يا سنة جديدة .. ممكن كلمة !
حِلْمِنا كان نرسمه بإيدينا
ملايين واقفة بينهبوا فينا
ولا أوراقنا ولَّلا كُتُبْنَا
إنتوا يادوب تمشوا بخطاوينا
في الاسماعيلية قنال وسفينة
في بحري يقولوا في مدح حبيبنا
في صْعِيدْ صوتها يِرَدد مينا
اللي يقول حلمنا فَرَّقْنَا
ييجي يشوفنا تاريخنا حامينا
نلاقي لَمِّتْنَا جت تداوينا
ننسى الفُرقة ونار الْحُرقَة
ينادوا يا مصر تعالي خُدينا
عمرنا يوم ما عرفنا البُعْدْ
وعمرنا يوم ما لغيرنا شكينا