[محمد داود العونه]

المشاركة الأصلية كتبت بواسطة محمد داود العونه

بعد استعراض الموقف العام، وتفقد جاهزية القوات البرية والبحرية والجوية والصاروخية...


القائد:
كده... اطمنت.
لكن خلوني أقول لكم الحقيقة من غير تجميل..
إحنا على أعتاب معركة حياة أو موت.
قدامنا دولة قوية جدًا، تمتلك قدرات عسكرية هائلة، وتسليحًا متطورًا، وتكنولوجيا قتالية من أحدث ما وصل إليه العلم العسكري. عندها منظومات دفاع قادرة على التصدي لأغلب التهديدات، وجهاز استخبارات يُعد من أقوى الأجهزة.
والمشكلة الأكبر... إنهم عارفين عنّا أكتر مما نتمنى.
علشان كده جمعتكم النهارده. الحرب دي قرار دخولها صعب... والخروج منها أصعب.
أنا مش عايز حد يجاملني، ولا حد يقولي اللي يرضيني. عايز أسمع من كل واحد فيكم رأيه بكل صراحة، ونناقش كل الاحتمالات قبل ما ناخد أي قرار.
اتفضلوا... الكلمة ليكم.

أحد القادة:
يا فندم... لو تسمح لي.

مع كامل احترامي لكل ما تفضلت بيه عن قدراتهم العسكرية والاستخباراتية، في نقطة أخطر من ده كله.

الدولة دي مش قوية بس... دي محمية سياسيًا وعسكريًا من قوى عظمى.

وأي مواجهة مباشرة معاها مش هتبقى حرب بينا وبينهم وبس، ده احتمال كبير إنها تتحول لصراع أوسع. وده يفرض علينا من البداية تأمين تحالفات استراتيجية مع قوى كبرى أخرى، عشان نضمن استمرار خطوط الإمداد، والدعم اللوجستي، والغطاء السياسي والدبلوماسي، ويبقى ظهرنا مسنود في حال طال أمد الحرب أو اتسع نطاقها.

الحرب النهارده يا فندم مش مجرد دبابات وطائرات... الحرب بقت سياسة، واقتصاد، وتحالفات، وإمداد قبل ما تكون سلاح.

القائد:
شايف يا أحمد... ليه أنا دايمًا حريص إن الجيش يتزوّد بقيادات شابة؟
الرؤية الجديدة مطلوبة، والفكر المتجدد هو اللي بيكمل الخبرة، مش بينافسها.
كمّل يا رامز... كمّل.
كلنا بنسمعك.