مسا الخير..
ممكن لوسمحتم لي ارتاح اليوم من الألغاز وأكمل السهرة معكن..؟؟
لما كنت ببداية المرحلة الجامعية ،حبيت أدرّس وأمارس هوايتي المفضلة..
المهم.. مشي الحال واتعينت بقرية صغيرة والمدرسة فيها بيت عربي ،الله يعينهم..
دخلت الصف،مافي حدا..
الشباب الطيبة عم يتنزهوا..
ولما شافوا معلمة صغيرة وحلوة (آل يعني) الكل ركض يحضر الدرس..
طبعاً ذهنهم شارد والعيون مسبلة وأنا محتارة من وين بدي أبدأ..
وشوووو رياضيات وفيزياء وكيمياء...
قلت يابنت كمّلي ولاتتراجعي..
صرت كل يوم احجز أكثرمن خمس دقائق ارشاد نفسي وتوجيه،مع أنو فارق السن مو كتير بيني وبينهم:
-ياشباب أنا أملي فيكم كبير،أنتو بترفعوا الراس،أهلكم ناطرينكم وبيفتخروا فيكم..
أنا راهنت على نجاحكم...ابن القرية ذكي والاثبات عليكم..
وكانت النتيجة مذهلة...نجاح بنسبة غير متوقعة ،
أرسل المدير في طلبي العام التالي ،لكني اعتذرت ،وبقيتْ ذكرى حلوة بحياتي
بتعرفوا ياجماعة ،مهما كان المعلم عنده معلومات قيّمة وشهادات عالية،
إذا ما وجد الاسلوب المناسب لنقل المعلومة،وإذا مانزل لمستوى الطلاب فهو فاشل..صدقوني..
ولا زلت أحتفظ بالرسائل العفوية الحلوة والأشغال اليدوية البسيطة اللي بعثوها بعيد المعلم،
مع أنني كنت رافضتها أيامها..
وأكيد مارح ينسوني ..لازم ماينسوني!!
ياريت ماينسوني......!!!