[ثناء حاج صالح]

المشاركة الأصلية كتبت بواسطة هشام يوسف

أسعد الله أوقاتك أختنا ثناء وجميع الأخوة، وجمعة مباركة.

كنت آمل أن يزداد أجيج المنافسة وتشحذ الهمم في فن الحشد والإصطفاف... ولعلها تكون فرصة في تعلم آداب الإختلاف والمنافسة في العالم الإفتراضي.. نختلف ونتنافس، ونبقى أشقاء وقلوبنا بيضاء.

وين كنت غايب عن المنافسة يا أستاذ هشام .....لو كنت بعرف إنك حابب تنافسني ..كنت عطيتك فرصة بس أن مليت من ضعف المنافسة .... .وقعدت أحلل أسباب غيابك ففكرت إنك بيجوز تكون خايف ومبعـّد ..لأنو يا حرام ...يمكن أنا سببتلك عقدة بقصيدتي العصماء ..فصار ضميري يعذبني عليك ...وندمت لأنو أنا قلبي طيب ..وقلت أحسن شي أكفر عن ذنبي ..بإني أنسحب بلكي بتنحل عقدتك قبل ما تكبر وما تلاقيلها حلاّل ....وبعدين يا سيدي حلال عليك منصب المستشار ....ويعني أنا قد ما مدحت فيك راحيل ..وقد ما تحمستلك ... صار عندي فضول ..وصرت بدي أعرف ....شو يلي عندك ومخلي راحيل تحط فيك كل هالثقة ؟؟؟ تفضل فرجينا قدراتك الباهرة لنشوف ..أما قصة أنو نبقى أشقاء وقلوبنا بيضاء فهي قصة مفروغ منها وما بدا اتنين يحكو فيها ....يعني إذا كنت خايف أسوّد لك عيشتك ..فلا تخاف حط رجليك بمي باردة ....لأنو أنا روحي رياضية ( بتلعب تنس ) ..بعدين أنا ما انهزمت حتى أنتقم ..أنا انسحبت بإرادتي ..ما حدا ضربني على إيدي حتى انسحب ..كل القصة إني مليت ...
وهلأ ..أنا رشحتك إلك ..يعني لازم أنا أعملك دعاية وأشارك في حملتك ..
انتخبوا هشام يوسف
هشام يوسف وبس
والباقي كله خس