[عبد الرحمن أبو شندي]

بكل الصمود نرسم أمل
وما عمرنا هُنّا
لا تحلموا ننسى أبد
إحنا مثل خيمة ووتد
وكلنا وفا لأغلى بلد
لعيون موطنّا
**
وتفداكي روحي يا خليل
مهما حصل
ومهما يكون
عمر الحرم لا ما يهون
وما نرضى عن تربك بديل
ورح يطلع العادي بعون الله
مهزوم وذليل
**
مستوطناتك راح تزول
وهالليل لو مهما بقى
بكل التعب وكل الشقى
لا ما يطول
لا ما يطول
وزهرات موطنا باذن الله
ما تعرف ذبول
***
يا عادي رح نشعلها نار
ونردلك كل الدمار
ما تفكر انه راح نلين
احنا شعب لا ما يلين
ولا حتى يمكن نستكين
وراح ترجع الأمجاد فينا
ونقلب الليل لنهار
هذا عهدنا ع الزمن
رغم المحن
رغم الشجن
رح يجي يوم الانتصار


***
ويا ارض الخليل كلنا معك
طول العمر
وراياتنا بالعز الوانا خُضر
ما نرضى يبقى مدمعك
وهمتنا هي مدفعك
قرب وقت انه نثور
ونرجعك
ونرجعك
ونرجعك


عبد الرحمن أبوشندي