[أحلام المصري]

(5)

آخِر شطارَهْ


لو تِشاوِر في يوم يا ريـِّس
تِلقى شَعبَك مَرجَلـَه وآخِر حضارَهْ !
نِندِفِع ونشِنِّ غارَهْ !
لو تِشاوِر لينا تانيْ
في ثَوانيْ ،
نِبني كوبري ، نشيل عمارَه !
لو تِشاوِر في المعارِك والسلام ،
تِلقى شعبَك أُبـَّهَه وآخِر شطارَهْ !

****

مِنـَّا تِتعَلـِّم شعوب الأرض درسِ المفهوميـَّهْ
مِيـَّه مِيـَّهْ
مِنـَّا ريـِّسها وأميرها ومنها أركانِ الإمارَهْ !
بالأَمارَهْ ،
يوم ما بِتشَرَّق في أرضِ الكون دَه كُلـُّه ، أو تِغَرَّبْ ،
تِلقى ليها في كلِّ ناحيـَهْ ،
مدرَسِةْ عـِزِّ وسَفارَهْ !

****

لو تِشاوِر يا حبيبها يا ناصِرها ،
يِبقى للقِوَّه وزيرْ
يِبقى للعِزَّه وزيرْ
يِبقى للحِنـِّيَهْ والرِّقـَّه وزيرْ
يِبقى للحُبِّ اللـِّي يِفهَم فِالسَّنابِل والقنابِل
دولـَه وِجيوش ووِزارَهْ !!.