قصيدة واحد شاف زوجته بدون مكياج عقب ما خذاها توهق
يا صانع المكياج ربي يجازيـك
خليتني مخدوع في شكل خلّي
الله يحرق مصنعك مع مباَنيك
والمعرض الموجود في بيكاديلّي
ادعي عسى تعمى وتنشل رجليك
هذا دعائي دوم لا جيت أصلّي
خليتني اركض ورا البنت هّاذيك
واشوفها أجمل غرام ٍ حصلّي
قلبي عشقها يا(جيفنشي) توماتيّك
وان شافها قلبي تراقص يهلّي
قلت ان سمحتي دون مكياج يكسيـك
ودي اشوفك بالجمال المحلّي
قالت دقايق راجعه لك واراويك
ذاك الجمال اللي لعينك يسلّي
ويوم رجعت لي شربكتني شرابيك
وحسيت الأرض تدوربي في محلّي
الخد كنه يا(جيفنشي) سيراميك
والوجه شارع مثل شارع حولّي
الوجه كنه بيت كله شبابيك
من هالحفر ويلاه ياكبر غلّي
كله سبب مكياجك الله يجازيك
خليتني مخدوع في شكل خلّي
اللي بلا مكياج خله حواليـك
واللي على المكياج .. خله تولّـي