[جومرد حاجي]

جابت الأم ابنها من المدرسة ، و بطريقها سألت البقال عن البقدونس .
قال الزلمة : الجرزة بـ 40 ليرة
_ أوف ليش هيك ؟
_ ارتفع الدولار
_ أي شو عم يسقوا البقدونس بالدولار !!!
_ أختي أنا ما دخلني ، بدك تشوفي التجار .
قال الطفل لأمه : ماما ما بدك تشتري خس ؟
قالت الأم : اسكت ، ما عاد استرجي أسأل عن شي .
رجعت الأم عالبيت و بالطريق قالها الولد : ماما ، منيح اللي
اشترينا الدفاتر قبل ما يرتفع الدولار .
قالت الأم : صحيح . و سكتت شوي و رجعت قالت : شكلك رح تصير تاجر ، شو رأيك تترك المدرسة ؟
قال الولد : أنا موافق ، بس خلينا نكمل المدرسة هالسنة بما أنو اشترينا الدفاتر . ههههههههههه
جومرد حاجي