[عُلا الياس]

أ/ صلاح الفاضل .. هذا موضوع كتبتو مره عن رايّ بقيادة المرأه للسياره في السعودية
الرياض مساحتها بلد قائمه بحالها مشكلة الازمه حلها مو صعب
وأيضا مو بالرياض فقط في ازمه كل المدن الكبيره العواصم فيها ازمات وهذا ما منع المرأه تقود سياره
حقيقة انا متفاعله مع هالموضوع لأنو بيشكل مشكله عظيمة بحياتي هنا في الرياض
ولا اخفيك قررت أن اعود للأردن ولا ارجع هنا الا لتجديد الاقامه
وصدقني لو قلت الك ان السبب الأكبر هو هذه المشكله لما كنت أبالغ !
عموما شكرا لوقتك وعذرا اني رجعت مره تانيه
حبيت انقلك هادا الموضوع كان في خلاف يومها
وناس تطاولت على الشيوخ وسخرت من المجتمع هون
فحكيت كلمتي يعني وان بشكل ساخر !
احترامي اخي المكرم
~~~~~~~~

مساء الخير
دخلت كم منتدى أردني .. لئيت على الأقل بكل منتدى عام فيها ثلاث مواضيع على الأقل بتحكي عن قيادة المرأه للسيارة في السعودية .
هادا ومنتدى اردني ، شلون لو دخلت منتدى سعودي !
حكيت يلا الكل بحكي اجت عليكِ يا علا احكي يختي انتي التانيه
~~~
هلا الموضوع بلا شك بيحكي عن قيادة المرأه للسيارة بالسعودية ،
يعني مو عن قيادة المراه للسيارة بحد ذاتو ، وطبعا هناك فرق
واحنا مو سعوديه اخزي العين بس من باب قلوب دول الخليج على بعض نازلين نفتي فيها مواحنا بدنا نتحد نسير دولة خليجية
~~~
هالموّال بننظرلو المفروض كما تقول علا حماها الله
من بابين :
باب نظامي .. وباب شرعي ،
النظامي بيتعلق بخصوصية هالمجتمع السعودي ، وقانونه تجاه هالؤصه
هلأ الأطفال تحت سن 18 سنه ممنوع يقودو السياره مو ؟
هادا قانون .. ما حدن الو انو يطلع عنو ،
بالسعوديه القانون المتعارف عليه ضمنيا ، شنو ما بعرف ان في نص قانوني صريح يعني ..
لكن المعروف انو المرأه لا يجوز لها ان تقود السياره
من باب قانوني نظامي يا جماعه ما دخلنا بالشرعي لسه
فانو مجموعة نسوان يلمن حالهن يحكن باليوم الفلاني بدنا نركب السيارات بالخاوه ( كما مجموعة ناويه هالنيه ابصر فين ع الفيس بووك )
كمتل مجموعة اولاد بالصف الخامس يحكو باليوم الفلاني بدنا نركب السياره ( ما بساوي المرأه بالطفل عما بساوي الفعل بآخر التنين خرق قانون )
الثنين متجمعين منشان يخرجوا عن قانون ، بنحكي بخصوصية هالمجتمع ركزوا معي بحكيش عن الأردن ولبنان انا
فهادا غلط بدون ما حد يضربني
خرق للقانون وان كان القانون الاجتماعي الموروث ، قبلنا ولا ما قبلنا هيك الواقع .. العدل واجب تتزنطروش علي ، واذا قلتم فاعدلوا
ما بيسير التطاول على القانون لان بيسير اي حد بدو شي بيخصو يلململو جماعه ويتظاهروا ويخرقوا القانون ، وهنن البعض بالسعودية عم بيعتبرو هادا بيطيح بهيبة القانون السعودي وخصوصية مجتمعه .

هلأ هادا الجانب النظامي ،

طيب والجانب الشرعي يا علا خلصينا ؟
ولكوا شو بعرفني انا شيخ ؟
طب شوي شوي .. عرفنا هو رايك الشخصي بس ، شه وك مالك معصبه علينا
طيب راي شخصي ماشي موافئة
نازلين نفتي وكأنا شيوخ والله ، لا .. وعما بنتطاول عالشيوخ خخخخخخخخخخخ دحريشنا اقوى نوع
مصايب هاي
ما في اي نص لا في القرآن ولا في السنة بيحرم قيادة المرأه للسيارة . بنحكي بشكل عام مو عن السعودية اكرر للتأكيد
وسائل النقل كانت موجوده عأيامه صلى الله عليه وسلم ، وركبنها النساء وقتها ، وفي حديث له صلى الله عليه وسلم ولن ادخل في تفسيره هو لا يتعلق بالموضوع ولكن يشير انهن ركبن الدواب : " خير نساء ركبن الابل " .
ما في اي نص بيحرم انو المراه تركب سيارة .
والشيخ الألباني ، يقول : انو بيجوز للمراه تقود السيارة شنو استر اساسا من ركوبها للدواب ،
وعلى فكره كل العلماء اجمعوا انو جائز للمراه تركب الدواب
هلأ بما انو ما في نص تحريم .. فالأصل انها حلال
فلو كانت حرام ، لحرمها صلى الله عليه وسلم وقتها .
~~~~
طيب وهلأ بهالؤصه يا علا شو الخلاصة ؟
في بلاد عربية مسلمه كالأردن النسوان بيسوئن الهن سنين وعادي
هادا ما الو انو ندحشو بهالؤصه شنو هي محصوره بالمجتمع السعودي
المرأه بالسعوديه بتسوئش سياره بشكل اعتيادي وصريح

الحلال والحرام صار مو بمسألة قيادة المرأه للسياره بحد ذاتها
بل بخصوصية المجتمع ، والخروج عن نظامه والاطاحه بهيبته ، ومفاسد ممكنة انو تترتب على هالؤصة ، هيك همو بشوفو

هلأ لا يجوز نحكي هالطرف صح واصاب ( اللي مع قيادة المرأه للسياره وانا منهم وفي شيوخ افاضل معنا )
وهالطرف متشدد وظالم ( اللي ضد قيادة المراه للسياره وفي منهم شيوخ للأسف توسعوا بوصف المرأه بالفسق ان فعلتها ) ،
شنو مسأله خلافية اجتهادية سارت
علما افاضل بيوافئو
وعلما بيرفضو
المسائل الخلافيه لا يجوز ان يحتكر طرف انو رايه صواب والطرف التاني خطأ
مو حرب اهليه هي عزا ولا حرب فكريه وتغريب مجتمع وهالؤصص
هي مسأله خلافيه بين هالعلماء بتتعلق بخصوصية نظام ومجتمع
الفتاوي اللي عما بتحرم على المراه تركب هالسياره وتسوئها يعني ، لا تلغي وجود خلاف ووجود طرف يحلل هالموضوع
هالشيوخ سلفيه ما بيسير نحكي هادا ليبرالي ، هلا الألباني ليبرالي ؟
ولا نحكي متشددين وظالمين .. لا وبنغلط فيهم عمالنا وهنن علما عما بيجتهدوا ما بسير هيك التطاول يا جماعه ول !
الاختلاف معناتو انو رأيّ لا يُلزِم الناس ، ورأيهم لا يُلزِمُني ، صفت مسألة تقديرية

واللي بيحكوا هاي فتنه وبدو يسير فساد ، وعما يحكوا حيتدمر المجتمع ان المرأه خرجت لقيادة السيارة
وان النسوان بؤرة فساد وحيدخلوا الرجال جهنم ( عأساس الرجال ملائكه اخزي العين )
لا نذهب للغيبيات ونشق لنرى ما في الصدور
اللي بدو يسير من الغيبيات .. ومش كل النسوان بؤرة فساد
وبمجتماعت تانيه النسوان بيسوئن الهن العمر كلو وما سارت كل هالمخاوف ولا بتنحصر اسبابها بان المرأه بتقود سياره
والى ان يقتنع النظام بأهمية هالموضوع وحاجة ضرورية للمرأه فعلا واستر من السائق والبقاء في الشارع تجلس على الأرض تنتظر المحل ان يفتحوغيرها من المشاهدات السيئه اللي سبهها حرمانها من القيادة ، نتقبل هالخلاف بلا تعنت وتعصب وتتفيه لمجتمع وشيوخه
بس وسلامة تسلمكوا طولنا عليكوا