اقتباس:
المشاركة الأصلية كتبت بواسطة محمد داود العونه
.._ يا زلمة كيف رح تهون، بقلك البنت قربت امتحاناتها النهائية بالجامعة وبعدها ما سكرت القسط!، ابنك محمود عرسه بعد ست شهور وذهب خطيبته بعدنا ما كملناه!، قسط الجمعية الي ناقص وبطل الي وجه قدام الجارات.. وبعدك بتقلي بتهون؟!!
_ أنا طالع..ربك بيسرها
_ لون طالع؟
_ مش عارف، مخنوق وبدي أروح أقعد بأرض أبوي اتنفسلي شوية هوا
_ اطلع أنت وتركني لحالي هون بين الحيطان اقلب أخماس بأسداس، أنا مليت وشكلي رح اسيبلك البيت وأهج!!
_ طولي بالك يا ام محمود كل اشي واله حل.. سلام برجع بعد صلاة العشا ان شاء الله..
_ خذ راحتك ولو ما ترجعش بكون أحسن!
|
أغلق باب المنزل خلفه، كان يسير بخطوات بطيئة وكأن جسده أصبح فجأة ثقيل الوزن لا يستطيع جره... كانت كلمات زوجته تردد في رأسه دون توقف وكان الصوت يرتفع، يرتفع... يرتفع... حتى اختفى فجأة على صوت فرامل مركبة أمامه كادت أن تدهسه،
_هل جننت يا رجل كدت أن أدهسك؟!!
_معذرة منك لم انتبه، معذرة...!!