[عيسى عدوي]

المشاركة الأصلية كتبت بواسطة نفيسة الهادي التريكي

[poem=font="Simplified Arabic,5,,bold,normal" bkcolor="deeppink" bkimage="" border="ridge,4," type=0 line=0 align=center use=ex num="0,black"]
يوم مبارح يوم العمر = شفت بحلمي أحلى شهود
عيسى حامل بـِيده خمر = يسقينا وجرارو تجود
وإبراهيم بنص الجمر = على كرسي والنار بْرُود
وبنت الحمراني عالنهر = تغرف بكفوفا وترود
كنْها ما شربت من دهر = وعطش العاشق مالو حدود
وصار الغيم يشكِّل حبر = و(الأطلس) لوحة ممدود
(سوسة) الحلوة بنت البحر = مفروده عالشاطي زنود
صارتني ونادت يا غَمْر = خود اشواقي وجيب ردود
بلمحة عين تـْجلّى الأمر = وسوريّا تهلّي بزغرود
تفّاحه من غصن الفجر = طعمت قلبي ومال العود
يا برهوم شلون الجمر = نار العاشق مالا برود
ويا عيسى معجزةْ الصبر = ما تحيي روح المصدود
لكن حلمي بكرْم الشِّـعْر = فتّح آمالي بعنقود
والشامي يقطفلي زهر = ويعصر تحت شفافي ورود
ولمّا صحيت بعيد الشر = لافي حادي ولا في حود[/poem]
عذرا يا أصدقائي كانت رحلتي بطريق آخر

[poem=font="Traditional Arabic,6,deeppink,bold,normal" bkcolor="skyblue" bkimage="" border="double,4,deeppink" type=1 line=0 align=center use=ex num="0,black"]
يا نفوسه المثل البدر = فزتي وحياة المعبود
شعرك يهدر مثل النهر = والحانك فن ومشهود
وقلبي شايف طعم السحر = بغمزات العينين السود
وزنود البيضا في البحر = أخذت عقلي هيك زنود
بدي بكره لبعد العصر = تيهدي القلب الموعود
لقطع برقة وساحل مصر = واهديك بإيدي العنقود
جاك الرد شوية صبر = بيوصل ع سوسه الزغرود
سلة تفاحة من الحمر = وباقة زهر وكوم ورود
تمسح من قلبك هالقهر = مادام الحادي موجود[/poem]