طل القمر بالليل ع الشباك
ووزع على العشاق آهاتو
والمركب المهجور والأسماك
يغفي البحر ويبوس موجاتو
والشهد والفيروز والمسواك
دابوا بها اللولو وحباتو
والحالمة تقله لحبيبا شباك
قلبي سريعة كتير نبضاتو
خلفك أنا حافية على الأشواك
بترحم على ورودنا الماتو
لولا النجوم بتفقد الأفلاك
والجو ينسى بعد غيماتو
والعاذلين بيزرعوها شراك
وحراس لا ناموا ولا باتو
وتنسى الشطوط البحر ما بنساك
يا محكم بقلبي ودقاتو
لولاك ما سهرت العمر لولاك
ولا استلطفت خيي ورفقاتو
و لا خدرتني ريحة التنباك
لما تناوبنا بسحباتو