂


المهم اليوم خميس وإخوتي هنا في بيت الوالدة ..
جاءوا صائمين وأفطروا ونحن الآن متحلقون حول ( ست الحبايب / حلوة اللبن ) لكني قلت في نفسي دقائق للمنتدى لا يضر ، وإذ بها صارت ساعة من زمن ..


مساؤك السعادة والسرور 🌹

يسعد مساكي وصباحك وكل أوقاتك حبيبتي راحيل
تحياتي للغالية والدتكم وللأخوات جميعا
وربنا يديم عليكم اللمة في حضرتها وعلى وهج روحها يا رب إن شاء الله
،
علشان عيونك، ليكي أكبر خرطوم مسموح بيه،
وياللا يا ستي... هيصة
ياللا نطرطش🤣
ولا حد حيقدر يمنعنا...

تسلمي راحيل الجميلة وتسلم روحك الطفلة
حبي الدايم ❤

[أحلام المصري]

،، أخبار غبية ،، 👉
،
،
ساعات كدا الواحدة تكون قاعدة ف حالها،
ولا بيها ولا عليها..

فجأة يجيلها تليفون من واحدة عاملة نفسها صاحبتها،
وتقولها ايه:
حبيبتي الغالية، ازيك وحشتيني
عاملة ايه اخبارك وبلا بلا بلا....
أنا جايالك زيارة الليلة!
ايه رأيك؟
- إيه؟ ❗
نعم، بتقووووولي اييييييه؟
الوقت دا اختارتيه على اساس ايه، يا عمري؟
🤨
الليلة اللي بتقولي عليها دي عندي فيها شغل، ما هو انا يا ست الكل مش قاعدة على كرسي في البلكونة قصاد البحر طول اليوم... 🏡
دا وقت شغل بالنسبالي يا قلبي ❗❕
اااااه، تخيلي...
عندي ظروف 🤣🙂
تخيلي؟
ههههههه
،
،
آهو بقى ناس زي دول، نرد عليهم نقولهم ايه؟!🤨
كلمة واحدة مافيش غيرها
هي: 🤫

[عبد السلام الكردي]

مادام الكلام في الترفيهي مفيش مشكلة يا بنتي..عامية او فصحى ما تفرئش المهم تستمري بنفس الروح الجميلة دي..احييك.

[أحلام المصري]

المشاركة الأصلية كتبت بواسطة عبد السلام الكردي

مادام الكلام في الترفيهي مفيش مشكلة يا بنتي..عامية او فصحى ما تفرئش المهم تستمري بنفس الروح الجميلة دي..احييك.

أهلا أهلا وألف مرحب بمختار حارتنا القدير،
نورت شارعنا وبيتنا
شكرا ليك على حضورك النبيل
متابعتك تسعدنا
تقبل احترامي الكبير
وجمعتكم مباركة

[أحلام المصري]

أوحش شيء ممكن يكون في حياتي،
أو في حياة أي حد بوجه عام،
أنه يكون ربنا رازقنا بشخص من الصنف اللي على طول فاكر نفسه محور الكون،
وأن كل الأحداث الكونية لازم ولا بد تدور حولين سعادته! 😡
مش فاهمة بجد على أي اسااااااس!
🤨🤜

[أحلام المصري]

ما هو انا اللي استاهل اصلا!
.
.
انا ليه اسمع كلامك؟!

[أحلام المصري]

أكتر من ودان عطعوط!
🤣
،
،
يا دي النيلة!
هو احنا مش حنخلص بقى م الحوار دا؟
نخلص! لا طبعا.. دا بعينك يا باشا...😉
والله أنا حاسس ان (ودان عطعوط) دي هي اللي هتكون السبب في النهاية المستعجلة، علشان تنبسطي حضرتك، وكل شوية تقوليها وتعيديها..
نهاية! نهاية ايه؟ طيب عموما خليك دايما فاكر إني بحبك اوي، اوي أكتر من (ودان عطعوط) 🤣😉