يا مسا الورد
معلش تاخرت شوية في الرد
لأحكيلك شي يا هيا
انا مش كتير جريئة في مواضيع الكيك وبفضل الوصفات الي باخدها من صديقاتي ومعارفي
وفي وصفات بكتب تحتها من وصفاتي وهذه انا مجربتها وبتكون زبطت معي
لكن لاحظت يا هيا مثلا من الحلو اللي بعملو في البيت ان الحلو كل ما كان بسيط كل ما كان مفضل اكتر وخاصة الحلو البارد وممكن احكيلك عن حلويات بسيطة بعملها في البيت ومفضلة عند اسرتي ..
متلا يا هيا
بتعرفي بسكويت الليدي فينجرز
بشتريه من السوبر ماركت
هلا برص البسكويت في صينية بايركس أو اي صحن تقديم عندك
بشرب البسكويت بالحليب .. انا بحب اترك اجزاء منه ناشفه بس اولادي بيفضلو يكون مبلل
بعدين احضر حليب مركز نستلة وبصبه عليه واضعه في الثلاجه ..
بعدها يا هيا التشوكلايت سيرب أو صلصة شوكولاته بتحضريها في البيت وبتتزيني فيها البسكويت بالطريقة اللي بتحبيها خيوط او دوائر ورجعيها بالثلاجة ..
وصفة سهلة ومفضلة عند اسرتي ..
وصحتين