ــــ
ــــ
ــــ
ــــ
ــــ
ـــ
ــــ
ــــ
ــــ
كابوس فظيع صحاني من عز المنــــام
آل إيه ! مبارك رشـَّحُـوه يبقى الإمـــام
ويعود رئيس من تانـي وبنفـْس النظـام
وبدال ما يتحاكِم علـــى سنين الفســــاد
هيقعِّدوه ع الكـُرسي وبتعظيــم ســـلام
ويجيب نظيف من تاني وجمال والشريــــف
علشان يخلـُّوا الشعب مش لاقـــي الرغيــف
والعادلي يرجع تانـــي ( بالمَاسْك ) المُخيف
يقلِـْب كيــان الدوله ويطيح في العِبــــــــــاد
وشبابنا يرجــع تاني يُقـْعُد ع الرصيــــــف
وسألت واحِــد مِــن لجـــــان الإنتخـــــــاب
إيــــه اللي خلـَّى ناس تصوَّت للغـُـــــراب
بعد امَّا خلـَّى مصر بتعُـــوم في الخــراب
وفلوله جاهزه بضغطه واحده ع الزنــــاد
قال لي عشان الشعب واخِد ع العـــــذاب
وادِي صراع السُلـْطه ولـَّع في البلـــــــد
وديابة المخلوع بتنهش في الجَسَــــــــــد
والشعب سلـِّم أمرُه ع الرب وسَجـــــــد
وقعــــد بيتفـــرَّج كأنـُّــه ع الحِيَـــــــــاد
وقصاد عنيه طاغي جديد تانـــى اتوَلـَد
واتسرسِبت بينـَّا جماعه من الفلـــــــول
إتقدِّمِت للإنتخاب حَسَب الأصُـــــــــول
كـــان النتيجــه إنـُّهُم نالــوا القـُبــــــــول
واليــأس دب بقـــوه ف صـــدور الولاد
والشعب نايم في العسل ، صابُه الخمُول
وصحيت من الكااابوس على صوت الأدان
ولقيتني ماشي ورجلي راحت ع الميــــدان
والكـُـل كان مِسْتنــي رأى البرلمـــــــــــان
وكأننـــا واقفيـــن دقايِّـــــــــق للحِـــــــــداد
بعـــــد امَّا مات العدل واختل الميـــــــزان