[سلمى رشيد]

مساء الخير أستاذ نايف
بعد إذنك سأقوم بوضع ما كتبه د هاني ابو الفتوح في منتدى الشعر الشعبي هنا

للأستاذ الدكتور وقفات حرة صورها في شعره وله التقدير

اللي كان ريس وطن
شامخ ووسط الدنيا هامة
م الليلة محبوس في مستشفى
وابنه اللي ياما هد الأرض يامة
ياخدوه بطيارة من شارم لطرة
رايح عشان يلبس بيجامة
بيجامة بيضا بَفْتَة
جوه زنزانة سودة عتامة
و حكمتك يا رب
..........................................
أيوة زنزانة ...
لا فيها صاحب ولا واسطة ولا خِلْ
لا فيها شمس ولا نور ولا ضِلْ
لا طبل .. لا زمر .. لا ورد .. لا فُلْ
.........................................
إبن الرئيس
إللي كان راسم يكون الرئيس المعتبر
شوفتوا النهارده عجايب القدر
جوه زنزانة محبوس لا حس لا خبر
جايز عشان ناخد من الدنيا عِبَرْ
جايز يكون عِبْرَة للرئيس المنتظر
إوعى تفكر يوم إنك فوق الخلق
واحد غير البشر
ممكن في لحظة تموت
أو ثورة حرة تقوم
تحطك في زنزانة زَيه
لوحدك تكلم حجر
و حكمتك يا رب

شعر : د هاني ابوالفتوح
الكويت - الأربعاء 13 إبريل 2011
يوم إصدار قرار النائب العام بحبس الرئيس المخلوع و ابنيه 15 يوم