[سميرة جوهر]

سندريلا
الرواية باللهجة الفلسطينية
لبست الفسطان وراحت جري عالكصر وشافها الأمير وحبها وركصوا سوا وفجأة دكت الساعة طناش وجراي ..
صارت ترمح وترمح ووكعت ببوجها عالدرج.
سندريلا راحت عالبيت واتمنت لو انو الساعة مادكتش على الطناش ، بس شو تسوي بحظها المشحر مثل حظ هاظا الشعب.
الأمير حط فردة البابوج على مخدة يمكن لونها زركة أو خظرا، المهم صار ينادي بالصوت على كل البنات عشان يكيسن البابوج ، كل البنات كاسن الا سندريلا.
سندريلا نزلت على الساحة ومعها فردة البابوج ، وحطتها على المخدة الي عليها الفردة الثانية، ولما كربت عشان تكيسها ظربها الأمير تشف ، وحكالها : وين جاي يما .
حكتلو : يقطع وجهك ما أزنخك ، مش شايفني بدي أكيس البابوووج.
حكالها: وحدة مثلك كيف بدها تكون فلكة الكمر هديك.
حكتلو: هسا بفرجيك وأحط على عينك.
ولما اجت تكيسها ، ماطلعت كد اجرها ، لانها كانت ورمانة من كثر الشغل ، وياحرام ماحد صدكها ، وانجنت المشحرة ودارت في الشوارع ،
والامير اتزوج غيرها وحكى : لوينتا بدي أظل أدور عليها الله لا يردها هي الخسرانة .
وفي قول آخر ان البنت انكتلت يا حرام في غارة اسرائيلية..

معلش اللهجة مبالغ فيها شوي
من أجل الترفيه فقط
منقوووووووووول