صرخ الضمير من القهر
ونادى بأعلى صوت
زمن اتقلب يا خلق
والحق عاري التوب
قرب ودانك واسمع
وشوف الجفا والحوق
الحق تحت التراب يندفن
والباطل بعزمه يلوق لوق
زرع في الأرض حوفه
وعمل لزرعه سوق
حتى الخسيس فرش بضاعته
فوق الرصيف بالبوق
دا العمر عدى ومضي
والكدب صار مسبوك
والحق ضهره انكسر
مامعاه حمار ولا نوق
والباطل بسنه يضحك
مسرور مهواش مزنوك
أوعى يغرك صبر الحقيقة
ويغرك أنين الحق وتقول حيموت
أو يغرك قليل الكلام
وتظن سكوته رجل هلفوت
دا الحق عايش في الزمن
ليموت ولا يضربه نبوت
الحق شال على الكتاف المر
وقاموسه مفشه فوت
الدنيا يا صاحبي دروس
والدرس المفيد بفلوس
واللي بلا تمن رخيص
والرخص غاوي نفوس
والعاقل صبور بالصمت
ولا يبقى في يوم مهووس
ولا يبقى الحر فيوم عبد
أما الخسيس بالعين مدروس
والباطل كئيب مفروس
شايل في جوفه الكدب
والعمر عاش بخنوس
آه .. وآه يا زمن
بات اللئيم منظره
عامود علقوا براسه فانوس
وصبحت حريم الشوارع علم
وياما تدمرت فينا نفوس
بقلم : سيد يوسف مرسي