[عبده العباسي]

[frame="4 60"]

الخروج من بطن المغارة

الله
وأنوار المدينة
وبخور وداير في الضريح
يتجلى
ذكر
المداحين
فينا.
وتزيد تراتيل المديح
واسمي على جدار الرحم
لسه يا دوبك بترسم
وامي الضعيفة
متبشنقة
بأرطة
من كتان وتيل
والصرخة من بطن المغارة الضيقة
أجمل ندا
يبل ريق الليل
..... ،....... ،....
......،......
كنت خارج من بين سنان الصبر
نايم
قتيل
وروحي متعلقة
على بوابات سيدنا " الحسين "
والمداحين
الأفاقين
نايمين ليلاتي ع الهبات.
_ ولتاني مرة تولديني
الاولى كانت قيصرية
ساح فيها دمي جوا دمك
وخرجت مكسور الخطى
متشوهه فيا السمات
_ ولتاني مرة تطلقيني
بعد عسرة
بعد كسرة
بعد تجاعيد اتنقش فيها اللي فات
_وأنا النهار ده باسألك :
يا هل ترى لوني القديم
لساه في عينك
ولا أصبح زكريات.؟

*********

أشعار : عبده العباسي


[/frame]